Դաշտ

Նշանակություն

Ամսաթիվ

Պահեստի մուտքի օրդերի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:

Պահեստ

Պահեստը, որտեղ պետք է մուտք լինեն նյութական արժեքները:

Գծիկավոր կոդ (F2)

Լրացվում է նյութական արժեքի գծիկավոր կոդը, օգտագործվում է անվանացուցակում նյութական արժեքի նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Փաստաթղթի N

Պահեստի մուտքի օրդերի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:

Ձեռքբերման ինքնարժեքի հաշվարկ

Հաշվարկը կարելի է կանչել, երբ պահեստի մուտքի օրդերը գրանցված է: Տալիս է մանրամասն տեղեկատվություն բաշխված հավելյալ ծախսերի և նյութական արժեքների ինքնարժեքի վերաբերյալ:

ԵՏՄ հայտարարագիր

ԵՏՄ հայտարարագիր հրամանով Excel-ում ձևավորվում է տեղեկատվություն, որը հնարավոր է արտահանել XML ֆորմատով և ներմուծել Հաշվետվությունների ներկայացման էլեկտրոնային համակարգ (taxservice.am):

Հայտարարագիրը կարելի է կանչել, երբ պահեստի մուտքի օրդերը գրանցված է: Հրամանը սեղմելիս բացվող պատուհանում կարելի է ընտրել ՀՀ պետական սահմանը հատելու ամսաթիվը, նշել Արտարժույթի փոխարժեքը, ինչպես նաև ընտրել Նյութական արժեքի հայերեն և ռուսերեն անվանումներին համապատասխանող դաշտերը:  
Պատուհանում ընտրվում են նաև հաշվետվության մեջ արտացոլման ենթակա Հավելյալ ծախսերի բաշխում և ԲՄՀ (ներմուծում) այն փաստաթղթերը, որոնք վերաբերում են մինչև ՀՀ պետական սահմանը կատարված ծախսերին:

Դաշտ

Նշանակություն

Արժույթ

Նյութական արժեքների մուտքի արժույթը:

Արտարժույթի փոխարժեք

Նշված արժույթի դրամային համարժեքը: Այս դաշտն ավտոմատ լրացնում է համակարգը, արժույթի փոխարժեքը փնտրելով Արտարժույթի փոխարժեքներ տեղեկատուի մեջ: Այստեղ փնտրվում է այնպիսի տող, որի ամսաթիվը համընկնում է փաստաթղթում լրացված ամսաթվի հետ: Այդպիսի տողի բացակայության դեպքում ընտրվում է մոտակա ամսաթվով տողը: Այն կարելի է նաև խմբագրել: Եթե արժույթն ազգային դրամն է, ապա Արտարժույթի փոխարժեք և առ դաշտերում գրվում է մեկ:

Մատակարար

Լրացվում է մատակարարի կոդը: Սա ոչ պարտադիր դաշտ է: Այս դաշտի արժեքից ելնելով լրացվում է Անվանում դաշտը, որը կարելի է խմբագրել: Եթե Գործընկերներ տեղեկատուում տվյալ մատակարարը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը: Եթե մատակարարի կոդը լրացվել է, ապա Մատակարարի հաշիվ դաշտը լրացնելու համար համակարգը կառաջարկի միայն այն հաշիվների ցուցակը, որոնց համար հաշվառումն ըստ գործընկերների թույլատրված է:

Անվանում

Մատակարարի անվանումը:

Մատակարարի հաշիվ

Այս դաշտում լրացվում է մատակարարի հաշիվը: Մատակարար դաշտը լրացված լինելու դեպքում լրացված հաշիվը պետք է լինի այնպիսին, որի համար հաշվառումն ըստ գործընկերների թույլատրված է:

Տրված կանխավճարի հաշիվ

Այս դաշտը նախատեսված է մատակարարին տրված կանխավճարի և կրեդիտորական պարտքի փոխմարման համար: Եթե գոյություն ունի տրված կանխավճար, որը ցանկանում եք ավտոմատ փոխմարել կրեդիտորական պարտքի հետ, ապա պետք է այս դաշտում լրացնել կանխավճարի հաշիվը: Այնուհետև, Գործառնություններ էջում  կոճակի միջոցով ավտոմատ գործառնություն գեներացնելիս, նյութական արժեքների ձեռք բերման գործառնություններից բացի կառաջարկվի ևս մի գործառնություն, որի դեբետում մատակարարի հաշիվն է, կրեդիտում` տրված կանխավճարի հաշիվը: Այս գործառնության գումարը հավասար է կանխավճարի և կրեդիտորական պարտքի հաշիվների մնացորդներից նվազագույնին:

Դուրս գրման եղանակ

Լրացվում է մատակարարի կողմից հարկային հաշվի դուրս գրման եղանակը` էլեկտրոնային կամ թղթային:

Ձեռքբերման փաստաթղթի N

Լրացվում է ձեռքբերման փաստաթղթի համարը:

Ձեռքբերման փաստաթղթի ա/թ.

Լրացվում է ձեռքբերման փաստաթղթի ամսաթիվը:

Մեկնաբանություն

Մեկնաբանություն փաստաթղթի վերաբերյալ:

Դաշտ

Նշանակություն

ՆԱ-ի ձեռք բերման տեսակ

Որպես ՆԱ-ի ձեռք բերման տեսակ նախատեսված են հետևյալ տեսակները. Մատակարարից` Հ/Ա-ով, Առհաշվից` միակողմանի գնման ակտով, Առհաշվից` երկկողմանի գնման ակտով և Առանց հարկերի: Ելնելով ընտրված տեսակից` Գործառնություններ էջում Գեներացնել գործառնություններ կոճակի օգնությամբ տրվում են համապատասխան ձևակերպումները:

ԱԱՀ-ի հաշվարկի ձև

Այս դաշտն ակտիվ է, երբ ՆԱ-ի ձեռք բերման տեսակ դաշտում նշված է Մատակարարից` Հ/Ա-ով: Այս դաշտը կարող է ընդունել հետևյալ արժեքները` ԱԱՀ-ով, ԱԱՀ-ն այդ թվում,  Առանց ԱԱՀ կամ Զրոյական ԱԱՀ:

Ներառել ԱԱՀ-ն ինքնարժեքի մեջ

Դրոշակը նշված լինելու դեպքում ԱԱՀ-ի գումարը կներառվի նյութական արժեքների ինքնարժեքի մեջ:

ԱԱՀ-ի արտացոլման ձև

Այս դաշտն ակտիվ է, երբ Ներառել ԱԱՀ-ն ինքնարժեքի մեջ դրոշակը նշված է: Այս դաշտը կարող է ընդունել հետևյալ արժեքները` Չարտացոլել ԱԱՀ-ն շրջանառության մեջ, որի դեպքում գործառնությունները գեներացնելիս ԱԱՀ-ի գումարը չի արտացոլվում ԱԱՀ-ի դեբետային հաշվի վրա, և Արտացոլել ԱԱՀ-ն շրջանառության մեջ, որի դեպքում ԱԱՀ-ի գումարը արտացոլվում է ԱԱՀ-ի դեբետային հաշվի վրա:

Գումար ԱԱՀ

Այս դաշտում` ձեռք բերվող նյութական արժեքների գումարի հիման վրա ավտոմատ լրացվում է ԱԱՀ-ի գումարը, որը սակայն, կարելի է խմբագրել: Փաստաթղթում ավտոմատ գործառնություններ գեներացնելիս որպես ԱԱՀ-ի գումար համակարգն առաջարկում է այս դաշտում նշված գումարը:

Սյուն

Նշանակություն

Կոդ

Նյութական արժեքի կոդը: Եթե Նյութական արժեքներ տեղեկատուում տվյալ նյութական արժեքը գրանցված չէ, այն կարելի է ավելացնել անմիջապես այս պատուհանից` սեղմելով կոճակը: Նյութական արժեքի տվյալները խմբագրելու համար սեղմել կոճակը:

Անվանում

Նյութական արժեքի անվանումը:

Միավոր

Չափման միավորը:

Քանակ

Մուտքագրվող քանակը:

Գին / Գին արտարժ.

Դրամային կամ արտարժույթային գինը: Եթե արժույթն ազգային դրամն է, ապա դաշտի անվանումը Գին է, հակառակ դեպքում` Գին արտարժ.:

Գումար / Գումար արտ.

Դրամային կամ արտարժույթային գումարը: Եթե արժույթն ազգային դրամն է, ապա դաշտի անվանումը Գումար է, հակառակ դեպքում` Գումար արտ.:

ԱԱՀ

Այս դրոշակը նշված լինելու դեպքում մուտքագրվող տողի համար հաշվառվում է ԱԱՀ:

Հաշիվ

Նյութական արժեքի հաշիվը:

Դաշտ

Նշանակություն

Անվանում

Մատակարարի անվանումը:

Իրավ. հասցե

Մատակարարի իրավաբանական հասցեն:

Գործ. հասցե

Մատակարարի գործունեության հասցեն:

Հաշվարկային հաշիվ

Հաշվարկային հաշվի համարը բանկում:

ՀՎՀՀ

Հարկ վճարողի հաշվառման համարը:

Ղեկավարի պաշտոն

Փաստաթուղթը ստորագրող ղեկավարի պաշտոնը:

Ղեկավարի Ա.Ա.Հ.

Ղեկավարի անուն, ազգանուն, հայրանունը:

Հաշվապահի պաշտոն

Փաստաթուղթը ստորագրող հաշվապահի պաշտոնը:

Հաշվապահի Ա.Ա.Հ.

Հաշվապահի անուն, ազգանուն, հայրանունը:

Դաշտ

Նշանակություն

Լիազորագիր

Լիազորագրի համարը:

Միջնորդ

Լրացվում է միջնորդը, այն կարելի է ընտրել Արտահայտություններ ցուցակից:

Ավտ/Բեռնարկղ

Ավտո բեռնարկղի համարը:

Գլխավոր հաշվապահ

Գլխավոր հաշվապահի Ա.Ա.Հ., լրացվում է համակարգի դրույթներից, կարելի է խմբագրել:

Թույլատրեց

Թույլատրողի Ա.Ա.Հ.,այն կարելի է ընտրել Արտահայտություններ ցուցակից:

Ընդունեց

Նյութական պատասխանատու անձը, այս դաշտը լրացվում է մուտքի պահեստը լրացնելիս,կարելի է խմբագրել:  

Տրանսպորտային փաստաթղթի N

Լրացվում է Տրանսպորտային (ապրանքն ուղեկցող) փաստաթղթի համարը: Դաշտի արժեքը լրացվում է ԵՏՄ հայտարարագրում:

ա/թ.

Լրացվում է Տրանսպորտային (ապրանքն ուղեկցող) փաստաթղթի ամսաթիվը: Դաշտի արժեքը լրացվում է ԵՏՄ հայտարարագրում:

Պատկեր

Նշանակություն

Ավելացնել տվյալ փաստաթղթին անհրաժեշտ նոր գործառնություն:

Գործառնությունների ցուցակում ավելացնել նոր տող` պատճենելով ընթացիկ տողի արժեքները:

Գործառնություններից հեռացնել ընթացիկ տողը:

Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում նյութական արժեքների ցուցակի հիման վրա գեներացնել գործառնությունները կոճակը:  

Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Նյութական արժեքների ցուցակի հիման վրա ստեղծվում են գործառնությունների տողեր հետևյալ սկզբունքով. միևնույն հաշվով նշված նյութական արժեքների տողերը գումարային ներկայացվում են մեկ տողով որպես դեբետ, իսկ որպես կրեդիտ լրացվում է մատակարարի հաշիվը: Կախված ՆԱ ձեռք բերման տեսակ դաշտի արժեքից` կարող է լրացվել ևս մի գործառնության տող: Եթե տեսակը նշված է Մատակարարից` Հ/Ա-ով, ապա որպես դեբետ լրացվում է դրույթների Հաշիվներ էջից ԱԱՀ-ի դեբետային հաշիվը, իսկ կրեդիտ լրացվում է մատակարարի հաշիվը: Եթե տեսակը նշված է Առհաշվից` միակողմանի գնման ակտով կամ Առհաշվից` երկկողմանի գնման ակտով, ապա դեբետը չի լրացվում, իսկ որպես կրեդիտ լրացվում է դրույթների Հաշիվներ էջից Եկամտային հարկի կրեդիտային հաշիվը: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Պահեստի մուտքի օրդեր կարելի է ներմուծել MS Excel-ի IncomeImport.xlsm և IncomeGroupImport․xlsm ֆայլերի միջոցով, որոնք գտնվում են Import գրադարանում (Օրինակ` C:\Program Files\Armenian Software\AS-Accountant 7\Import ):