Պահեստ > Փաստաթղթեր > ԲՄՀ (Ներմուծում)

Բեռնամաքսային հայտարարագիրը (ԲՄՀ) նախատեսված է Հայաստանի մաքսային սահմանով ապրանքներ փոխադրելիս վճարվող մաքսատուրքերը, մաքսավճարներն ու ԱԱՀ-ի գումարները մուտքագրելու համար: Փաստաթղթում մուտքագրվող տվյալների համար հիմք է համարվում Մաքսային մարմնին տրված Բեռնամաքսային հայտարարագիրը` գրավոր հայտարարությունը:

Փաստաթղթի պատուհանը բաղկացած է 3 էջից` Ընդհանուր, Նյութական արժեքների ցուցակ և Գործառնություններ:

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Փաստաթղթի հերթական համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:

Ընդհանուր էջի տեսքը հետևյալն է.

Warehouse.Documents.CustomsDeclarations(Import)1

Դաշտ	Նշանակություն
Մաքսատուն	Լրացվում է մաքսատունը, որտեղ կատարվել է ապրանքների մաքսազերծումը։ Եթե Գործընկերներ տեղեկատուում տվյալ մաքսատունը գրանցված չէ, այն կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը:
Մաքսավճար	Նշվում է մաքսավճարի գումարը` արտահայտված դրամով։
Մաքսավճարի հաշիվ	Նշվում է այն հաշիվը, որով ձևակերպվելու է մաքսավճարի գումարը: Ավտոմատ առաջարկվում է Դրույթների Հաշիվներ էջում նշված հաշիվը:
Մաքսատուրքի հաշիվ	Նշվում է այն հաշիվը, որով ձևակերպվելու է մաքսատուրքի գումարը: Ավտոմատ առաջարկվում է Դրույթների Հաշիվներ էջում նշված հաշիվը:
Մաքսային արժեքի հաշիվ	Նշվում է այն հաշիվը, որով ձևակերպվելու է մաքսային արժեքը:
ԱԱՀ-ի դեբետային հաշիվ	Նշվում է այն հաշիվը, որով դեբետագրվելու է ԱԱՀ-ի գումարը:
ԱԱՀ-ի կրեդիտային հաշիվ	Նշվում է այն հաշիվը, որով կրեդիտագրվելու է ԱԱՀ-ի գումարը:
ԲՄՀ-ի N	Մաքսային մարմնին տրված բեռնամաքսային հայտարարագրի համարը:
Մեկնաբանություն	Մեկնաբանություն փաստաթղթի վերաբերյալ:

Նյութական արժեքների ցուցակ էջի տեսքը հետևյալն է.

Warehouse.Documents.CustomsDeclarations(Import)2

Այս էջի տվյալները լրացնելու համար առաջին հերթին անհրաժեշտ է Ընտրել Հիմք ՊՄՕ-եր հրամանով ընտրել այն Պահեստի մուտքի օրդերները, որոնցով ներմուծված ապրանքները մաքսազերծվել են:
ԲՄՀ-ի տողեր դաշտին կից ցուցակում կցուցադրվեն բոլոր այն ԱՏԳԱԱ կոդերը, որոնցով տողեր կան փաստաթղթի ցուցակում: Եթե կան նյութական արժեքներ, որոնց ԱՏԳԱԱ կոդը դատարկ է, ապա ցուցակում կլինի նաև դատարկ կոդով տող:
Այժմ անհրաժեշտ է ցանկից ընտրել ԱՏԳԱԱ-ի տողը, Մաքսային արժեք դաշտում լրացնել այդ ԱՏԳԱԱ-ին համապատասխան արժեքը գրավոր հայտարարությունից: Ըստ անհրաժեշտության` կարելի է խմբագրել ավտոմատ լրացվող Մաքսատուրքի և ԱԱՀ-ի տոկոսներն ու գումարները: Այնուհետև անհրաժեշտ է սեղմել Բաշխել ըստ ԱՏԳԱԱ-ի հրամանը: Համակարգն ավտոմատ կբաշխի գումարները համապատասխան ԱՏԳԱԱ կոդով Նյութական արժեքների վրա` ըստ Պահեստի մուտքի օրդերում ընդհանուր գումարում ունեցած տեսակարար կշռի կամ ընդհանուր քանակում ունեցած տեսակարար կշռի:
Նույն ձևով կատարվում է բոլոր ԱՏԳԱԱ կոդերին համապատասխան բաշխումները:

Նյութական արժեքների ցուցակը ունի հետևյալ սյուները`

Սյուն	Նշանակություն
Կոդ	Նյութական արժեքի կոդն է:
Անվանում	Նյութական արժեքի անվանումն է:
ԲՄՀ-ի տող	ԱՏԳԱԱ դասակարգչի կոդը: Դաշտը խմբագրվող է, Նյութական արժեքի տեղեկատուում լրացված լինելու դեպքում, ավտոմատ կլրացվի փաստաթղթում:
Միավոր	Չափման միավորը:
Քանակ	Մուտքագրվող քանակը:
ՊՄՕ գումար դրամով	Հիմք փաստաթղթում նյութական արժեքի դրամային գումարն է, այն հանդիսանում է գումարային բաշխման հիմքը: Բաշխումը կատարվում է տեսակարար կշռի սկզբունքով:
Մաքսատուրք	Նյութական արժեքի ինքնարժեքի վրա բաշխված Մաքսատուրքի գումարն է: Դաշտը խմբագրման ենթակա է:
Գումար ԱԱՀ	Նյութական արժեքի մակարդակով դեբետային ԱԱՀ-ի գումարն է: Դաշտը խմբագրման ենթակա է:
Հաշիվ	Նյութական արժեքի հաշիվը:
Մուտքի ամսաթիվ	Հիմք փաստաթղթի ամսաթիվը:
Մուտքի փաստաթուղթ	Հիմք Պահեստի մուտքի օրդերն ու համարը:

Գործառնություններ էջի տեսքը հետևյալն է.

Warehouse.Documents.CustomsDeclarations(Import)3

Այս էջում ձևակերպվում են փաստաթղթի գործառնությունները: Այստեղ նախատեսված են հետևյալ արագ հասանելի կոճակները.

Պատկեր	Նշանակություն
	Ավելացնել տվյալ փաստաթղթին անհրաժեշտ նոր գործառնություն:
	Գործառնությունների ցուցակում ավելացնել նոր տող` պատճենելով ընթացիկ տողի արժեքները:
	Գործառնություններից հեռացնել ընթացիկ տողը:
	Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում նյութական արժեքների ցուցակի հիման վրա գեներացնել գործառնությունները կոճակը:
	Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Ընդհանուր էջում նշված հաշիվների և Նյութական արժեքների ցուցակի հիման վրա ստեղծվում են գործառնությունների տողեր հետևյալ սկզբունքով. ներկայացվում են մաքսավճարի, մաքսատուրքի և ԱԱՀ-ի ձևակերպման տողեր, միևնույն հաշվով նշված նյութական արժեքների տողերը գումարային ներկայացվում են մեկ տողով: Իսկ ԱԱՀ-ի կրեդիտային հաշվի հետ թղթակցում է ԱԱՀ-ի դեբետային հաշիվ դաշտում նշված հաշիվը: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Բեռնամաքսային հայտարարագիրը գրանցվում է Հիշել , Հիշել և փակել , Հիշել և նոր կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, Հիշել կոճակը սեղմելիս փաստաթուղթը գրանցվում է և ավտոմատ բացվում խմբագրման համար, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական նոր փաստաթուղթը: Վերջին դեպքում որոշ դաշտեր, ինչպես նաև նյութական արժեքների ցուցակը և գործառնությունները, դատարկվում են, իսկ որոշ մուտքի դաշտեր էլ մնում են անփոփոխ, որոնք հերթական փաստաթղթի համար կարելի է խմբագրել: Սևագիր կոճակի միջոցով փաստաթուղթը հիշվում է սևագիր վիճակում, այսինքն այն չի արտացոլվում համակարգի ոչ մի հաշվառման մեջ: Դա ծառայում է միայն փաստաթղթի դաշտերում մուտքագրված արժեքները հիշելու, իսկ այնուհետև փաստաթուղթը լրացուցիչ ստուգելուց հետո գրանցելու համար:

Բեռնամաքսային հայտարարագրի հիման վրա կարելի է ստեղծել Վճարման հանձնարարագիր և Դրամարկղի ելքի օրդեր: Դա անելու համար պետք է ՆԱ փաստաթղթերի մատյանում կանգնել տվյալ փաստաթղթի տողի վրա և կոնտեքստային ցանկից ընտրել Ստեղծել փաստաթղթի հիման վրա... հրամանը: Ստեղծվող փաստաթղթերում հիմնական դաշտերը լրացվում են հիմք փաստաթղթի համապատասխան դաշտերի արժեքներով: