Պահեստ > Փաստաթղթեր > Վաճառք (Մանրածախ)

Վաճառք (Մանրածախ) փաստաթուղթը նախատեսված է մանրածախ առևտրում վաճառքների իրականացման համար: Մանրածախ վաճառքը իրականացվում է դրամային գներով, իսկ ԱԱՀ-ի գումարը որոշվում է 16.67% հաշվարկային դրույքաչափով: Վաճառք (Մանրածախ) փաստաթղթի պատուհանը կարելի է կանչել` սեղմելով ստեղնաշարից F12 ստեղնը։

Փաստաթղթի պատուհանը բաղկացած է 5 էջերից` Ընդհանուր, Մատակարար, Գնորդ, Անվանացուցակ և Գործառնություններ:

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Վաճառք (Մանրածախ) փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Վաճառք (Մանրածախ) փաստաթղթի հերթական համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև` սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Գնորդ	Լրացվում է գնորդի կոդը: Եթե Գործընկերներ տեղեկատուում տվյալ գործընկերը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջը խմբագրելու համար սեղմել կոճակը: Եթե Օգտագործողի փաստաթղթերում նշված է Գնորդը Վաճառք (Մանրածախ) փաստաթղթում դաշտը, ապա փաստաթղթում ավտոմատ կրացվի համապատասխան գնորդը:
Տպել ծախս հիմնավորող ՀԴՄԿ	Դրոշակը նշված լինելու դեպքում ՀԴՄ կտրոնի վրա կարտացոլվի գնորդի ՀՎՀՀ-ն:
Գծիկավոր կոդ (F2)	Լրացվում է նյութական արժեքի գծիկավոր կոդը, օգտագործվում է անվանացուցակում նյութական արժեքի նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:
ՀԴՄ կտրոնի N	Լրացվում է ՀԴՄ կտրոնի համարը: Խմբագրման ենթակա չէ:

Առաջին էջում լրացվում են փաստաթղթի ընդհանուր ռեկվիզիտները.

RetailSale1

Ընդհանուր էջն ունի հետևյալ դաշտերը.

Դաշտ	Նշանակություն
Պայմանագիր	Գնորդի հետ պայմանագրի համարը:
Պայմանագրի ամսաթիվը	Պայմանագրի կնքման ամսաթիվը:
Դրամարկղ	Դրամարկղի կոդը, որտեղ կմուտքագրվի վաճառքից ստացված կանխիկ գումարը։ Լրացվում է օգտագործողի Փաստաթղթերի դրույթներ պատուհանում նշված Դրամարկղ դաշտի արժեքը։
Գնորդի հաշիվ	Գնորդի հաշիվը:
Ստացված կանխավճարի հաշիվ	Ստացված կանխավճարի հաշիվը:
ԱԱՀ-ի հաշիվ	ԱԱՀ-ի հաշիվը:
Բնապահ. հարկի կրեդիտային հաշիվ	Բնապահպանական հարկը ձևակերպելիս կրեդիտում լրացվող հաշիվը: Այս դաշտն արտացոլվում է, եթե Դրույթներում նշված է Բնապահպանական հարկ վճարող դրոշակը:
Անկանխիկ գործարքների հաշիվ	Անկանխիկ ստացված գումարը մուտքագրելու հաշիվը:
Դուրս գրման եղանակ	Հարկային հաշիվների դուրսգրման եղանակը` էլեկտրոնային կամ թղթային:
Սերիա և համար	Հարկային մարմնի կողմից ստացված սերիա-համարը:
Դուրս գրման ամսաթիվ	Հարկային հաշիվների դուրսգրման ամսաթիվը:
Մեկնաբանություն	Մեկնաբանություն փաստաթղթի վերաբերյալ:

Վաճառք (Մանրածախ) փաստաթղթի Անվանացուցակ էջում նշվում են.

Դաշտ	Նշանակություն
ԱԱՀ-ի հաշվարկի ձև	Որպես ԱԱՀ-ի հաշվարկի ձև նախատեսված են հետևյալ դեպքերը. ԱԱՀ-ն այդ թվում 16,67%, Առանց ԱԱՀ և Զրոյական ԱԱՀ:
Պահեստ	Պահեստ դաշտում մուտքագրված արժեքն առաջարկվում է նյութական արժեքի նոր տող գրանցելիս: Այս դաշտը պարտադիր է լրացնել գծիկավոր կոդի կիրառման դեպքում: Նյութական արժեքի տող ավելացնելիս Ցուցակի Պահեստ սյունում կառաջարկվի այս արժեքը:
Զեղչի տոկոս	Այս դաշտը երևում է, եթե Դրույթներ պատուհանի Ընդհանուր էջում նշված է Վաճառքի ժամանակ թույլատրել օգտագործել զեղչ դրոշակը։ Կարելի է լրացնել տոկոսը, որի չափով պետք է կատարվի գների իջեցումը տվյալ վաճառքի ժամանակ։ Այս դաշտը լրացվում է, եթե վաճառքի ժամանակ զեղչ է կիրառվում: Լրացված զեղչը կիրառվում է փաստաթղթի ամբողջ գումարի վրա: Այս դաշտում կարելի է լրացնել նաև բացասական թիվ, այդ դեպքում տեղի կունենա լրացված տոկոսի չափով գների բարձրացում: Փաստաթղթի տպվող ձևերում երևում է միայն զեղչված գինը:
Անկանխիկ գումար	Նշվում է անկանխիկ վճարվող գումարի չափը:
Օգտագործել ՀԴՄ-ի POS-ը	Հայտանիշը նշված լինելու դեպքում ՀԴՄ կտրոն տպելիս անկանխիկ վճարումները հնարավոր կլինի ստանալ ՀԴՄ սարքի POS տերմինալով:
Կանխավճարի օգտագործում	Նշվում է ստացված կանխավճարի գումարի այն չափը, որը փոխմարվելու է դեբիտորական պարտքի հետ: Այս գումարն արտացոլվում է ՀԴՄ կտրոնի վրա Կանխավճարի օգտագործում տողում: Գործառնություններ էջում կոճակի միջոցով ավտոմատ գործառնություն գեներացնելիս կանխավճարի և դեբիտորական պարտքի փոխմարման տողում լրացվում է այս գումարը:

RetailSale2

Վաճառք (Մանրածախ) փաստաթղթի այս էջում լրացվում է վաճառվող նյութական արժեքների կամ ծառայությունների ցուցակը: Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ:

Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Ցուցակի սյուներն ունեն հետևյալ նշանակությունը.

Դաշտ	Նշանակություն
Տեսակ	Ցույց է տալիս` ցուցակում մուտքագրվող կամ խմբագրվող տողը նյութական արժեք է, թե ծառայություն:
Պահեստ	Նյութական արժեքի դեպքում լրացվում է պահեստի կոդը: Ծառայության դեպքում այս դաշտը խմբագրվող չէ:
Կոդ	Նյութական արժեքի կամ ծառայության կոդը:
Անվանում	Նյութական արժեքի անվանումը:
Միավոր	Նյութական արժեքի կամ ծառայության չափման միավորը: Լրացվում է ավտոմատ` նյութական արժեքի կամ ծառայության կոդը լրացնելիս:
Քանակ	Նյութական արժեքի քանակը կամ ծառայության ծավալը:
Գին	Վաճառքի գինը դրամով: Նյութական արժեքի դեպքում համակարգն առաջարկում է Նյութական արժեքների գնացուցակ տեղեկատուում տվյալ նյութական արժեքի համար Մանրածախ գին դրամով դաշտում լրացված գինը: Ծառայության դեպքում լրացվում է Ծառայությունների գնացուցակ տեղեկատուի Վաճառքի գին դրամով դաշտում լրացված գինը:
Գումար	Այս դաշտում ավտոմատ լրացվում է գին և քանակ դաշտերի արտադրյալը:
Այդ թվում բն. հարկի %	Նյութական արժեքի կամ ծառայության վաճառքի գումարում բնապահպանական հարկի %-ը: Այս դաշտն արտացոլվում է, եթե Դրույթներում նշված է Բնապահպանական հարկ վճարող դրոշակը:
Այդ թվում բն. հարկի գումար	Նյութական արժեքի կամ ծառայության վաճառքի գումարում բնապահպանական հարկի գումարը: Այս դաշտն արտացոլվում է, եթե Դրույթներում նշված է Բնապահպանական հարկ վճարող դրոշակը:
ԱԱՀ	Այս դրոշակը նշված լինելու դեպքում մուտքագրվող տողի համար հաշվառվում է ԱԱՀ:
Ծախսի հաշիվ	Նյութական արժեքի դեպքում այստեղ լրացվում է վաճառքից առաջացող ծախսի հաշիվը, իսկ ծառայության դեպքում այն դատարկ է:
Հասույթի հաշիվ	Նյութական արժեքի կամ ծառայության վաճառքից առաջացող հասույթի հաշիվն է:
Խմբաքանակ	Այս դաշտում լրացվում է ելքագրվող կամ ծախսվող նյութական արժեքի խմբաքանակը: Կարող է լինել Ավտոընտրություն, եթե ընտրված չէ խմբաքանակ, կամ Ընտրված է խմբաքանակ, եթե կատարվել է խմբաքանակի ընտրություն:

Ցուցակում նույն նյութական արժեքը կամ ծառայությունը կարելի է գրանցել մեկից ավելի անգամ:

Այս էջում Գումար ԱԱՀ դաշտը հաշվարկվում է ավտոմատ՝ հաշվի առնելով ԱԱՀ-ի հաշվարկի ձևը և խմբագրման ենթակա չէ: Ընդհանուր գումար դաշտը նույնպես հաշվարկվում և լրացվում է ավտոմատ, այն կարելի է խմբագրել:

Վաճառք (Մանրածախ) փաստաթղթի պատուհանի հաջորդ երկու էջերում լրացվում են համապատասխանաբար մատակարարի և գնորդի տվյալները: Մատակարար էջի դաշտերի արժեքները լրացվում են Դրույթների կազմակերպություն էջում լրացված տվյալների հիման վրա, իսկ Գնորդ էջի դաշտերի արժեքները` Գործընկերներ տեղեկատուից` տվյալ գործընկերոջ տվյալների հիման վրա:

Փաստաթղթի ներքին տպվող ձևում հասցեները պատկերվում են հետևյալ կերպ: Եթե գործունեության հասցեն լրացված չէ կամ այն ամբողջովին համընկնում է իրավաբանական հասցեի հետ, ապա տպվող ձևում պատկերվում է միայն իրավաբանական հասցեն: Եթե գործունեության հասցեն տարբերվում է իրավաբանական հասցեից, ապա տպվող ձևում երկու տողերն էլ երևում են:

Գնորդ էջի դաշտերը նույնությամբ կրկնում են Մատակարար էջի դաշտերը, բացառությամբ Ա/Ձ-ի պետ. գրանց. վկ. N և Անձնագրի համար դաշտերի: Այս դաշտերը լրացվում են այն դեպքում, երբ գնորդն անհատ ձեռնարկատեր կամ ֆիզիկական անձ է:

Եթե Ա/Ձ-ի պետ. գրանց. վկ. N դաշտը լրացված է, ապա փաստաթղթի տպվող տեսքերում կպատկերվեն և´ ՀՎՀՀ, և´ Ա/Ձ-ի պետ. գրանց. վկ. N, և´ Անձնագրի համար դաշտերը:

Եթե Ա/Ձ-ի պետ. գրանց. վկ. N դաշտը դատարկ է, ապա տպվող տեսքերում կպատկերվի միայն ՀՎՀՀ դաշտը:

Եթե Անձնագիր դաշտը լրացված է և ՀՎՀՀ դաշտը դատարկ է, ապա տպվող տեսքում կպատկերվի միայն Անձնագիր դաշտը:

Գնորդ էջում հնարավոր է լրացնել նաև Սոցիալական ծախս կատարած անձի տվյալները: Եթե նշվում է Սոցիալական ծախս կատարած ՀՀ քաղաքացի դրոշակի, ակտիվանում է Սոցիալական ծախսի տեսակ դաշտը: Դաշտում հնարավոր է նշել 1.Առողջության ապահովագրական փաթեթ, 2.Կրթական ծախս և 3.Այլ: Եթե տեսակը նշված է Առողջության ապահովագրական փաթեթ կամ Կրթական ծախս, ապա ակտիվանում է նաև Սոցիալական ծախս կատարած անձի տվյալները էջը, որտեղ հնարավոր է լրացնել Անձի Անունը, Ազգանունը և Անձը հաստատող փաստաթղթի վերաբերյալ տվյալներ: Լրացված տվյալները արտահանվում են փաստաթղթերը e-Invoicing համակարգ տեղափոխելիս` համապատասխան դաշտերի արժեքները լրացնելու համար:

RetailSale3

RetailSale4

Պատուհանի հինգերորդ էջում ձևակերպվում են փաստաթղթի գործառնությունները:

RetailSale5

Գործառնություններ էջում կան հետևյալ կոճակները.

Պատկեր	Նշանակություն
	Ավելացնել տվյալ փաստաթղթին անհրաժեշտ նոր գործառնություն:
	Գործառնությունների ցուցակում ավելացնել նոր տող` պատճենելով ընթացիկ տողի արժեքները:
	Գործառնություններից հեռացնել ընթացիկ տողը:
	Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում գեներացնել գործառնությունները կոճակը:
	Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Ցուցակի հիման վրա ստեղծվում են հետևյալ գործառնությունները. նյութական արժեքների դուրս գրման գործառնությունները, որտեղ դեբետում լրացվում է ծախսի հաշիվը, իսկ կրեդիտում` ինքնարժեքի հաշիվը, հասույթի գործառնությունները, որտեղ դեբետում լրացվում Է գնորդի հաշիվը, իսկ կրեդիտում` հասույթի հաշիվը, ԱԱՀ-ի գործառնությունները, որտեղ համապատասխանաբար լրացվում են գնորդի հաշիվը և ԱԱՀ-ի հաշիվը: Այս գործառնությունները ստեղծվում են նյութական արժեքների համար, իսկ ծառայությունների համար ստեղծվում են միայն վերջին երկու գործառնությունները: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Փաստաթուղթը գրանցվում է Հիշել , Հիշել և փակել , Հիշել և նոր կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական փաստաթուղթը: Սևագիր կոճակի միջոցով փաստաթուղթը հիշվում է սևագիր վիճակում, այսինքն այն չի արտացոլվում համակարգի ոչ մի հաշվառման մեջ: Դա ծառայում է միայն փաստաթղթի դաշտերում մուտքագրված արժեքները հիշելու, իսկ այնուհետև փաստաթուղթը լրացուցիչ ստուգելուց հետո գրանցելու համար: Փաստաթղթից հնարավոր է տպել ՀԴՄ կտրոն` ՀԴՄԿ կոճակի միջոցով:

Վաճառք (Մանրածախ) փաստաթղթի հիման վրա կարելի է ստեղծել Դրամարկղի մուտքի օրդեր: Այդ դեպքում Դրամարկղի մուտքի օրդերում լրացվում է Վաճառք (Մանրածախ) փաստաթղթի համապատասխան դաշտերի տվյալները: Վաճառք (Մանրածախ) փաստաթղթի հիման վրա Դրամարկղի մուտքի օրդեր ստեղծելու համար պետք է փաստաթղթերի մատյանում տվյալ Վաճառք (Մանրածախ) փաստաթղթից բացվող կոնտեքստային ցանկից ընտրել Ստեղծել փաստաթղթի հիման վրա... հրամանը:

Նշում
Վաճառք (Մանրածախ) կարելի է ներմուծել MS Excel-ի InvoiceRetailImport.xlsm և InvoiceRetailGroupImport.xlsm ֆայլերի միջոցով, որոնք գտնվում են Import գրադարանում (Օրինակ` C:\Program Files\Armenian Software\AS-Accountant 7\Import ):

Տես ավելին`

Ի՞նչ դեպքերում կարող է առաջանալ շեղում սինթետիկ հաշիվների և նյութական արժեքների մնացորդների միջև

Գործառնություն գրանցելիս կամ հեռացնելիս կարմրում է հաշվի մնացորդը