Դաշտ

Նշանակություն

Ամսաթիվ

Վերադարձ մատակարարին փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:

Փաստաթղթի N

Վերադարձ մատակարարին փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:

Հիմք փաստաթուղթ

Կարելի է նշել այն փաստաթուղթը, որի հիման վրա կատարվում է վերադարձ մատակարարին: Հիմք փաստաթուղթն ընտրելու համար անհրաժեշտ է բացել փաստաթղթերի մատյանը, որի համար պետք է սեղմել դաշտի աջ կողմում տեղադրված կոճակը։ Նախքան մատյանի պատուհանը բացվելը կհայտնվի դիալոգ պատուհան, որում պետք է նշել հիմք փաստաթղթի գրանցման ժամանակահատվածը, տեսակը և վիճակը։ Հիմք փաստաթուղթ կարող են հանդիսանալ Պահեստի մուտքի օրդեր փաստաթուղթը։ Հիմք փաստաթուղթն ընտրելու դեպքում համակարգն առաջարկում է լրացնել փաստաթղթի դաշտերը հիմք փաստաթղթի համապատասխան դաշտերի արժեքներով։

Դաշտ

Նշանակություն

Արժույթ

Նյութական արժեքների վերադարձման արժույթը:

Արտարժույթի փոխարժեք

Նշված արժույթի դրամային համարժեքը: Այս դաշտն ավտոմատ լրացնում է համակարգը` արժույթի փոխարժեքը փնտրելով Արտարժույթի փոխարժեքներ տեղեկատուի մեջ: Այստեղ փնտրվում է այնպիսի տող, որի ամսաթիվը համընկնում է փաստաթղթում լրացված ամսաթվի հետ: Այդպիսի տողի բացակայության դեպքում ընտրվում է մոտակա ամսաթվով տողը: Այն կարելի է նաև խմբագրել: Եթե արժույթն ազգային դրամն է, ապա Փոխարժեք և առ դաշտերում գրվում է մեկ:

Մատակարար

Լրացվում է այն մատակարարի կոդը, որին վերադարձվում են նյութական արժեքները: Եթե Գործընկերներ տեղեկատուում տվյալ մատակարարը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը:

Մատակարարի հաշիվ

Այս դաշտում լրացվում է մատակարարի հաշիվը: Մատակարար դաշտը լրացված լինելու դեպքում լրացված հաշիվը պետք է լինի այնպիսին, որի համար հաշվառումն ըստ գործընկերների թույլատրված է:

Տարանցիկ հաշիվ

Հաշիվն օգտագործվում է գործառնությունները գեներացնելիս:

Մեկնաբանություն

Մեկնաբանություն փաստաթղթի վերաբերյալ:

Հիմք սերիա և համար

Հիմք փաստաթղթի սերիան և համարը: Եթե հիմք փաստաթուղթը ստացված հաշիվն է, ապա այս դաշտում լրացվում է ստացված հաշվի սերիան և համարը: Հիմք փաստաթուղթ կարող է հանդիսանալ նաև Պահեստի մուտքի օրդեր փաստաթուղթը, որի դեպքում որպես հիմք սերիա և համար կլրացվի Պահեստի մուտքի օրդեր փաստաթղթի ձեռքբերման փաստաթղթի համարը:

Սերիա և համար

Հարկային մարմնի կողմից ստացված սերիա-համարը:

ԱԱՀ-ի հաշվարկի ձև

Որպես ԱԱՀ-ի հաշվարկի ձև նախատեսված են հետևյալ դեպքերը. 1 - ԱԱՀ-ով, 2 - ԱԱՀ-ն այդ թվում, 3 - Առանց ԱԱՀ և 4 - Զրոյական ԱԱՀ:

ԱԱՀ-ն ներառված է ինքնարժեքի մեջ

Դրոշակը նշված լինելու դեպքում ԱԱՀ-ի գումարը կներառվի վերադարձվող նյութական արժեքների ինքնարժեքի մեջ:

Պահեստ

Նշվում է պահեստը, որտեղից վերադարձվում են նյութական արժեքները: Պահեստ դաշտում մուտքագրված արժեքն առաջարկվում է նյութական արժեքի նոր տող գրանցելիս:

Դաշտ

Նշանակություն

Պահեստ

Պահեստը, որտեղից ելքագրվում են նյութական արժեքները:

Կոդ

Նյութական արժեքի կոդը:

Անվանում

Նյութական արժեքի անվանումը:

Միավոր

Նյութական արժեքի չափման միավորը: Լրացվում է ավտոմատ` նյութական արժեքի կոդը լրացնելիս:

Քանակ

Նյութական արժեքի վերադարձվող քանակը:

Գին / Գին արտարժ.

Նյութական արժեքի վերադարձի գինն ազգային դրամով կամ արտարժույթով: Եթե արժույթն ազգային դրամն է, ապա դաշտի անվանումը Գին է, հակառակ դեպքում` Գին արտարժ.:

Գումար / Գումար արտ.

Նյութական արժեքի վերադարձի գումարը դրամով կամ արտարժույթով: Եթե արժույթն ազգային դրամն է, ապա դաշտի անվանումը Գումար է, հակառակ դեպքում` Գումար արտ.:

ԱԱՀ

Դրոշակը նշված լինելու դեպքում մուտքագրվող տողի համար հաշվառվում է ԱԱՀ:

Խմբաքանակ

Այս դաշտում լրացվում է ելքագրվող նյութական արժեքի խմբաքանակը: Կարող է լինել Ավտոընտրություն, եթե ընտրված չէ խմբաքանակ և/կամ նշված չէ հիմք փաստաթուղթը, կամ Ընտրված է խմբաքանակ, եթե կատարվել է խմբաքանակի ընտրություն և/կամ նշվել է հիմք փաստաթուղթը:

Դաշտ

Նշանակություն

Անվանում

Մատակարարի անվանումը:

Իրավ. հասցե

Մատակարարի իրավաբանական հասցեն:

Գործ. հասցե

Մատակարարի գործունեության հասցեն:

Հաշվարկային հաշիվ

Հաշվարկային հաշվի համարը բանկում:

ՀՎՀՀ

Հարկ վճարողի հաշվառման համարը:

Ղեկավարի պաշտոն

Փաստաթուղթը ստորագրող ղեկավարի պաշտոնը:

Ղեկավարի Ա.Ա.Հ.

Ղեկավարի անուն, ազգանուն, հայրանունը:

Հաշվապահի պաշտոն

Փաստաթուղթը ստորագրող հաշվապահի պաշտոնը:

Հաշվապահի Ա.Ա.Հ.

Հաշվապահի անուն, ազգանուն, հայրանունը:

Պատկեր

Նշանակություն

Ավելացնել տվյալ փաստաթղթին անհրաժեշտ նոր գործառնություն:

Գործառնությունների ցուցակում ավելացնել նոր տող` պատճենելով ընթացիկ տողի արժեքները:

Գործառնություններից հեռացնել ընթացիկ տողը:

Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում գեներացնել գործառնությունները կոճակը:

Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Նյութական արժեքների ցուցակի հիման վրա ստեղծվում են գործառնությունների տողեր հետևյալ սկզբունքով. նյութական արժեքների դուրս գրման գործառնությունները, որտեղ դեբետում լրացվում է ընտրված տարանցիկ հաշիվը, իսկ կրեդիտում` ինքնարժեքի հաշիվը, գնորդի գործառնությունները, որտեղ դեբետում լրացվում Է գնորդի հաշիվը, իսկ կրեդիտում` ընտրված տարանցիկ հաշիվը, ԱԱՀ-ի գործառնությունները, որտեղ համապատասխանաբար լրացվում են գնորդի հաշիվը և ԱԱՀ-ի հաշիվը:

Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Վերադարձ մատակարարին կարելի է ներմուծել MS Excel-ի ReturnToSupplierGroupImport.xlsm ֆայլի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Accountant 7\Import ):