Պահեստ > Փաստաթղթեր > Պահեստի ելքի օրդեր

Պահեստի ելքի օրդեր փաստաթուղթը օգտագործվում է պահեստից նյութական արժեքների ելքերը կամ ծախսերը գրանցելու համար: Այս փաստաթուղթը բաղկացած է 4 էջերից` Ընդհանուր, Նյութական արժեքների ցուցակ, Լրացուցիչ և Գործառնություններ:

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Պահեստի ելքի օրդերի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Պահեստ	Պահեստը, որտեղից ելքագրվում կամ ծախսվում են նյութական արժեքները:
Գծիկավոր կոդ (F2)	Լրացվում է նյութական արժեքի գծիկավոր կոդը, օգտագործվում է անվանացուցակում նյութական արժեքի նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:
Փաստաթղթի N	Պահեստի ելքի օրդերի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:

Ընդհանուր էջի տեսքը հետևյալն է.

Storagewriteoff

Դաշտ	Նշանակություն
Ծախսի հաշիվ	Այս դաշտում լրացվում է ծախսի հաշիվը: Լրացված հաշիվը պետք է լինի այնպիսին, որի համար հաշվառումն ըստ գործընկերների թույլատրված չէ:
Մեկնաբանություն	Մեկնաբանություն փաստաթղթի վերաբերյալ:

Այս էջում լրացվում է նաև ելքագրվող կամ ծախսվող նյութական արժեքների ցուցակը: Այդ ցուցակը լրացնելուց առաջ, նախօրոք պետք է լրացնել Պահեստ դաշտը, քանի որ նյութական արժեքների ցուցակը լրացնելիս այն անհրաժեշտ է: Նյութական արժեքների ցուցակի սյուների նշանակությունը հետևյալն է.

Սյուն	Նշանակություն
Կոդ	Նյութական արժեքի կոդը:
Անվանում	Նյութական արժեքի անվանումը:
Միավոր	Չափման միավորը:
Քանակ	Ելքագրվող կամ ծախսվող քանակը:
Գումար	Այս դաշտում լրացվում է ելքագրվող կամ ծախսվող նյութական արժեքի գումարը: Ցուցակը լրացնելիս այս դաշտում երևում է 0, եթե խմբաքանակը նշված է Ավտոընտրություն: Գումարներն արձանագրվում են ցուցակում փաստաթուղթը գրանցելուց հետո:
Խմբաքանակ	Այս դաշտում լրացվում է ելքագրվող կամ ծախսվող նյութական արժեքի խմբաքանակը: Կարող է լինել Ավտոընտրություն, եթե ընտրված չէ խմբաքանակ, կամ Ընտրված է խմբաքանակ, եթե կատարվել է խմբաքանակի ընտրություն:

Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ:

Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Տողի խմբագրումը կատարվում է տողի վրայից: Նոր տող ավելացնելիս պետք է ընտրել նյութական արժեքի կոդը, որից ելնելով համակարգն ավտոմատ լրացնում է Անվանում և Չափման միավոր դաշտերը: Այնուհետև պետք է նշել ելքագրման կամ ծախսի քանակը: Ըստ այդ քանակի, համակարգը հաշվի առնելով նյութական արժեքի հաշվառման կամ ծախսի մեթոդը, որոշում է, թե նյութական արժեքի առկա քանակներից ո՞ր հաշվառման գներից ի՞նչ քանակությամբ պետք է ելքագրվի, և ըստ այդմ էլ գրանցումից հետո ավտոմատ հաշվարկվում է Գումար դաշտը: Տվյալ նյութական արժեքի առկայությունից ըստ հաշվառման մեթոդի ընտրված քանակները մանրամասն արտապատկերվում են Խմբաքանակ (Ելքի սպեցիֆիկացիա) պատուհանում: Այս պատուհանի ցուցակի տողերում երևում են ընտրված նյութական արժեքի առկայությունը տվյալ պահին` ըստ մուտքի ամսաթվի, հաշվառման գնի, ելքագրվող քանակի, հաշվի և մուտքի փաստաթղթի:

Ընթացիկ տողը խմբագրելիս թույլատրվում է խմբագրել Կոդ, Քանակ և Խմբաքանակ դաշտերը: Ցուցակում նույն նյութական արժեքը կարելի է գրանցել մեկից ավելի անգամ:

Լրացուցիչ էջի տեսքը հետևյալն է.

storagewriteoff1

Այս էջում լրացվում են պահեստի ելքի օրդերին վերաբերվող լրացուցիչ տվյալներ.

Դաշտ	Նշանակություն
Լիազորագիր	Լիազորագրի համարը:
Միջնորդ	Լրացվում է միջնորդը, այն կարելի է ընտրել Արտահայտություններ ցուցակից:
Ավտ/Բեռնարկղ	Ավտո բեռնարկղի համարը:
Գլխավոր հաշվապահ	Գլխավոր հաշվապահի Ա.Ա.Հ., լրացվում է համակարգի դրույթներից, կարելի է խմբագրել:
Թույլատրեց	Թույլատրողի անվանումը, այն կարելի է ընտրել Արտահայտություններ ցուցակից:
Պահանջել է	Պահանջողի Ա.Ա.Հ., այն կարելի է ընտրել Արտահայտություններ ցուցակից:

Գործառնություններ էջի տեսքը հետևյալն է.

Storagewriteoff2

Այս էջում ձևակերպվում են փաստաթղթի գործառնությունները: Գործառնություններ էջում նախատեսված են հետևյալ կոճակները.

Պատկեր	Նշանակություն
	Ավելացնել տվյալ փաստաթղթին անհրաժեշտ նոր գործառնություն:
	Գործառնությունների ցուցակում ավելացնել նոր տող` պատճենելով ընթացիկ տողի արժեքները:
	Գործառնություններից հեռացնել ընթացիկ տողը:
	Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում նյութական արժեքների ցուցակի հիման վրա գեներացնել գործառնությունները կոճակը:
	Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Նյութական արժեքների ցուցակի հիման վրա ստեղծվում են գործառնությունների տողեր հետևյալ սկզբունքով. միևնույն հաշվով նշված նյութական արժեքների տողերը գումարային ներկայացվում են մեկ տողով որպես կրեդիտ, իսկ որպես դեբետ լրացվում է Ծախսի հաշիվ դաշտը: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Խմբագրման ռեժիմին անցնելով` լրացված գործառնության տողի ցանկացած դաշտ, բացի Գումար դրամով սյունից, կարելի է խմբագրել, իսկ Գումար դրամով սյունն ավտոմատ հաշվարկվում է Գումար արժույթ և Արժույթ սյուների հիման վրա:

Պահեստի ելքի օրդեր փաստաթուղթը գրանցվում է Հիշել , Հիշել և փակել , Հիշել և նոր կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, Հիշել կոճակը սեղմելիս փաստաթուղթը գրանցվում է և ավտոմատ բացվում խմբագրման համար, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական նոր փաստաթուղթը: Վերջին դեպքում որոշ դաշտեր, ինչպես նաև նյութական արժեքների ցուցակը և գործառնությունները, դատարկվում են, իսկ որոշ դաշտեր էլ մնում են անփոփոխ, որոնք հերթական փաստաթղթի համար կարելի է խմբագրել: Սևագիր կոճակի միջոցով փաստաթուղթը հիշվում է սևագիր վիճակում, այսինքն այն չի արտացոլվում համակարգի ոչ մի հաշվառման մեջ: Դա ծառայում է միայն փաստաթղթի դաշտերում մուտքագրված արժեքները հիշելու, իսկ այնուհետև փաստաթուղթը լրացուցիչ ստուգելուց հետո գրանցելու համար:

Պահեստի ելքի օրդերին հնարավոր է կցել ֆայլեր, հղումներ: Ֆայլերի և հղումների կցումը նկարագրված է Կցված ֆայլեր բաժնում:

Անմիջապես Պահեստի ելքի օրդերից կարելի է անցում կատարել փաստաթղթերի մատյանին, ինչպես նաև կանչել հաշվետվություններ: Գործողությունների հրամանները տեղադրված են փաստաթղթի ժապավենի Այլ ներդիրում:

Նշում
Պահեստի ելքի օրդեր կարելի է ներմուծել MS Excel-ի ExpenseImport.xlsm և ExpenseGroupImport․xlsm ֆայլերի միջոցով, որոնք գտնվում են Import գրադարանում (Օրինակ` C:\Program Files\Armenian Software\AS-Accountant 7\Import ):

Տես ավելին`

Ի՞նչ դեպքերում կարող է առաջանալ շեղում սինթետիկ հաշիվների և նյութական արժեքների մնացորդների միջև

Գործառնություն գրանցելիս կամ հեռացնելիս կարմրում է հաշվի մնացորդը