Պահեստ > Փաստաթղթեր > Վերադարձ գնորդից

Վերադարձ գնորդից փաստաթղթի միջոցով իրականացվում է վաճառված նյութական արժեքների, ծառայությունների կամ հիմնական միջոցների վերադարձ կազմակերպություն։

Վերադարձը կարելի է ձևավորել նախկինում գրանցված վաճառքի հիման վրա։ Նյութական արժեքների, ծառայությունների կամ հիմնական միջոցների ցուցակը լրացվում է բոլոր վաճառված նյութական արժեքներով, ծառայություններով կամ հիմնական միջոցներով և ցուցակում անհրաժեշտ է թողնել միայն վերադարձվող նյութական արժեքները, ծառայությունները կամ հիմնական միջոցները։ Նյութական արժեքների վերադարձի դեպքում համակարգը, հիմնվելով վաճառքի փաստաթղթի վրա, որոշում է վերադարձվող նյութական արժեքների խմբաքանակը և նշված պահեստ է մուտքագրում այն գներով, որոնցով դրանք վաճառվել են։

Այն դեպքում, երբ վերադարձը գրանցելիս չի նշվում հիմք փաստաթուղթը, օգտագործողը ինքնուրույն պետք է մուտքագրի վերադարձվող նյութական արժեքները, ծառայությունները կամ հիմնական միջոցները` նշելով քանակը, վաճառքի գինը, ինքնարժեքը և ինքնարժեքի հաշիվը։

Փաստաթղթի գրանցումը կատարվում է պատուհանի միջոցով, որը բաղկացած է 5 էջից` Ընդհանուր, Անվանացուցակ, Մատակարար, Գնորդ և Գործառնություններ։

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Վերադարձ գնորդից փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Վերադարձ գնորդից փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Հիմք փաստաթուղթ	Կարելի է նշել այն փաստաթուղթը, որի հիման վրա կատարվում է վերադարձը գնորդից: Հիմք փաստաթուղթն ընտրելու համար անհրաժեշտ է բացել փաստաթղթերի մատյանը, որի համար պետք է սեղմել դաշտի աջ կողմում տեղադրված կոճակը։ Նախքան մատյանի պատուհանը բացվելը կհայտնվի դիալոգ պատուհան, որում պետք է նշել հիմք փաստաթղթի գրանցման ժամանակահատվածը, տեսակը և վիճակը։ Հիմք փաստաթուղթ կարող են հանդիսանալ Հաշիվ-Ապրանքագիր կամ Վաճառք (Մանրածախ) փաստաթղթերը։ Հիմք փաստաթուղթն ընտրելու դեպքում համակարգն առաջարկում է լրացնել փաստաթղթի դաշտերը հիմք փաստաթղթի համապատասխան դաշտերի արժեքներով։
Գնորդ	Լրացվում է գնորդի կոդը: Եթե Գործընկերներ տեղեկատուում տվյալ գործընկերը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջը խմբագրելու համար սեղմել կոճակը:
Գծիկավոր կոդ (F2)	Նյութական արժեքի գծիկավոր կոդը, օգտագործվում է անվանացուցակում նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ: F2 ստեղնի միջոցով կարելի է արագորեն անցում կատարել այս դաշտ:

Ընդհանուր էջում լրացվում են փաստաթղթի ընդհանուր ռեկվիզիտները.

Returnfrombuyer1

Դաշտ	Նշանակություն
Արժույթ	Նյութական արժեքների, ծառայությունների կամ հիմնական միջոցների վերադարձման արժույթը:
Արտարժույթի փոխարժեք	Նշված արժույթի դրամային համարժեքը: Այս դաշտն ավտոմատ լրացնում է համակարգը` արժույթի փոխարժեքը փնտրելով Արտարժույթի փոխարժեքներ տեղեկատուի մեջ: Այստեղ փնտրվում է այնպիսի տող, որի ամսաթիվը համընկնում է փաստաթղթում լրացված ամսաթվի հետ: Այդպիսի տողի բացակայության դեպքում ընտրվում է մոտակա ամսաթվով տողը: Այն կարելի է նաև խմբագրել: Եթե արժույթն ազգային դրամն է, ապա Փոխարժեք և առ դաշտերում գրվում է մեկ:
Պայմանագիր	Պայմանագրի համարը (50 տառաթվանիշ):
Պայմանագրի ամսաթիվը	Պայմանագրի կնքման ամսաթիվը:
Դրամարկղ	Դրամարկղի կոդը, որտեղից կելքագրվի վերադարձվող կանխիկ գումարը։ Լրացվում է օգտագործողի Փաստաթղթերի դրույթներ պատուհանում նշված Դրամարկղ դաշտի արժեքը։
Գնորդի հաշիվ	Գնորդի հաշիվը: Մատակարար դաշտը լրացված լինելու դեպքում լրացված հաշիվը պետք է լինի ըստ գործընկերների հաշվառվող:
Ստացված կանխավճարի հաշիվ	Ստացված կանխավճարի ձևակերպման հաշիվը:
ԱԱՀ-ի հաշիվ	ԱԱՀ-ի հաշիվը:
Անկանխիկ գործարքների հաշիվ	Անկանխիկ գումարի ձևակերպման հաշիվը:
Բնապահ. հարկի կրեդիտային հաշիվ	Բնապահպանական հարկը ձևակերպելիս կրեդիտում լրացվող հաշիվը: Այս դաշտն արտացոլվում է, եթե Դրույթներում նշված է Բնապահպանական հարկ վճարող դրոշակը:
Հիմք սերիա և համար	Հիմք փաստաթղթի սերիան և համարը:
Հիմք դուրսգրման ա/թ	Հիմք փաստաթղթի դուրսգրման ամսաթիվը:
Դուրս գրման եղանակ	Ճշգրտող հաշիվների դուրսգրման եղանակը` էլեկտրոնային կամ թղթային:
Սերիա և համար	Հարկային մարմնի կողմից ստացված սերիա-համարը:
Դուրսգրման ամսաթիվ	Ճշգրտող հաշիվների դուրսգրման ամսաթիվը:
Մեկնաբանություն	Մեկնաբանություն փաստաթղթի վերաբերյալ:

Վերադարձ գնորդից փաստաթղթի Անվանացուցակ էջում նշվում են.

Դաշտ	Նշանակություն
ԱԱՀ-ի հաշվարկի ձև	Որպես ԱԱՀ-ի հաշվարկի ձև նախատեսված են հետևյալ դեպքերը. 1 - ԱԱՀ-ով, 2 - ԱԱՀ-ն այդ թվում, 3 - Առանց ԱԱՀ, 4 - Զրոյական ԱԱՀ և 5 - ԱԱՀ-ն այդ թվում 16.67 %:
Պահեստ	Նշվում է պահեստը, որտեղ վերադարձվում են նյութական արժեքները: Ծառայության կամ հիմնական միջոցի դեպքում այն դատարկ է: Պահեստ դաշտում մուտքագրված արժեքն առաջարկվում է նյութական արժեքի նոր տող գրանցելիս:
Զեղչի տոկոս	Այս դաշտը երևում է, եթե Դրույթներ պատուհանի Ընդհանուր էջում նշված է Վաճառքի ժամանակ թույլատրել օգտագործել զեղչ դրոշակը։ Կարելի է լրացնել տոկոսը, որի չափով պետք է կատարվի գների իջեցումը տվյալ վերադարձի ժամանակ։ Այս դաշտը լրացվում է, եթե վերադարձի ժամանակ զեղչ է կիրառվում: Լրացված զեղչը կիրառվում է փաստաթղթի ամբողջ գումարի վրա: Այս դաշտում կարելի է լրացնել նաև բացասական թիվ, այդ դեպքում տեղի կունենա լրացված տոկոսի չափով գների բարձրացում: Փաստաթղթի տպվող ձևերում երևում է միայն զեղչված գինը:
Անկանխիկ գումար	Նշվում է անկանխիկ վերադարձվող գումարի չափը:
Կանխավճար	Նշվում է ստացված կանխավճարի գումարի այն չափը, որը փոխմարվելու է դեբիտորական պարտքի հետ: Այս գումարն արտացոլվում է ՀԴՄ կտրոնի վրա Կանխավճարի օգտագործում տողում: Գործառնություններ էջում կոճակի միջոցով ավտոմատ գործառնություն գեներացնելիս կանխավճարի և դեբիտորական պարտքի փոխմարման տողում լրացվում է այս գումարը:

Returnfrombuyer2

Անվանացուցակ աղյուսակում լրացվում են վերադարձվող նյութական արժեքների կամ ծառայությունների կոդը կամ հիմնական միջոցների գույքային համարը, անվանումը, չափման միավորը, քանակը, գինը, գումարը, ծախսի և հասույթի հաշիվները։ Եթե Ընդհանուր էջում ընտրված է հիմք փաստաթուղթը, ապա անվանացուցակն ավտոմատ լրացվում է հիմք փաստաթղթի հիման վրա։ Լրացված տողերը կարելի է խմբագրել, հեռացնել, կամ ավելացնել նոր տողեր։

Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Ցուցակի սյուներն ունեն հետևյալ նշանակությունը.

Դաշտ	Նշանակություն
Տեսակ	Ցույց է տալիս ցուցակում մուտքագրվող կամ խմբագրվող տողը նյութական արժեք է, ծառայություն, թե հիմնական միջոց:
Պահեստ	Նյութական արժեքի դեպքում պահեստի կոդը, ծառայության կամ հիմնական միջոցի դեպքում այն դատարկ է:
Կոդ	Նյութական արժեքի կամ ծառայության կոդը կամ հիմնական միջոցի գույքային համարը:
Անվանում	Նյութական արժեքի, ծառայության կամ հիմնական միջոցի անվանումը:
Միավոր	Նյութական արժեքի կամ ծառայության չափման միավորը: Լրացվում է ավտոմատ` նյութական արժեքի կամ ծառայության կոդը լրացնելիս:
Քանակ	Նյութական արժեքի կամ հիմնական միջոցի վերադարձվող քանակը կամ ծառայության վերադարձվող ծավալը:
Գին / Գին արտարժ.	Նյութական արժեքի, ծառայության կամ հիմնական միջոցի վերադարձի գինն ազգային դրամով կամ արտարժույթով: Եթե արժույթն ազգային դրամն է, ապա դաշտի անվանումը Գին է, հակառակ դեպքում` Գին արտարժ.:
Գումար / Գումար արտ.	Նյութական արժեքի, ծառայության կամ հիմնական միջոցի վերադարձի գումարը դրամով կամ արտարժույթով: Եթե արժույթն ազգային դրամն է, ապա դաշտի անվանումը Գումար է, հակառակ դեպքում` Գումար արտ.:
Այդ թվում բն. հարկի %	Նյութական արժեքի, ծառայության կամ հիմնական միջոցի վերադարձի գումարում բնապահպանական հարկի %-ը: Այս դաշտն արտացոլվում է, եթե Դրույթներում նշված է Բնապահպանական հարկ վճարող դրոշակը:
Այդ թվում բն. հարկի գումար	Նյութական արժեքի, ծառայության կամ հիմնական միջոցի վերադարձի գումարում բնապահպանական հարկի գումարը: Այս դաշտն արտացոլվում է, եթե Դրույթներում նշված է Բնապահպանական հարկ վճարող դրոշակը:
Ինքնարժեք (առանց ԱԱՀ)	Վերադարձվող նյութական արժեքների ինքնարժեքը: Սյունը հայտնվում է այն դեպքում, երբ նշված չէ հիմք փաստաթուղթը:
Ինքնարժեքի գումար (առանց ԱԱՀ)	Վերադարձվող նյութական արժեքների ինքնարժեքի գումարը: Սյունը հայտնվում է այն դեպքում, երբ նշված չէ հիմք փաստաթուղթը:
ԱԱՀ	Դրոշակը նշված լինելու դեպքում մուտքագրվող տողի համար հաշվառվում է ԱԱՀ:
Ինքնարժեքի հաշիվ	Վերադարձվող նյութական արժեքների ինքնարժեքի հաշիվն է: Սյունը հայտնվում է այն դեպքում, երբ նշված չէ հիմք փաստաթուղթը:
Ծախսի հաշիվ	Նյութական արժեքի դեպքում այստեղ լրացվում է վաճառքից առաջացող ծախսի հաշիվը, իսկ ծառայության կամ հիմնական միջոցի դեպքում այն դատարկ է:
Հասույթի հաշիվ	Նյութական արժեքի, ծառայության կամ հիմնական միջոցի վերադարձի հետևանքով հասույթի ճշգրտման հաշիվը:

Ցուցակում նույն նյութական արժեքը կամ ծառայությունը կարելի է գրանցել մեկից ավելի անգամ: Այս էջում Գումար ԱԱՀ դաշտը հաշվարկվում է ավտոմատ՝ հաշվի առնելով ԱԱՀ-ի հաշվարկի ձևը և խմբագրման ենթակա չէ:

Ընդհանուր գումար դաշտը նույնպես հաշվարկվում և լրացվում է ավտոմատ, այն կարելի է խմբագրել:

Անվանացուցակի ցանկացած տողում Քանակ կամ Գին դաշտերի խմբագրումը բերում է Գումար դաշտի ավտոմատ փոփոխմանը, իսկ Գումար դաշտի խմբագրումը բերում է Գին դաշտի փոփոխմանը, եթե Քանակ դաշտը զրո չէ: Նշված փոփոխությունների դեպքում ավտոմատ հաշվարկվում են անվանացուցակի բոլոր տողերի գումարը, շտկվում են Գումար ԱԱՀ և Ընդհանուր գումար դաշտերը: Գին դաշտը լրացնելիս, բոլոր դեպքերում, դաշտից դուրս գալիս հաշվի է առնվում ԱԱՀ-ի հաշվարկի ձև դաշտի արժեքը և անհրաժեշտության դեպքում կատարվում է Գին դաշտի վերահաշվարկ՝ հանելով ԱԱՀ-ի չափը: Գումար դաշտի խմբագրումը բերում է Գումար ԱԱՀ դաշտի փոփոխմանը՝ այն չփոքրացնելու պայմանով:

Մատակարար էջում լրացվում են առաքողի կամ մատակարարի տվյալները: Այդ դաշտերի արժեքները լրացվում են Դրույթներ-ի Կազմակերպություն էջում լրացված տվյալների հիման վրա և ստուգման չեն ենթարկվում: Դրանք կարելի է հեռացնել կամ փոխարինել այլ տվյալներով: Այս էջի տեսքը հետևյալն է.

Returnfrombuyer3

Դաշտ	Նշանակություն
Անվանում	Առաքողի կամ մատակարարի անվանումը:
Իրավ. հասցե	Կազմակերպության իրավաբանական հասցեն:
Գործ. հասցե	Կազմակերպության գործունեության իրականացման վայրի հասցեն: Լռությամբ առաջարկվում է Դրույթներ-ի Կազմակերպություն էջում Գործ. հասցե դաշտում նշված արժեքը: Կից ցանկից կարելի է ընտրել համապատասխան մատակարարման պահեստի հասցեն:
Հաշվարկային հաշիվ	Հաշվարկային հաշվի համարը բանկում:
ՀՎՀՀ	Հարկ վճարողի հաշվառման համարը:
Ղեկավարի պաշտոն	Փաստաթուղթը ստորագրող ղեկավարի պաշտոնը:
Ղեկավարի Ա.Ա.Հ.	Ղեկավարի անուն, ազգանուն, հայրանունը:
Հաշվապահի պաշտոն	Փաստաթուղթը ստորագրող հաշվապահի պաշտոնը:
Հաշվապահի Ա.Ա.Հ.	Հաշվապահի անուն, ազգանուն, հայրանունը:

Գնորդ էջում լրացվում են գնորդի տվյալները, ով կարող է հանդիսանալ իրավաբանական կամ ֆիզիկական անձ: Լրացվում են նաև առաքման հետ կապված լրացուցիչ տվյալներ:

Returnfrombuyer4

Վերադարձ գնորդից պատուհանի Գործառնություններ էջի տեսքը հետևյալն է.

Returnfrombuyer5

Գործառնություններ էջում կան հետևյալ կոճակները.

Պատկեր	Նշանակություն
	Ավելացնել տվյալ փաստաթղթին անհրաժեշտ նոր գործառնություն:
	Գործառնությունների ցուցակում ավելացնել նոր տող` պատճենելով ընթացիկ տողի արժեքները:
	Գործառնություններից հեռացնել ընթացիկ տողը:
	Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում գեներացնել գործառնությունները կոճակը:
	Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Անվանացուցակի հիման վրա ստեղծվում են գործառնությունների տողեր հետևյալ սկզբունքով. նյութական արժեքների մուտքագրման գործառնությունները, որտեղ դեբետում լրացվում է ինքնարժեքի հաշիվը, իսկ կրեդիտում` ծախսի հաշիվը, հասույթի ճշգրտման գործառնությունները, որտեղ դեբետում լրացվում Է հասույթի ճշգրտման հաշիվը, իսկ կրեդիտում `գնորդի հաշիվը, ԱԱՀ-ի գործառնությունները, որտեղ համապատասխանաբար լրացվում են ԱԱՀ-ի հաշիվը և գնորդի հաշիվը: Այս գործառնությունները ստեղծվում են նյութական արժեքների համար, իսկ ծառայությունների կամ հիմնական միջոցների համար ստեղծվում են միայն վերջին երկու գործառնությունները: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Փաստաթուղթը գրանցվում է Հիշել , Հիշել և փակել , Հիշել և նոր կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական փաստաթուղթը: Սևագիր կոճակի միջոցով փաստաթուղթը հիշվում է սևագիր վիճակում, այսինքն այն չի արտացոլվում համակարգի ոչ մի հաշվառման մեջ: Դա ծառայում է միայն փաստաթղթի դաշտերում մուտքագրված արժեքները հիշելու, իսկ այնուհետև փաստաթուղթը լրացուցիչ ստուգելուց հետո գրանցելու համար: Փաստաթղթից հնարավոր է տպել ՀԴՄ կտրոն` ՀԴՄԿ կոճակի միջոցով:

Վերադարձ գնորդից փաստաթղթի հիման վրա կարելի է ստեղծել Վճարման հանձնարարագիր, Դրամարկղի ելքի օրդեր և ՆԱ տեղաշարժ փաստաթղթերը: Այդ դեպքում Վճարման հանձնարարագրում, Դրամարկղի ելքի օրդերում և ՆԱ տեղաշարժում լրացվում է Վերադարձ գնորդից փաստաթղթի համապատասխան դաշտերի տվյալները: Վերադարձ գնորդից փաստաթղթի հիման վրա Վճարման հանձնարարագիր, Դրամարկղի ելքի օրդեր կամ ՆԱ տեղաշարժ ստեղծելու համար պետք է փաստաթղթերի մատյանում տվյալ Վերադարձ գնորդից փաստաթղթի կոնտեքստային ցանկից ընտրել Ստեղծել փաստաթղթի հիման վրա... հրամանը:

Նշում
Վերադարձ գնորդից կարելի է ներմուծել MS Excel-ի ReturnFromCustomerGroupImport.xlsm ֆայլի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Accountant 7\Import ):