Հաշվապահություն > Տեղեկատուներ

Գործընկերների և նրանց ռեկվիզիտների տեղեկատուն է: Որպես Գործընկեր մուտքագրվում են մատակարարները, գնորդները, առհաշիվ անձինք և այլն:

Տեղեկատուի գրանցումը կազմակերպվում է 5 էջից կազմված պատուհանների միջոցով, որի էջերն են` Ընդհանուր, Հաշվարկային հաշիվներ, Լրացուցիչ հասցեներ, Այլ, b2b.armsoft հարթակ։ Տեղեկատուում առանձին սյունով երևում է նաև գործընկերոջ կարգավիճակը:

Գլխավոր մասի դաշտերը հետևյալն են.

Դաշտ	Նշանակություն
Կոդ	Պարտադիր լրացվող դաշտ է, հանդիսանում է գործընկերոջ կոդը (12 տառաթվանիշ): Որպես նոր ավելացվող գործընկերոջ կոդ համակարգն ավտոմատ առաջարկում է վերջին ավելացված գործընկերոջ կոդի հաջորդը:
ՀՎՀՀ	Հանդիսանում է գործընկերոջ հարկ վճարողի հաշվառման համարը: ՀՎՀՀ-ն նշելուց հետո դաշտին կից կոճակով կարելի է ավտոմատ լրացնել գործընկերոջ տվյալները` բեռնելով դրանք b2b.armsoft հարթակից: Տես ավելին Գործընկերոջ տվյալների (վավերապայմանների) ավտոլրացում հոդվածում:
Անվանում	Գործընկերոջ անվանումը: Անվանումը կամ դրա մի մասը նշելուց հետո դաշտին կից կոճակով կարելի է ավտոմատ լրացնել գործընկերոջ տվյալները` բեռնելով դրանք b2b.armsoft հարթակից*:
Լրիվ անվանում	Գործընկերոջ լրիվ անվանումը (255 տառաթվանիշ): Օգտագործվում է փաստաթղթերի տպվող ձևերում:
Խումբ	Հանդիսանում է գործընկերոջ խմբի կոդը:

Ընդհանուր էջի տեսքը հետևյալն է.

partners

Դաշտ	Նշանակություն
ԱԱՀ վճարող	Նշվում է տվյալ գործընկերը ԱԱՀ վճարող է, թե ոչ։ Դրոշակը նշված չլինելու դեպքում ձեռքբերման փաստաթղթերում տվյալ գործընկերոջը ընտրելիս ԱԱՀ-ի հաշվարկի ձևը ավտոմատ ընտրվում է 3-Առանց ԱԱՀ։
Իրավ. հասցե	Լրացվում է գործընկերոջ իրավաբանական հասցեն (255 տառաթվանիշ):
Գործ. հասցե	Լրացվում է գործընկերոջ գործունեության իրականացման վայրի հասցեն (255 տառաթվանիշ):
Ղեկավարի Ա.Ա.Հ.	Գործընկերոջ ղեկավարի ազգանուն, անուն, հայրանունը:
Ղեկավարի պաշտոն	Գործընկերոջ ղեկավարի պաշտոնը:
Հաշվապահի Ա.Ա.Հ	Գործընկերոջ հաշվապահի ազգանուն, անուն, հայրանունը:
Հաշվապահի պաշտոն	Գործընկերոջ հաշվապահի պաշտոնը:
Ա/Ձ-ի պետ. գրանց. վկ. N	Եթե տվյալ գործընկերն անհատ ձեռնարկատեր է, ապա այստեղ լրացվում է նրա պետական գրանցման վկայականի համարը:
Անձը հաստատող փաստաթղթի տեսակ	Ֆիզիկական անձ հանդիսացող գործընկերների համար լրացվում է Անձը հաստատող փաստաթղթի տեսակը` 1. ՀՀ անձնագիր, 2. Ծննդյան վկայական, 3. Կացության վկայական, 4. Կոնվենցիոն ճանապարհորդական փաստաթուղթ, 5. Նույնականացման քարտ, 6. Կենսաչափական անձնագիր, 7.Օտարերկրյա անձնագիր` ՀՀ-ում աշխատանքի իրավունքով, 8. Օտարերկրյա անձնագիր:
Անձնագրի համար	Լրացվում է գործընկերոջ անձնագրի համարը:
Հանրային ծառայությունների համարանիշ	Լրացվում է ֆիզիկական անձ հանդիսացող գործընկերոջ հանրային ծառայությունների համարանիշը:
Վճարման հիմնական նպատակ	Լրացվում է վճարման հիմնական նպատակը:
Հեռախոսահամար	Լրացվում է գործընկերոջ հեռախոսահամարը:
Էլ․ փոստ	Լրացվում է գործընկերոջ էլեկտրոնային փոստը։
Պայմանագիր	Նշվում է գործընկերոջ հետ ունեցած պայմանագրի համարը (50 տառաթվանիշ): Այն առաջարկվում է Հաշիվ-ապրանքագիր փաստաթղթում:
Պայմանագրի ամսաթիվ	Լրացվում է պայմանագրի կնքման ամսաթիվը:
Վաճառքի զեղչի տոկոս	Նշված զեղչի տոկոսն ավտոմատ լրացվում է Հաշիվ-ապրանքագիր և Վաճառք (Մանրածախ) փաստաթղթերում, եթե որպես գնորդ ընտրվում է տվյալ գործընկերը:

Հաշվարկային հաշիվներ էջի տեսքը հետևյալն է.

partners1

Հաշվարկային հաշիվներ ցուցակն ունի հետևյալ սյուները`

Սյուն	Նշանակություն
Հաշվարկային հաշիվ	Գործընկերոջ հաշվեհամարն է: Հետագայում ավելացնելու համար կարելի է օգտագործել նաև Գործընկերների հաշվարկային հաշիվներ տեղեկատուն:
Հաշվարկային հաշվի անվանում	Որպես հաշվարկային հաշվի անվանում առաջարկվում է բանկի անվանումը։
Հիմնական	Նշվում է հաշվարկային հաշվի հիմնական լինելը։ Հաշվարկային հաշիվներից միայն մեկը կարող է լինել հիմնական։ Հիմնական հաշվարկային հաշիվը փաստաթղթերում լռությամբ առաջարկվում է:

Լրացուցիչ հասցեներ էջի տեսքը հետևյալն է.

partners3

Դաշտ	Նշանակություն
Լրացուցիչ հասցեներ	Լրացվում են գործունեության լրացուցիչ հասցեները (255 տառաթվանիշ):

Այլ էջի տեսքը հետևյալն է.

partners4

Էջում լրացված տվյալները կարտացոլվեն Հաշիվ-ապրանքագիր և Վաճառք (Մանրածախ) փաստաթղթերի Գնորդ էջի Լրացուցիչ հատվածի դաշտերում:

b2b.armsoft հարթակ էջի տեսքը հետևյալն է.

partners5

Սյուն	Նշանակություն
Հարթակի մասնակից	Փաստաթղթերի էլեկտրոնային փոխանակման համար անհրաժեշտ է, որ գործընկերը հանդիսանա b2b.armsoft հարթակի մասնակից: Հարթակում գրանցված մասնակցի կոդը նշվում են Հարթակի մասնակից դաշտում:

Գրանցված տեղեկատուի Այլ ներդիրից կարելի է կանչել գործընկերոջ հաշվետվությունները, ինչպես նաև ուղարկել գործընկերոջ տվյլաները b2b.armsoft հարթակ*:

Տեղեկատուի կոնտեքստային ցանկից կարելի է.

•Մատակարարի ապրանքացանկ հրամանի միջոցով բացվում է տվյալ գործընկերոջ ապրանքացանկը։

•Գործընկերոջ կոդի փոփոխությունը կատարվում է կոնտեքստային ցանկի Խմբագրել կոդը հրամանով: Վերջինս ցուցադրվում է, եթե Օգտագործողի փաստաթղթերի դրույթներում նշված է Թույլ տալ խմբագրել տեղեկատուների կոդերը դրոշակը:

•b2b.armsoft հարթակ բաժնի Ուղարկել տվյալները b2b.armsoft հարթակ հրամանի միջոցով կարելի է գործընկերոջ տվյալները արտահանել b2b.armsoft հարթակ։ Ներմուծել գործընկերների տվյալները XML-ից հրամանը նախատեսված է e-invoicing համակարգից արտահանված հարկային հաշիվներում նշված ՀՀՎՀ-ներով գործընկերներ ավելացնելու համար: Այս հրամանով ընտրվում է արտահանված XML ֆայլը և b2b.armsoft հարթակից ավտոմատ բեռնվում են տվյալ ՀՎՀՀ-ով գործընկերոջ տվյալները: Համեմատել նշվածները b2b.armsoft հարթակի հետ հրամանի միջոցով կարելի է ներքին տեղեկատուում նշված գործընկերները համեմատել b2b.armsoft հարթակում հրապարակված տվյալների հետ։

Նշում
Գործընկերներին կարելի է ներմուծել MS Excel-ի PartnersImport.xlsm ֆայլի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Accountant 7\Import ):

Տես ավելին`
Գործընկերոջ տվյալների (վավերապայմանների) ավտոլրացում