Ամսաթիվ

Հավելյալ ծախսերի բաշխում փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:

Փաստաթղթի N

Հավելյալ ծախսերի բաշխում փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:

Հիմք փաստաթուղթ

Հավելյալ ծախսերի բաշխում փաստաթղթի համար հիմք հանդիսացող Պահեստ մուտքի օրդեր փաստաթուղթը, որին վերաբերում է հավելյալ ծախսը և որի վրա պետք է կատարվի բաշխումը:

Դաշտ

Նշանակություն

Արժույթ

Հավելյալ ծախսի ձեռքբերման արժույթը:

Արտարժույթի փոխարժեք

Նշված արժույթի դրամային համարժեքը: Այս դաշտն ավտոմատ լրացնում է համակարգը` արժույթի փոխարժեքը փնտրելով Արտարժույթի փոխարժեքներ տեղեկատուում: Այստեղ փնտրվում է  այնպիսի տող, որի ամսաթիվը համընկնում է փաստաթղթում լրացված ամսաթվի հետ: Այդպիսի տողի բացակայության դեպքում ընտրվում է մոտակա ամսաթվով տողը: Եթե արժույթն ազգային դրամն է, ապա Փոխարժեք և առ դաշտերում գրվում է մեկ:

Մատակարար

Լրացվում է մատակարարի կոդը: Սա ոչ պարտադիր դաշտ է: Այս դաշտի արժեքից ելնելով լրացվում է Անվանում դաշտը, որը կարելի է խմբագրել: Եթե Գործընկերներ տեղեկատուում տվյալ մատակարարը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը: Եթե մատակարարի կոդը լրացվել է, ապա Մատակարարի հաշիվ դաշտը լրացնելու համար համակարգը կառաջարկի միայն այն հաշիվների ցուցակը, որոնց համար հաշվառումն ըստ գործընկերների թույլատրված է:

Մատակարարի հաշիվ

Այս դաշտում լրացվում է մատակարարի հաշիվը: Մատակարար դաշտը լրացված լինելու դեպքում լրացված հաշիվը պետք է լինի այնպիսին, որի համար հաշվառումն ըստ գործընկերների թույլատրված է:

Տրված կանխավճարի հաշիվ

Այս դաշտը նախատեսված է մատակարարին տրված կանխավճարի և կրեդիտորական պարտքի փոխմարման համար: Եթե գոյություն ունի տրված կանխավճար, որը ցանկանում եք ավտոմատ փոխմարել կրեդիտորական պարտքի հետ, ապա պետք է այս դաշտում լրացնել տրված կանխավճարի հաշիվը: Այնուհետև, Գործառնություններ էջում կոճակի միջոցով ավտոմատ գործառնություն գեներացնելիս, հավելյալ ծախսի գծով կրեդիտորական պարտքի արացոլումից բացի կառաջարկվի ևս մի գործառնություն, որի դեբետում մատակարարի հաշիվն է, կրեդիտում` տրված կանխավճարի հաշիվը: Այս գործառնության գումարը հավասար է կանխավճարի և կրեդիտորական պարտքի հաշիվների մնացորդներից նվազագույնին:

ԱԱՀ-ի հաշիվ

ԱԱՀ-ի հաշիվը:

Դուրս գրման եղանակ

Լրացվում է մատակարարի կողմից հարկային հաշվի դուրս գրման եղանակը` էլեկտրոնային կամ թղթային

Ձեռքբերման փաստաթղթի N

Լրացվում է ձեռքբերման փաստաթղթի համարը:

Ձեռքբերման փաստաթղթի ա/թ.

Լրացվում է ձեռքբերման փաստաթղթի ամսաթիվը:

Մեկնաբանություն

Մեկնաբանություն փաստաթղթի վերաբերյալ:

Դաշտ

Նշանակություն

Հավելյալ ծախսի ձեռք բերման տեսակ

Այս դաշտի համար նախատեսված են հետևյալ տեսակները. Մատակարարից` Հ/Ա-ով, Առհաշվից` միակողմանի գնման ակտով, Առհաշվից` երկկողմանի գնման ակտով և Առանց հարկերի: Ելնելով ընտրված տեսակից` Գործառնություններ էջում կոճակի օգնությամբ տրվում են համապատասխան ձևակերպումները:

Նշում: Տեղեկանք հարկային հաշիվների վերաբերյալ հաշվետվության մեջ կլրացվեն մատակարարից ստացված հաշիվ-ապրանքագրի տվյալները, եթե ՆԱ-ի ձեռք բերման տեսակը նշված է Մատակարարից` Հ/Ա-ով:

ԱԱՀ-ի հաշվարկի ձև

Այս դաշտն ակտիվ է, երբ Հավելյալ ծախսի ձեռք բերման տեսակ դաշտում նշված է Մատակարարից` Հ/Ա-ով: Այս դաշտը կարող է ընդունել հետևյալ արժեքները` ԱԱՀ-ով, Առանց ԱԱՀ կամ Զրոյական ԱԱՀ:

Ներառել ԱԱՀ-ն ինքնարժեքի մեջ

Դրոշակը նշված լինելու դեպքում ԱԱՀ-ի գումարը կներառվի նյութական արժեքների ինքնարժեքի մեջ:

Պահեստ

Այս դաշտում պատկերվում է պահեստի կոդը, որտեղ գտնվում են այն նյութական արժեքները, որոնց վրա կատարվում է հավելյալ ծախսերի բաշխումը:

ԱԱՀ-ի արտացոլման ձև

Այս դաշտն ակտիվ է, երբ Ներառել ԱԱՀ-ն ինքնարժեքի մեջ դրոշակը նշված է: Այս դաշտը կարող է ընդունել հետևյալ արժեքները` Չարտացոլել ԱԱՀ-ն շրջանառության մեջ, որի դեպքում գործառնությունները գեներացնելիս ԱԱՀ-ի գումարը չի արտացոլվում ԱԱՀ-ի դեբետային հաշվի վրա, և Արտացոլել ԱԱՀ-ն շրջանառության մեջ, որի դեպքում ԱԱՀ-ի գումարը արտացոլվում է ԱԱՀ-ի դեբետային հաշվի վրա:

Թույլատրել ցուցակի խմբագրումը

Անվանացուցակի տողերը մի մասի վրա բաշխումը կատարելու համար անհրաժեշտ է նշել Թույլատրել ցուցակի խմբագրումը դրոշակը:

Բաշխման ձև

Հավելյալ ծախսերի բաշխման ձևը. 1- Ավտոմատ, 2- Ձեռքով:

Բաշխման հիմք

Հավելյալ ծախսերի բաշխման հիմքը. 1- Գումարային, 2- Քանակային, 3- Քանակի և գործակցի արտադրյալը: Գործակիցը նշվում է Նյութական արժեքներ տեղեկատուում:

Գումար

Գումար դաշտում լրացվում է բաշխման ենթակա գումարը:

Գումար ԱԱՀ

Այս դաշտում հավելյալ ծախսի գումարի հիման վրա ավտոմատ լրացվում է ԱԱՀ-ի գումարը, կարելի է խմբագրել: Փաստաթղթում ավտոմատ գործառնություններ գեներացնելիս որպես ԱԱՀ-ի գումար համակարգն առաջարկում է այս դաշտում նշված գումարը: Տեղեկանք հարկային հաշիվների վերաբերյալ հաշվետվությունում որպես տվյալ հաշվի ԱԱՀ-ի գումար նույնպես լրացվում է այս թիվը:

Սյուն

Նշանակություն

Բաշխումը կատարվում է միայն նշված դրոշակներով տողերի վրա. դրոշակները խմբագրելու համար անհրաժեշտ է նշել Թույլատրել ցուցակի խմբագրումը դրոշակը: Ցուցակում բոլոր տողերը նշելու կամ նշումը հանելու համար կարելի է սյան շապիկի վրա մկնիկով կատարել կրկնակի կտտոց:

Կոդ

Նյութական արժեքի կոդը:

Անվանում

Նյութական արժեքի անվանումը:

Միավոր

Չափման միավորը:

Քանակ

Հիմք փաստաթղթում նյութական արժեքի քանակը:

ՀԾԲ գործակից

Հավելյալ ծախսերի բաշխման գործակիցը: Այս սյուննը ցուցադրվում է, եթե Բաշխման հիմքը 3` ՔանակxԳործակիցն է: Գործակիցը հարկավոր է լրացնել Նյութական արժեքներ տեղեկատուում:

ՊՄՕ գումար դրամով

Հիմք փաստաթղթում նյութական արժեքի դրամային գումարն է, այն հանդիսանում է գումարային բաշխման հիմքը: Բաշխումը կատարվում է տեսակարար կշռի սկզբունքով:

Բաշխված գումար դրամով

Բաշխման արդյունքում նյութական արժեքի դրամային գումարի աճը: Դաշտը կարելի է խմբագրել եթե Բաշխման ձևը ընտրված է Ձեռքով:    

Հաշիվ

Նյութական արժեքի հաշիվը:

Հավելյալ ծախսի բաշխման արդյունքում նյութական արժեքների գների կլորացումից առաջացած շեղման գումարը վերագրվում է ցուցակի վերջին տողի գումարին:

Պատկեր

Նշանակություն

Ավելացնել տվյալ փաստաթղթին անհրաժեշտ նոր գործառնություն:

Գործառնությունների ցուցակում ավելացնել նոր տող` պատճենելով ընթացիկ տողի արժեքները:

Գործառնություններից հեռացնել ընթացիկ տողը:

Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում նյութական արժեքների ցուցակի հիման վրա գեներացնել գործառնությունները կոճակը:  

Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Նյութական արժեքների ցուցակի հիման վրա ստեղծվում են գործառնությունների տողեր հետևյալ սկզբունքով. միևնույն հաշվով նշված նյութական արժեքների տողերը գումարային ներկայացվում են մեկ տողով որպես դեբետ, իսկ որպես կրեդիտ լրացվում է մատակարարի հաշիվը: Կախված Հավելյալ ծախսի ձեռք բերման տեսակ դաշտի արժեքից` կարող է լրացվել գործառնության ևս մեկ տող: Եթե տեսակը նշված է Մատակարարից` Հ/Ա-ով, ապա որպես դեբետ լրացվում է դրույթների Հաշիվներ էջից ԱԱՀ-ի դեբետային հաշիվ-ը, իսկ կրեդիտ լրացվում է մատակարարի հաշիվը: Եթե տեսակը նշված է Առհաշվից` միակողմանի գնման ակտով կամ Առհաշվից` երկկողմանի գնման ակտով, ապա դեբետը չի լրացվում, իսկ որպես կրեդիտ լրացվում է դրույթների Հաշիվներ էջից Եկամտային հարկի կրեդիտային հաշիվ-ը: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին: