Դաշտ

Նշանակություն

Կոդ

Զեղչի սխեմայի կոդը։ Պարտադիր լրացվող դաշտ է:

Անվանում

Զեղչի սխեմայի անվանումը։ Պարտադիր լրացվող դաշտ է:

Զեղչի խումբ

Մեկից ավելի զեղչի սխեմա ունենալու դեպքում, դրանք կարելի է միավորել խմբերում: Դաշտն ընդունում է արժեքներ Զեղչերի խմբեր տեղեկատուից:

Ժամկետ

Ժամկետը, որի ընթացքում գործելու է զեղչը: Ժամկետի սկիզբը պարտադիր լրացվող դաշտ է, իսկ ավարտը` ոչ:

Գործում է

Դրոշակը նշված լինելու դեպքում զեղչը կգործի (նշված ժամանակահատվածի ընթացքում):

Առաջնահերթություն

Միաժամանակ գործող զեղչերի կիրառման համար կարելի է սահմանել առաջնահերթություն: Սա գործում է, եթե Զեղչի խմբի տեղեկատուում միավորման եղանակը կամ վերջնական միավորման եղականը նշված է Առաջնահերթություն կամ Հաջորդական կիրառում տարբերակը:

Փաստաթղթի տեսակ

Փաստաթղթի տեսակը նշելու դեպքում զեղչը կկիրառվի միայն տվյալ վաճառքի տեսակի փաստաթղթում: Եթե դաշտի արժեքը դատարկ է, զեղչը կգործի և՛ Վաճառք (Հաշիվ-Ապրանքագիր), և՛ Վաճառք (Կտրոն) փաստաթղթերում:

Պահեստ

Պահեստ ընտրելու դեպքում զեղչը կկիրառվի միայն տվյալ պահեստից վաճառքի դեպքում: Եթե դաշտը դատարկ է, զեղչը կգործի բոլոր պահեստների համար:

Եղանակ

Սահմանվում է զեղչի կիրառման եղանակը: Կարող է ընդունել հետևյալ արժեքները.

1- Ապրանքի համար նշված %-ի կիրառում տարբերակն ընտրված լինելու դեպքում կկիրառվի Ապրանքներ և ծառայություններ տեղեկատուում ապրանքի վրա նշված տոկոսը:

2- Սանդղակի կիրառում տարբերակը ընտրված լինելու դեպքում բացվում է սանդղակը լրացնելու հնարավորություն: Սանդղակը կարող է վերաբերել ինչպես միանվագ վաճառքի գումարին, այնպես էլ գնորդի կուտակված վաճառքների գումարին` կախված Պայմաններ բաժնի Տեսակ դաշտի արժեքից:

3- Գործընկերոջ քարտի %-ի կիրառում տարբերակն ընտրված լինելու դեպքում կկիրառվի Գործընկերներ տեղեկատուում գործընկերոջ պայմանագրի վրա նշված զեղչի տոկոսը:

4- Զեղչի գնի տեսակի կիրառում տարբերակն ընտրված լինելու դեպքում բացվում է զեղչի գնի տեսակը լրացնելու համար լրացուցիչ դաշտ, որի ընտրման ցուցակում առաջարկվում են Գների տեսակներ տեղեկատուի տողերը: Ընտրված գնի տեսակով ապրանքների համար սահմանված գները վաճառքի ժամանակ կլրացվեն որպես զեղչված գներ:

5- %-ի կիրառում տարբերակն ընտրված լինելու դեպքում բացվում է զեղչի տոկոսը լրացնելու համար լրացուցիչ դաշտ: Վաճառքի փաստաթղթում նշված տոկոսով ապրանքները կզեղչվեն:

6- Ցուցադրել հաղորդագրություն տարբերակն ընտրված լինելու դեպքում բացվում է հաղորդագրության տեքստը լրացնելու համար լրացուցիչ դաշտ:

7- Ֆիքսված գումարի զեղչ տարբերակն ընտրելու դեպքում բացվում է Զեղչի գումար դաշտ: Դաշտում լրացված գումարի չափով կզեղչվեն վաճառվող ապրանքները` ըստ ընդհանուր գումարի նկատմամբ տեսակարար կշռի:

8- Նվեր (վաճառվող ապրանքացանկից նվազագույն գնի չափով) տարբերակն ընտրելու դեպքում բացվում են Նվերի քանակ, Տոկոս և Բաշխել համամասնորեն կարգավորումներ:  Վաճառքի ժամանակ նվազագույն գնով ապրանքի գումարից կհաշվարկվի զեղչ նշված տոկոսի չափով: Բաշխել համամասնորեն դրոշակը նշված լինելու դեպքում հաշվարկված զեղչի գումարը համամասնորեն կհանվի վաճառվող մյուս ապրանքների արժեքից, հակառակ դեպքում` զեղչված ապրանքի արժեքից:

9- Նվեր (ապրանքի գնի չափով) տարբերակն ընտրելու դեպքում բացվում են Նվեր և Նվերի քանակ դաշտեր: Վաճառքի ժամանակ նշված քանակով ապրանքը կտրամադրվի որպես նվեր` այդ ապրանքի գումարով կհաշվարկվի զեղչ:

10- Նվերների կոմպլեկտ (ապրանքի գնի չափով զեղչ) տարբերակն ընտրելու դեպքում բացվում է Նվեր դաշտ և Ընտրել նվերներից մեկը դրոշակ: Վաճառքի ժամանակ նշված կոմպլեկտը կամ դրա բաղադրամասերից մեկը (կախված Ընտրել նվերներից մեկը դրոշակը նշված լինելուց) կտրամադրվի որպես նվեր` այդ ապրանքի գումարով կհաշվարկվի զեղչ:

Կիրառել մեկից ավել անգամ

Դրոշակը նշված լինելու դեպքում զեղչը գնորդին կտրամադրվի այնքան անգամ, որքան անգամ կկատարվի տրամադրման պայմանը: Կիրառման պատիկությունը որոշվում է միայն Արժեքը մեծ կամ հավասար է պայմանի համար:

Սեգմենտ

Առաջին դաշտում կարելի է ընտրել Ներառել կամ Բացառել արժեքը.

Ներառել արժեքի դեպքում, եթե կից դաշտում ընտրված է սեգմենտ, ապա զեղչը կկիրառվի միայն նշված սեգմենտի մեջ ներառվող ապրանքների համար: Եթե արժեքին կից դաշտը դատարկ է, ապա` ցանկացած ապրանքի համար:

Բացառել արժեքի դեպքում, եթե կից դաշտում ընտրված է սեգմենտ, ապա զեղչը չի կիրառվի միայն նշված սեգմենտի մեջ ներառվող ապրանքների համար: Եթե արժեքին կից դաշտը դատարկ է, ապա զեղչը կկիրառվի ցանկացած ապրանքի համար:

հրամանով կարելի է տեսնել նշված սեգմենտի մեջ ներառվող ապրանքները:

Դաշտ

Նշանակություն

Տեսակ

Կարելի է սահմանել պայման վաճառքի միանվագ գումարի կամ կուտակված վաճառքների գումարի վրա: Դաշտը կարող է ընդունել հետևյալ արժեքները.

1- Միանվագ վաճառքի գումար - զեղչ կհաշվարկվի, եթե վաճառքի փաստաթղթի գումարը մեծ է հաջորդ դաշտում լրացված արժեքից:

2- Կուտակված վաճառքների գումար - զեղչ կհաշվարկվի, եթե վաճառքի փաստաթղթում ընտրված գնորդի կուտակված վաճառքների գումարը մեծ է հաջորդ դաշտում լրացված արժեքից:

3- Միանվագ վաճառքի տողի քանակ- զեղչ կհաշվարկվի, եթե վաճառքի փաստաթղթում ապրանքի տողի քանակը մեծ է հաջորդ դաշտում լրացված արժեքից:

4- Միանվագ վաճառքի ընդհանուր քանակ- զեղչ կհաշվարկվի, եթե վաճառքի փաստաթղթում ապրանքների ընդհանուր քանակը մեծ է հաջորդ դաշտում լրացված արժեքից:

Արժեքը մեծ է կամ հավասար

Տեսակ դաշտի համար գործող արժեքը:

Ժամանակահատված

Դաշտերը ցուցադրվում են, եթե Տեսակ դաշտում ընտրված է 2- Կուտակված վաճառքների գումար արժեքը: Կարելի է սահմանել ժամանակահատված, որի ընթացքում կուտակված վաճառքների գումարը կհամեմատվի Արժեքը մեծ է դաշտի գումարի հետ:  

Կուտակման մեջ ներառել ընթացիկ վաճառքը

Դրրոշակը ցուցադրվում է, եթե Տեսակ դաշտում ընտրված է 2- Կուտակված վաճառքների գումար արժեքը: Դրոշակը նշված լինեու դեպքում ընթացիկ վաճառքի փաստաթղթի գումարը կներառվի կուտակված վաճառքների գումարի հաշվարկում:

Սեգմենտ

Առաջին դաշտում կարելի է ընտրել Ներառել կամ Բացառել արժեքը.

Ներառել արժեքի դեպքում, եթե կից դաշտում ընտրված է սեգմենտ, ապա կստուգվի, որ վաճառքի ժամանակ նշված սեգմենտից ապրանք վաճառվի, որպեսզի հաշվարկվի զեղչը: Եթե արժեքին կից դաշտը դատարկ է, ապա կհամարվի, որ այդպիսի պայման չկա:

Բացառել արժեքի դեպքում, եթե կից դաշտում ընտրված է սեգմենտ, ապա վաճառքի ժամանակ, եթե նշված սեգմենտից ապրանք է վաճառվում, ապա զեղչը չի հաշվարկվի: Եթե արժեքին կից դաշտը դատարկ է, ապա կհամարվի, որ այդպիսի պայման չկա:

հրամանով կարելի է տեսնել նշված սեգմենտի մեջ ներառվող ապրանքները:

Գործընկերոջ խումբ

Ընդունում է արժեքներ Գործընկերների խումբ տեղեկատուից: Դաշտը լրացնելու դեպքում զեղչը կկիրառվի միայն նշված խմբին պատկանող գործընկերների համար: Դաշտը դատարկ լինելու դեպքում` ցանկացած գործընկերոջ համար:

Ծննդյան օրվա առթիվ

Դրոշակը նշված լինելու դեպքում զեղչը կկապվի Գործընկերոջ տեղեկատուում նշված Ծննդյան ամսաթվի հետ:

  Կիրառել մինչև ծնունդը (օր)

Նշվում է ծննդյան օրվան նախորդող օրերի քանակը, որի ընթացքում նույնպես կգործի զեղչը:

  Կիրառել ծնունդից հետո (օր)

Նշվում է ծննդյան օրվան հաջորդող օրերի քանակը, որի ընթացքում նույնպես կգործի զեղչը:

Զեղչի օրեր և ժամեր

Դրոշակը նշված լինելու դեպքում զեղչը կկապվի նշված օրերի և ժամերի հետ: Զեղչի օրերն ու ժամերը նշվում են դրոշակին կից կետերով բացվող Զեղչի օրեր և ժամեր պատուհանում:

Գործող սխեմաներով զեղչերի ավտոմատ հաշվարկը կարգավորվում է Օգտագործողի փաստաթղթերի դրույթների Վաճառքը գրանցելիս զեղչել ավտոմատ և Ավտոմատ զեղչի հաշվարկ ամեն գործողությունից հետո դրոշակներով: