Գնումներ > Տեղեկատուներ

Այս տեղեկատու մուտքագրվում են գործընկերների մասին տվյալներ նրանց հետ փոխհաշվարկներ կատարելիս և փաստաթղթեր ձևակերպելիս օգտագործելու համար։ Օրինակ` գործընկերոջ լրիվ անվանումն օգտագործվում է փաստաթղթերի տպման տեսքերում, կրճատ անվանումը` հաշվետվություններում, դիալոգներում և ընտրման ցուցակներում, հաշվարկային հաշիվը` վճարային փաստաթղթեր տպելիս։

Որպես Գործընկեր մուտքագրվում են մատակարարները, գնորդները, անհատ անձինք և այլն։ Տեղեկատուի մեջ նոր տողի ավելացումը և մուտքագրվածի խմբագրումը կատարվում է Գործընկեր դիալոգ պատուհանի միջոցով։ Տողերի մուտքագրման, խմբագրման և հեռացման գործողությունները նկարագրված են Աշխատանք տեղեկատուների հետ բաժնում։

Տեղեկատուի գրանցումը կազմակերպվում է 5 էջից կազմված պատուհանի միջոցով, որի էջերն են` Ընդհանուր, Պայմանագրեր, Հաշվարկային հաշիվներ, Լրացուցիչ հասցեներ և b2b.armsoft հարթակ։

Գլխավոր մասի դաշտերը հետևյալն են.

Դաշտ	Նշանակություն
Կոդ	Գործընկերոջ կոդը։ Նոր ավելացվող գործընկերոջ համար, որպես հերթական կոդ, համակարգն ավտոմատ առաջարկում է հաջորդը, որը հաշվարկվում է վերջին ավելացված գործընկերոջ կոդից։ Այս դաշտը խմբագրման ենթակա չէ։ Պարտադիր լրացվող դաշտ է:
ՀՎՀՀ	Գործընկերոջ հարկ վճարողի հաշվառման համարը։ ՀՎՀՀ-ն նշելուց հետո դաշտին կից կոճակով կարելի է ավտոմատ լրացնել գործընկերոջ տվյալները` բեռնելով դրանք b2b.armsoft հարթակից*:
Անվանում	Գործընկերոջ անվանումը։ Պարտադիր լրացվող դաշտ է:
Լրիվ անվանում	Գործընկերոջ լրիվ անվանումը (255 տառաթվանիշ)։ Օգտագործվում է փաստաթղթերը MS Word արտահանելիս։
Խումբ	Գործընկերոջ խմբի կոդը։

Էջերում լրացվում են հետևյալ դաշտերը.

Դաշտ	Նշանակություն
Մատակարար	Եթե դրոշակը միացված է, ապա այդ գործընկերոջը կարելի է նշել Պահեստի մուտքի օրդեր, Հավելյալ ծախսերի բաշխում և Վերադարձ մատակարարին փաստաթղթերում։
Գնորդ	Եթե դրոշակը միացված է, ապա այդ գործընկերոջը կարելի է նշել Վաճառք (Հաշիվ-Ապրանքագիր), Վաճառք (մանրածախ) և Վերադարձ գնորդից փաստաթղթերում։
Իրավ. հասցե	Լրացվում է գործընկերոջ իրավաբանական հասցեն (գտնվելու վայրը)։
Գործ. հասցե	Լրացվում է գործընկերոջ գործունեության իրականացման վայրի հասցեն։
Հեռախոսահամար	Լրացվում է գործընկերոջ հեռախոսը։
Էլ․փոստ	Լրացվում է գործընկերոջ էլեկտրոնային փոստի հասցեն։
Ղեկավարի Ա.Ա.Հ.	Գործընկերոջ ղեկավարի ազգանուն, անուն, հայրանունը։
Ղեկավարի պաշտոն	Գործընկերոջ ղեկավարի պաշտոնը։
Հաշվապահի Ա.Ա.Հ.	Գործընկերոջ հաշվապահի ազգանուն, անուն, հայրանունը։
Հաշվապահի պաշտոն	Գործընկերոջ հաշվապահի պաշտոնը։
Ա/Ձ-ի պետ. գրանց. վկ. N	Եթե տվյալ գործընկերն անհատ ձեռնարկատեր է, ապա այստեղ լրացվում է նրա պետական գրանցման վկայականի համարը։
Անձը հաստատող փաստաթղթի համար	Դաշտին կից բացվող ցանկից անհրաժեշտ է նշել անձը հաստատող փաստաթղթի տեսակը:
Անձնագրի համար	Լրացվում է գործընկերոջ անձնագրի համարը։
Սեռ	Լրացվում է գործընկերոջ սեռը։
Ծննդյան ամսաթիվ	Լրացվում է գործընկերոջ ծննդյան ամսաթիվը։
Վճարման հիմնական նպատակ	Լրացվում է վճարման հիմնական նպատակը։
Պայմանագրեր	Գործընկերոջ պայմանագրերն են: Ավելացնելու համար կարելի է օգտագործել նաև Պայմանագրեր տեղեկատուն:
Հաշվարկային հաշիվներ	Գործընկերոջ հաշվարկային հաշիվներն են: Ավելացնելու համար կարելի է օգտագործել նաև Գործընկերների հաշվարկային հաշիվներ տեղեկատուն:
Լրացուցիչ հասցեներ	Լրացվում են գործունեության լրացուցիչ հասցեները:
Լրացուցիչ դաշտեր	Լրացուցիչ դաշտեր էջում հնարավոր է տեղեկատուի համար ավելացնել լրացուցիչ դաշտեր: Հնարավոր է նկարագրել Բուլյան (այո/ոչ), Ամսաթվային, Թվային, Տեքստային, Ժամային տիպի դաշտեր, ինչպես նաև հնարավոր է ավելացնել Ընտրման ցուցակներում ներառված դաշտերը` ԱԴԳՏ և ԱՏԳԱԱ դասակարգիչներ, Ապրանքներ, Արժույթներ, Գործընկերներ, Գործընկերոջ հաշվարկային հաշիվներ, Հաշվարկային հաշիվներ բանկում և Օգտագործողներ: Լրացուցիչ դաշտերը հնարավոր է նկարագրել նաև տեղեկատուի վրա աջ քլիքի միջոցով բացվող կոնտեքստային ցանկից ընտրելով Նկարագրել Լրացուցիչ դաշտերը հրամանը: Նկարագրված դաշտերը ցուցադրվում են ծրագրի հաջորդ մուտքի ժամանակ: Խմբային խմբագրման միջոցով հնարավոր է նկարագրված դաշտերին արժեքներ տալ` աջ քլիքի միջոցով բացվող կոնտեքստային ցանկից ընտրելով Խմբագրել Լրացուցիչ դաշտերը հրամանը: Հաշվետվություններում և մատյաններում Սյուներ ընդլայնումով հնարավոր է ավելացնել նշված դաշտերը ցուցադրվող սյուներ մասում:

Գործընկերոջ քարտի Այլ կոչվող էջից հնարավոր է կատարել տարբեր գործողություններ, ձևավորել հաշվետվություններ, ինչպես նաև կանչել ենթատեղեկատուներ:

Purchases_Lists_Partners

Տեղեկատուի կոնտեքստային ցանկից.

•Մատակարարի ապրանքացանկ հրամանի միջոցով բացվում է տվյալ գործընկերոջ ապրանքացանկը։

•b2b.armsoft հարթակի Ուղարկել տվյալները b2b.armsoft հարթակ հրամանի միջոցով կարելի է գործընկերոջ տվյալները արտահանել b2b.armsoft հարթակ։ Ներմուծել գործընկերների տվյալները XML-ից հրամանը նախատեսված է e-invoicing համակարգից արտահանված հարկային հաշիվներում նշված ՀՀՎՀ-ներով գործընկերներ ավելացնելու համար: Այս հրամանով ընտրվում է արտահանված XML ֆայլը և b2b.armsoft հարթակից ավտոմատ բեռնվում են տվյալ ՀՎՀՀ-ով գործընկերոջ տվյալները: Համեմատել նշվածները b2b.armsoft հարթակի հետ հրամանի միջոցով կարելի է ներքին տեղեկատուում նշված գործընկերները համեմատել b2b.armsoft հարթակում հրապարակված տվյալների հետ։

Նշում
•Արգելվում է գործընկերոջը հեռացնել, եթե նրանով գրանցված է գործողություն: •Գործընկերներ տեղակատուն կարելի է ներմուծել MS Excel-ից PartnersImport.xlsm ֆայլի միջոցով, որը կարելի է գտնել Օգնություն ներդիրի Ներմուծման ֆայլեր հրամանով բացվող Import գրադարանում (Օրինակ`C:\Program Files\Armenian Software\AS Trade\Import): •Գործընկերներ տեղակատուի տվյալները կարելի է թարմացնել MS Excel-ից PartnersUpdate.xlsm ֆայլի միջոցով, որը կարելի է գտնել Օգնություն ներդիրի Ներմուծման ֆայլեր հրամանով բացվող Import գրադարանում (Օրինակ`C:\Program Files\Armenian Software\AS Trade\Import):

Նշում

•Արգելվում է գործընկերոջը հեռացնել, եթե նրանով գրանցված է գործողություն:

•Գործընկերներ տեղակատուն կարելի է ներմուծել MS Excel-ից PartnersImport.xlsm ֆայլի միջոցով, որը կարելի է գտնել Օգնություն ներդիրի Ներմուծման ֆայլեր հրամանով բացվող Import գրադարանում (Օրինակ`C:\Program Files\Armenian Software\AS Trade\Import):

•Գործընկերներ տեղակատուի տվյալները կարելի է թարմացնել MS Excel-ից PartnersUpdate.xlsm ֆայլի միջոցով, որը կարելի է գտնել Օգնություն ներդիրի Ներմուծման ֆայլեր հրամանով բացվող Import գրադարանում (Օրինակ`C:\Program Files\Armenian Software\AS Trade\Import):

* Տես ավելին`
Գործընկերոջ տվյալների (վավերապայմանների) ավտոլրացում