Ուղղորդիչ:  Առաջին մակարդակ Նշված քանակի համար տրամադրվող տոկոսային զեղչ

Հոդվածում ներկայացված է տոկոսային զեղչի օրինակ, որը տրամադրվում է նույն ապրանքի` որոշակի քանակից ավելի ձեռքբերման դեպքում: Մեր օրինակում առանձնացված է ապրանքների ցանկ, որի համար կգործի 20% զեղչ, եթե հաճախորդը ձեռք բերի նույն ապրանքից 1-ից ավելի քանակությամբ:

Անհրաժեշտ է առանձնացնել զեղչին մասնակցող ապրանքների տեսականին: Դրա համար անհրաժեշտ է Ապրանքների սեգմենտներ տեղեկատուում ավելացնել նոր սեգմենտ: Մեր օրինակում ապրանքների սեգմենտում ընդգրկված են այն ապրանքները, որոնք լավ չեն վաճառվում, և որոնց մնացորդը ավել է սահմանված նորմայից:

Զեղչված ապրանքներն առանձնացնելու և սեգմենտին ավելացնելու համար Ապրանքների մնացորդներ հաշվետվությունից անհրաժեշտ է ֆիլտրել սահմանված քանակից ավելի մնացորդ ունեցող ապրանքները և ավելացնել սեգմենտի մեջ:

Սեգմենտին պատկանող ապրանքները տեսնելու և անհրաժեշտության դեպքում փոփոխություններ կատարելու համար նախատեսված է Ապրանքներն ըստ սեգմենտների տեղեկատուն: Նույն ապրանքը կարող է միաժամանակ ընդգրկված լինել մի քանի սեգմենտում:

Զեղչը նկարագրելու համար անհրաժեշտ է մուտք գործել Զեղչեր տեղեկատու: Հոդվածում ներկայացված են այն դաշտերը, որոնք օգտագործվում  են զեղչի մոդելը նկարագրելու համար:

Անվանում դաշտում լրացնել նկարագրվող զեղչի անունը, օրինակ` 20% զեղչ երկու և ավելի քանակի դեպքում:
Ժամկետ դաշտում անհրաժեշտ է նշել զեղչի գործելու ժամանակահատվածը: Երբ ժամկետը լրանա կարիք չի լինի հիշել ու անջատել զեղչի կիրառությունը` դա կկատարվի ավտոմատ:

Պայմաններ բաժնում նկարագրվում են պայմաններ, որոնց  բավարարման դեպքում պետք է գործի զեղչը:

Տեսակ դաշտում անհրաժեշտ է ընտրել զեղչի պայմանի կիրառման տեսակը: Քանի որ զեղչի գործելու պայման դրված է ձեռքբերվող ապրանքի քանակի վրա, ընտրված է 3- Միանվագ վաճառքի տողի քանակ:

Արժեքը մեծ է դաշտում լրացվում է այն քանակը, որին վաճառքի ժամանակ պետք է գերազանցի տողի քանակը, որպեսզի գործի զեղչը: Մեր օրինակում լրացված է 1:

Սեգմենտ դաշտում ընտրենք 002 սեգմենտը:

Գործընկերոջ խումբ դաշտը թողնված է դատարկ, որպեսզի զեղչից կարողանան օգտվել բոլոր գնորդները:

Պայմանները սահմանելուց հետո անհրաժեշտ է նկարագրել, թե ինչպես պետք է հաշվարկվի զեղչը: Կիրառում բաժնից անհրաժեշտ է ընտրել զեղչի կիրառման եղանակը: Մեր օրինակում ընտրված է 5- %-ի կիրառում եղանակը և բացված Զեղչի տոկոս դաշտում լրացված է 20: Սեգմենտ դաշտում անհաժեշտ է ընտրել ապրանքների այն սեգմենտը, որին վերաբերելու է զեղչը:

Զեղչը նկարագրված է, կարելի է գրանցել այն Հիշել և փակել կոճակով:

Զեղչերի ավտոմատ հաշվարկման համար անհրաժեշտ է oգտագործողի դրույթների Աշխատանքի սահմանափակումներ էջից ակտիվացնել Վաճառքը գրանցելիս զեղչել ավտոմատ և/կամ Ավտոմատ զեղչի հաշվարկ ամեն գործողությունից հետո դրոշակները: