Վաճառքներ > Փաստաթղթեր > Վերադարձ գնորդից

Վերադարձ գնորդից փաստաթղթի միջոցով իրականացվում է վաճառված ապրանքների վերադարձ կազմակերպություն։

Վերադարձը կարելի է ձևավորել նախկինում գրանցված վաճառքի հիման վրա։ Ապրանքների ցուցակը լրացվում է բոլոր վաճառված ապրանքերով և ցուցակում անհրաժեշտ է թողնել միայն վերադարձվող ապրանքները (օրինակ` վնասված կամ որակին չհամապատասխանող)։ Համակարգը, հիմնվելով վաճառքի փաստաթղթի վրա, որոշում է վերադարձվող ապրանքների խմբաքանակը և նշված պահեստ է մուտքագրում այն գներով, որոնցով դրանք վաճառվել են։ Եթե նշվում է գնորդը, ապա վերադարձվող գումարի չափով նվազում է գնորդի պարտքը կազմակերպության հանդեպ։

Այն դեպքում, երբ վերադարձը գրանցելիս չի նշվում հիմք-փաստաթուղթը, օգտագործողը ինքնուրույն պետք է մուտքագրի վերադարձվող ապրանքները` նշելով քանակը, վաճառքի գինը և գումարը, ինքնարժեքը և խմբաքանակի այլ հատկությունները։ Ինքնարժեքին վերաբերող դաշտերը դատարկ թողնելու դեպքում, դրանք ավտոմատ կլրացվեն փաստաթուղթը գրանցելիս` վերջին ինքնարժեքի գումարով:

Փաստաթղթի Գլխավոր մասի դաշտերը հետևյալն են. գրանցումը կատարվում է պատուհանի միջոցով, որը բաղկացած է 3 էջից` Ընդհանուր, Ապրանքների ցուցակ և Լրացուցիչ։

Դաշտ	Նշանակություն
Ամսաթիվ	Վերադարձ գնորդից փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Վերադարձ գնորդից փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Հիմք փաստաթուղթ	Կարելի է նշել այն փաստաթուղթը, որի հիման վրա կատարվում է վերադարձը գնորդից Հիմք-փաստաթուղթն ընտրելու համար անհրաժեշտ է բացել փաստաթղթերի մատյանը, որի համար պետք է սեղմել դաշտի աջ կողմում տեղադրված կոճակը։ Նախքան մատյանի պատուհանը բացվելը կհայտնվի դիալոգ պատուհան, որում պետք է նշել հիմք-փաստաթղթի գրանցման ժամանակահատվածը, տեսակը և վիճակը։ Հիմք-փաստաթուղթ կարող են հանդիսանալ Վաճառք (Հաշիվ-Ապրանքագիր), Վաճառք (Մանրածախ) կամ Վաճառք (Կտրոն) փաստաթղթերը։ Հիմք-փաստաթուղթն ընտրելու դեպքում համակարգն առաջարկում է լրացնել փաստաթղթի դաշտերը հիմք փաստաթղթի համապատասխան դաշտերի արժեքներով։
Գծիկավոր կոդ (F2)	Ապրանքի գծիկավոր կոդը, օգտագործվում է անվանացուցակում նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Ընդհանուր էջի տեսքը հետևյալն է.

Sales_Documents_Returnfrombuyer

Դաշտ	Նշանակություն
Խումբ	Եթե դաշտի արժեքը լրացված է, ապա գործընկերների ցուցակից կարելի է ընտրել միայն տվյալ խմբին պատկանող գործընկերոջը։
Գնորդ	Լրացվում է գնորդի կոդը: Եթե Գործընկերներ տեղեկատուում տվյալ գործընկերը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջը խմբագրելու համար սեղմել կոճակը:
Պայմանագիր	Գործընկերոջ հետ ունեցած պայմանագրերից որևէ մեկի կոդն է։ Համակարգն ավտոմատ առաջարկում է հիմնական պայմանագիրը։ Գնորդ դաշտի լրացված լինելու դեպքում, այս դաշտը պարտադիր լրացվող է, հակառակ դեպքում այն փակ է։
Գումար	Այս դաշտը խմբագրման ենթակա չէ: Համակարգը Ընդհանուր գումար դաշտի արժեքը վերահաշվարկում է ըստ Արժույթ դաշտում լրացված արժույթի և ստացված գումարը լրացնում է այս դաշտում։
Պարտք	Այս դաշտը խմբագրման ենթակա չէ, այստեղ պատկերվում է գործընկերոջ վերջնական պարտքը նշված պայմանագրի արժույթով։ Դաշտի արժեքը թարմացնելու համար նախատեսված է կոճակը։
Արժույթ	Այս դաշտը խմբագրման ենթակա չէ, այստեղ ավտոմատ լրացվում է ընտրված պայմանագրի արժույթը։ Եթե Գնորդ դաշտը լրացված չէ, այս դաշտը դատարկ է մնում։
Վաճառող	Վաճառքն իրականացրած աշխատակիցը: Ընդունում է արժեքներ Աշխատակիցներ տեղեկատուից:
Հիմք սերիա և համար	Լրացվում է վերադարձի համար հիմք հանդիսացող վաճառքի փաստաթղթի սերիա-համարը:
Հիմք դուրս գրման ա/թ	Լրացվում է վերադարձի համար հիմք հանդիսացող վաճառքի փաստաթղթի դուրս գրման ամսաթիվը:
Դուրս գրման եղանակ	Փաստաթղթի դուրսգրման եղանակը` էլեկտրոնային կամ թղթային:
Սերիա և համար	Հարկային մարմնի կողմից ստացված սերիա-համարը:
Դուրս գրման ամսաթիվ	Փաստաթղթի դուրս գրման ամսաթիվը:
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։
Հեղինակ	Նշվում է Փաստաթուղթը ստեղծող Օգտագործողը: Դաշտը առկա է և ենթակա է խմբագրման, եթե Օգտագործողի Փաստաթղթերի դրույթներում նշված չէ Սահմանափակել աշխատանքը այլ օգտագործողներին պատկանող փաստաթղթերի հետ դրոշակը:

Ապրանքների ցուցակ էջի տեսքը հետևյալն է.

Sales_Documents_Returnfrombuyer1

Դաշտ	Նշանակություն
Արժույթ	Փաստաթղթի արժույթն է։
Արտարժույթի փոխարժեք	Համակարգն ավտոմատ լրացնում է Արտարժույթի փոխարժեքներ տեղեկատուում տվյալ արտարժույթի համար վերջին գրանցված փոխարժեքը։ Այս դաշտը խմբագրման ենթակա չէ, եթե Արժույթ դաշտում լրացված է AMD։
ԱԱՀ-ի հաշվարկի ձև	Դաշտը կարող է ընդունել հետևյալ արժեքները. 1 - ԱԱՀ-ով, 2 - ԱԱՀ-ն այդ թվում, 3 - Առանց ԱԱՀ, 4 - Զրոյական ԱԱՀ։
Գնի տեսակ	Նշվում է, թե ինչ գներով են վերադարձվելու ապրանքները գնորդից։
Պահեստ	Նշվում է պահեստը, որտեղ վերադարձվում են ապրանքները:
Գումար ԱԱՀ	Այս դաշտը խմբագրման ենթակա չէ։ Համակարգն հաշվարկում և լրացնում է ԱԱՀ-ն այս դաշտում` օգտվելով ապրանքների գներից և ԱԱՀ-ի հաշվարկի ձևից:
Ընդհանուր գումար	Այս դաշտը խմբագրման ենթակա չէ։ Համակարգն այս դաշտում ավտոմատ լրացնում է վաճառվող ապրանքների ընդհանուր գումարը, որը ներառում է Գումար ԱԱՀ դաշտի արժեքը։

Ապրանքների ցուցակ աղյուսակում լրացվում են վերադարձվող ապրանքների կոդը, անվանումը, չափման միավորը, քանակը, գինը, գումարը և խմբաքանակի այլ հատկությունները։ Եթե Ընդհանուր էջում ընտրված է հիմք-փաստաթուղթը, ապա ապրանքների ցուցակն ավտոմատ լրացվում է հիմք-փաստաթղթի հիման վրա։ Լրացված տողերը կարելի է խմբագրել, հեռացնել, կամ ավելացնել նոր տողեր։

Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Մատակարար էջի տեսքը հետևյալն է.

Sales_Documents_Returnfrombuyer2

Դաշտ	Նշանակություն
Անվանում	Մատակարարի անվանումը:
Իրավ. հասցե	Կազմակերպության իրավաբանական հասցեն:
Գործ. հասցե	Կազմակերպության գործունեության իրականացման վայրի հասցեն: Լռությամբ առաջարկվում է Դրույթների Գործ. հասցե դաշտի արժեքը: Կից ցանկից կարելի է ընտրել Լրացուցիչ հասցեներից որևէ մեկը:
Հաշվարկային հաշիվ	Մատակարարի հաշվարկային հաշվի համարը։
ՀՎՀՀ	Մատակարարի հարկ վճարողի հաշվառման համարը:
Ղեկավարի պաշտոն	Փաստաթուղթը ստորագրող ղեկավարի պաշտոնը
Ղեկավարի Ա.Ա.Հ.	Ղեկավարի անուն, ազգանուն, հայրանունը:
Հաշվապահի պաշտոն	Փաստաթուղթը ստորագրող հաշվապահի պաշտոնը:
Հաշվապահի Ա.Ա.Հ.	Հաշվապահի անուն, ազգանուն, հայրանունը:

Գնորդ էջի տեսքը հետևյալն է.

Sales_Documents_Returnfrombuyer3

Էջում դաշտերը նույնությամբ կրկնում են Մատակարար էջի դաշտերը, բացառությամբ հետևյալ դաշտերի.

Դաշտ	Նշանակություն
Ա/Ձ-ի պետ. գրանց. վկ. N	Գնորդի պետական գրանցման վկայականի համարը: Այս դաշտերը լրացվում են այն դեպքում, երբ գնորդն անհատ ձեռնարկատեր է:
Անձնագրի համար	Գնորդի անձնագիր համարը: Այս դաշտերը լրացվում են այն դեպքում, երբ գնորդը ֆիզիկական անձ է:
Լրացուցիչ տվյալներ	Լրացուցիչ տվյալներն են: Կից առաջարկվում է Արտահայտություններ տեղեկատուն: Դաշտի արժեքը արտահանվում է փաստաթուղթը e-Invoicing համակարգի XML ֆորմատով արտահանելիս` համապատասխան դաշտի արժեքը լրացնելու համար:
Ապր. առաքման եղանակ	Ապրանքի առաքման եղանակը: Կից առաջարկվում է Արտահայտություններ տեղեկատուն: Դաշտի արժեքը արտահանվում է փաստաթուղթը e-Invoicing համակարգի XML ֆորմատով արտահանելիս` համապատասխան դաշտի արժեքը լրացնելու համար:
Լրացուցիչ	Լրացվում են լիազորագրի վերաբերյալ տվյալները: Այս դաշտերիի արժեքներըը արտահանվում են փաստաթուղթը e-Invoicing համակարգի XML ֆորմատով արտահանելիս` համապատասխան դաշտերի արժեքները լրացնելու համար:
Ազգանուն, անուն, հայրանուն	Լիազորված անձի անունը, ազգանունը և հայրանունը:
Լիազորագրի համար	Լիազորագրի համարը:
Լիազորագրի ամսաթիվ	Լիազորագրի ամսաթիվը:

Լրացուցիչ էջի տեսքը հետևյալն է.

Sales_Documents_Returnfrombuyer4
Այս էջում լրացվում են վերադարձի հետ կապված լրացուցիչ տվյալներ, որոնք օգտագործվում են փաստաթղթի տպվող ձևերում։

Դաշտ	Նշանակություն
Լիազորագիր	Լիազորագրի համարը:
Միջնորդ	Լրացվում է միջնորդը, այն կարելի է ընտրել Արտահայտություններ ցուցակից:
Ավտ/Բեռնարկղ	Ավտո բեռնարկղի համարը:
Գլխավոր հաշվապահ	Գլխավոր հաշվապահի Ա.Ա.Հ., լրացվում է համակարգի դրույթներից, կարելի է խմբագրել:
Թույլատրեց	Թույլատրողի Ա.Ա.Հ., այն կարելի է ընտրել Աշխատակիցներ ցուցակից:
Ընդունեց	Նյութական պատասխանատու անձը, այն կարելի է ընտրել Աշխատակիցներ ցուցակից:

ՀԴՄ կտրոնի տպում էջը նախատեսված է Վերադարձի ՀԴՄ կտրոն տպելու համար: Դա հնարավոր է, երբ Հիմք փաստաթուղթ դաշտում ընտրված է Վաճառք (Կտրոն) փաստաթուղթ, որից ՀԴՄ կտրոն է տպված: Էջի տեսքը հետևյալն է.

Sales_Documents_Returnfrombuyer5

Դաշտ	Նշանակություն
Դրամարկղ	Լրացվում է Դրամարկղը, որտեղից ելքագրվելու է կանխիկ գումարը:
Հերթափոխի N	Լրացվում է Հերթափոխը, որի ընթացքում վերադարձվել է ապրանքը:
POS-տերմինալը տրամադրող բանկ	Լրացվում է POS-բանկը, որտեղից ելքագրվելու է անկանխիկ գումարը:
POS-տերմինալի տրամադրման պայմանագիր	Լրացվում է POS-բանկի պայմանագիրը, որտեղից ելքագրվելու է անկանխիկ գումարը:
Վերադարձի ՀԴՄ կտրոնի N	Վերադարձվող ապրանքների համար տպվող Վերադարձի ՀԴՄ կտրոնի համարն է:
Կանխիկ	Լրացվում է վերադարձվող կանխիկ գումարը:
Անկանխիկ	Լրացվում է վերադարձվող անկանխիկ գումարը:
Ընդամենը	Լրացվում է վերադարձվող ընդհանուր գումարը:
Հիմք ՀԴՄ կտրոնի N	Լրացվում է Հիմք փաստաթուղթ հանդիսացող ՀԴՄ կտրոնի N-ը: Խմբագրման ենթակա չէ:
Կանխիկ	Լրացվում է Հիմք փաստաթղթով կանխիկ ստացված գումարը: Խմբագրման ենթակա չէ:
Անկանխիկ	Լրացվում է Հիմք փաստաթղթով անկանխիկ ստացված գումարը: Խմբագրման ենթակա չէ:

կոճակը նախատեսված է ՀԴՄ կտրոն տպելու համար: Եթե վերադարձվում են Վաճառք (կտրոն)-ով վաճառված բոլոր ապրաքները, ապա այս կոճակը սեղմելու դեպքում կտպվի միայն Վերադարձի ՀԴՄ կտրոն և կլրացվի Վերադարձի ՀԴՄ կտրոնի N դաշտը: Իսկ այն դեպքում, երբ վերադարձվում են Վաճառք (կտրոն)-ի որոշ ապրանքներ, ապա չվերադարձված ապրանքների համար կտպվի խմբագրված վաճառքի կտրոն, իսկ վերադարձված ապրանքների համար` Վերադարձի ՀԴՄ կտրոն:

Վերադարձ գնորդից փաստաթուղթ կարելի է ստեղծել նաև Վաճառքների վերլուծություն հաշվետվությունից` նշված տողերի համար:

Նշում
Վերադարձ գնորդից փաստաթուղթը կարելի է ներմուծել MS Excel-ի ReturnFromCustomerGroupImport.xlsm ֆայի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Trade\Import):