b2b.armsoft հարթակ էջի տեսքը հետևյալն է.

Օնլայն խանութի ապրանքների և մնացորդների հրապարակում բաժնում սահմանվում են հրապարակման կարգավորումները: Մինչ կարգավորումներ տալը անհրաժեշտ է.

•հրապարակման ենթակա ապրանքների տեղեկատուում լրացնել Արտաքին կոդ դաշտերը,

•ըստ անհրաժեշտության` առանձնացնել պահեստ, որում առկա ապրանքները պետք է արտահանվեն,

•ըստ անհրաժեշտության` առանձնացնել սեգմենտ, որին պատկանող ապրանքները պետք է արտահանվեն,

•ապրանքների համար սահմանել արտահանման ենթակա գնի տեսակով գներ: Կարելի է հրապարակել երկու գնի տեսակով գներ: Գոնե մեկ գնի տեսակով գների հրապարակումը պարտադիր է:

Դաշտ	Նշանակություն
Միացնել արտահանումը	Դրոշակը նշելու դեպքում ակտիվանում են հրապարակման կարգավորումների մյուս դաշտերը: Դրոշակը նշելու դեպքում անհրաժեշտ է վերաբեռնավորել համակարգը:
Արտահանել յուրաքանչյուր...րոպեն մեկ	Լրացվում է այն պարբերականությունը, որով կատարվելու է տվյալների ավտոմատ արտահանումը օնլայն խանութում: Արտահանման նվազագույն պարբերականությունը 5րոպեն մեկ է: Ավտոմատ արտահանումը կատարվում է առանց օգտագործողի միջամտության: Արտահանման արդյունքների մասին օգտագործողը տեղեկանում է ծանուցման միջոցով, ինչպես նաև Պատմություն բաժնում: Պարբերականությունը փոխելու դեպքում անհրաժեշտ է վերաբեռնավորել համակարգը:
Մնացորդների պահեստ	Լրացվում է այն պահեստը, որում առկա ապրանքները պետք է արտահանվեն: Դատարկ լինելու դեպքում կարտահանվեն բոլոր պահեստների մնացորդները:
Սեգմենտ	Լրացվում է այն սեգմենտը, որին պատկանող ապրանքները պետք է արտահանվեն: Դատարկ լինելու դեպքում կարտահանվեն բոլոր ապրանքները:
Վաճառքի գնի տեսակ	Լրացվում է այն գնի տեսակը, որով սահմանված գները կարտահանվեն որպես վաճառքի գներ: Դատարկ լինելու դեպքում վաճառքի գներ չեն արտահանվի:
Զեղչի գնի տեսակ	Լրացվում է այն գնի տեսակը, որով սահմանված գները կարտահանվեն որպես զեղչված գներ: Դատարկ լինելու դեպքում զեղչված գներ չեն արտահանվի:

Տվյալները հրապարակելիս ապրանքների տեղեկատուից արտահանվում են ապրանքների վերաբերյալ հետևյալ տվյալները.

•արտաքին և ներքին կոդ,

•հայերեն, ռուսերեն, անգլերեն անվանումներ,

•չափման միավոր,

•բնութագիր,

•խումբ,

•արտադրող,

•երկիր,

•զեղչի տոկոս:

Տվյալների ավտոմատ հրապարակումից բացի օգտագործողը կարող է անհրաժեշտության դեպքում ձեռքով կատարել արտահանումը Ապրանքների և մնացորդների հրապարակում հրամանով:

Նշում
1. Հրապարակման ենթակա չեն երբևիցե շարժ չունեցած և բացասական մնացորդ ունեցող ապրանքները: 2. Տվյալների ավտոմատ հրապարակումը կատարվում է համակարգը բաց լինելու դեպքում: Խորհուրդ է տրվում ցանցային աշխատանքի դեպքում առաջինը մեկնարկել համակարգը ավելի լավ տեխնիկական պարամետրերով համակարգչում:

Նշում

1. Հրապարակման ենթակա չեն երբևիցե շարժ չունեցած և բացասական մնացորդ ունեցող ապրանքները:

2. Տվյալների ավտոմատ հրապարակումը կատարվում է համակարգը բաց լինելու դեպքում: Խորհուրդ է տրվում ցանցային աշխատանքի դեպքում առաջինը մեկնարկել համակարգը ավելի լավ տեխնիկական պարամետրերով համակարգչում:

b2b.armsoft հարթակում գրանցված մասնակցի տվյալները նշվում են Հարթակի մասնակից դաշտում:

Լայնություն և Երկարություն դաշտերը լրացվում են ավտոմատ` կազմակերպության աշխարհագրական դիրքը քարտեզի վրա նշելուց հետո:

Այս էջը խմբագրելու համար օգտագործողը պետք է ունենա ադմինիստրատորի կարգավիճակ։