Վաճառքներ > Փաստաթղթեր > Վաճառք (Կտրոն) (F12)

Վաճառք (Կտրոն) փաստաթուղթը նախատեսված է վաճառքների արագ իրականացման համար։ Դրա կարիքը հատկապես զգացվում է մանրածախ առևտրում, երբ պահանջվում է արագ սպասարկել հաճախորդին։ Այդ պատճառով այս փաստաթղթում ապրանքների ցուցակը կարելի է լրացնել նաև օգտվելով գծիկավոր կոդ (barcode) կարդացող սարքից (սկաներից)։

Վաճառք (Կտրոն) փաստաթղթի պատուհանը կարելի է կանչել` սեղմելով ստեղնաշարից F12 ստեղնը։

Վաճառք (Կտրոն) փաստաթղթի տեսքը հետևյալն է.

Sales_Documents_PosSale

Դաշտ	Նշանակություն
Ամսաթիվ	Վաճառք (Կտրոն) փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Վաճառք (Կտրոն) փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
ՀԴՄ կտրոնի N	Լրացվում է ՀԴՄ կտրոնի համարը: Դաշտը ավտոմատ է լրացվում, խմբագրման ենթակա չէ:
Փաստաթղթի արժույթ	Իրականացվող վաճառքի արժույթը։ Լրացվում է օգտագործողի Փաստաթղթերի դրույթներ պատուհանում նշված Արժույթ դաշտի արժեքը։ Եթե այն դատարկ է, ապա լրացվում է AMD արժեքը։
Պահեստ	Պահեստ կոդը, որից իրականացվում է վաճառք։ Լրացվում է օգտագործողի Փաստաթղթերի դրույթներ պատուհանում նշված Պահեստ դաշտի արժեքը։ Եթե Պահեստ դաշտում լրացված է մեծածախ պահեստ, ապա hամակարգն ավտոմատ լրացնում է վաճառքի այն տեսակի գները, որը նշված է օգտագործողի Փաստաթղթերի դրույթներ պատուհանի Վաճառքի գնի տեսակ դաշտում։ Եթե վաճառք գրանցող օգտագործողի համար Փաստաթղթերի դրույթներ պատուհանի Աշխատանքի սահմանափակումներ էջում նշված է Թույլ տալ խմբագրել վաճառքի գինը դրոշակը, ապա նա կարող է փոխել առաջարկվող վաճառքի գինը։ Եթե Պահեստ դաշտում լրացված է մանրածախ պահեստ, ապա համակարգն ավտոմատ լրացնում է տվյալ պահեստում տվյալ ապրանքի համար սահմանված վաճառքի գինը արտահայտված դրամով։ Եթե տվյալ ապրանքի համար պահեստում սահմանված են մի քանի վաճառքի գներ, ապա օգտագործողը կարող է ընտրել դրանցից որևէ մեկը։ Համակարգն ավտոմատ լրացնում է սահմանված գներից նվազագույնը։
Դրամարկղ	Դրամարկղի կոդը, որտեղ կմուտքագրվի վաճառքի արդյունքում ստացված գումարը։ Լրացվում է օգտագործողի Փաստաթղթերի դրույթներ պատուհանում նշված Դրամարկղ դաշտի արժեքը։ Եթե այն դատարկ է, ապա փաստաթուղթը հնարավոր չի լինի գրանցել:
Հերթափոխի N	Հերթափոխերով աշխատանքի դեպքում ավտոմատ լրացվում է ընտրված Դրամարկղի հերթափոխի հերթական համարը:
Գնորդ	Նշվում է գնորդի կոդը: Ընդունում է արժեքներ Պայմանագրեր տեղեկատուից:
Տպել ծախս հիմնավորող ՀԴՄԿ	Դրոշակը նշված լինելու դեպքում ՀԴՄ կտրոնը կտպվի որպես ծախսը հիմնավորող փաստաթուղթ: Կտրոնի վրա կերևա Գնորդի ՀՎՀՀ-ն:
Վաճառող խորհրդատու	Վաճառքն իրականացնող աշխատակիցը: Ընդունում է արժեքներ Աշխատակիցներ տեղեկատուից:
Մուտքագրել արժեքը (F2)	Դաշտում կարելի է մուտքագրել վաճառվող ապրանքի գծիկավոր կոդը, կոդը կամ անվանումը և սեղմել դաշտին կից համապատասխան կոճակը։ Այդ դեպքում տվյալ ապրանքը կավելանա ապրանքների ցուցակում։ Գծիկավոր կոդի և Կոդի դեպքում պետք է մուտքագրել արժեքն ամբողջությամբ։ Անվանման դեպքում կարելի է մուտքագրել ապրանքի անվանման մի մասը։ Նման ձևով կարելի է լրացնել նաև ապրանքացուցակի ընթացի տողի քանակը և վաճառքի գինը:
Զեղչի տոկոս	Այս դաշտը երևում է, եթե Դրույթներ պատուհանի Ընդհանուր էջում նշված է Վաճառքի ժամանակ թույլատրել օգտագործել զեղչը դրոշակը։ Կարելի է լրացնել տոկոսը, որի չափով պետք է կատարվի գների իջեցումը տվյալ վաճառքի ժամանակ։ Այս դաշտում կարելի է լրացնել նաև բացասական տոկոս։ Այդ դեպքում տեղի կունենա տվյալ տոկոսի չափով գների բարձրացում։
Ընդամենը	Այս դաշտը խմբագրման ենթակա չէ, այստեղ ավտոմատ լրացվում է վճարման ենթական ընդհանուր գումարը։
Կանխիկ (F6)	Այս դաշտում լրացվում է կանխիկով ստացված գումարը:
Անկանխիկ	Այս դաշտը խմբագրման ենթակա չէ, այստեղ ավտոմատ լրացվում է վճարային քարտով վճարված գումարը:
Ապառիկ	Այս դաշտը խմբագրման ենթակա չէ, այստեղ ավտոմատ լրացվում է ապառիկով ձևակերպված գումարը:
Վճարման ենթակա/Մանր	Այս դաշտը խմբագրման ենթակա չէ, համակարգն այստեղ լրացնում է Ընդամենը և Կանխիկ, Անկանխիկ, Ապառիկ դաշտերի արժեքների տարբերությունը, որը գնորդին վճարվելիք մանրն է։
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։
Հեղինակ	Նշվում է Փաստաթուղթը ստեղծող Օգտագործողը: Դաշտը առկա է և ենթակա է խմբագրման, եթե Օգտագործողի Փաստաթղթերի դրույթներում նշված չէ Սահմանափակել աշխատանքը այլ օգտագործողներին պատկանող փաստաթղթերի հետ դրոշակը:

Վաճառք (Կտրոն) փաստաթղթի պատուհանում կան մի շարք կոճակներ, որոնք նախատեսված են փաստաթղթի հետ աշխատանքը ավելի հեշտ և արագ դարձնելու համար։

Կոճակ	Նշանակություն
Գծիկավոր կոդ (F7)	Այս կոճակով բացվում է Գծիկավոր կոդեր տեղեկատուն, որտեղից ընտրված ապրանքը կավելանա ապրանքների ցուցակում:
Կոդ (F8)	Այս կոճակով բացվում է Ապրանքներ և ծառայություններ տեղեկատուն, որտեղից ընտրված ապրանքը կավելանա ապրանքների ցուցակում:
Անվանում (F9)	Այս կոճակով բացվում է Ապրանքներ և ծառայություններ տեղեկատուն, որտեղից ընտրված ապրանքը կավելանա ապրանքների ցուցակում:
Քանակ (Ctrl+F9)	Մուտքագրման դաշտում (F2) արժեք մուտքագրելու և այս կոճակը սեղմելու դեպքում ապրանքների ցուցակի ընթացիկ տողի Քանակ դաշտում կլրացվի տվյալ արժեքը։
Վաճառքի գին (Shift+F8)	Մուտքագրման դաշտում (F2) արժեք մուտքագրելու և այս կոճակը սեղմելու դեպքում ապրանքների ցուցակի ընթացիկ տողի Վաճառքի գին դաշտում կլրացվի տվյալ արժեքը։
Վերադարձ (Կտրոն)	Այս կոճակով բացվում է նոր Վերադարձ (Կտրոն) փաստաթուղթ:
Մաքրել վճարումները	Կոճակն առկա է, եթե Օգտագործողի Փաստաթղթերի դրույթներում նշված է Վաճառքը գրանցելիս զեղչել ավտոմատ դրոշակը: Այս կոճակով զրոյացվում են վճարմանը վերաբերող դաշտերում մուտքագրված գումարները:
Կանխիկ (F6)	Կոճակն առկա է, եթե Օգտագործողի Փաստաթղթերի դրույթներում նշված է Վաճառքը գրանցելիս զեղչել ավտոմատ դրոշակը: Բացվող պատուհանում լրացվում է Կանխիկ ստացված գումարը:
Կանխավճարի մարում	Այս կոճակով բացվող պատուհանում լրացվում է Կանխավճարի հաշվին մարվող գումարը:
Անկանխիկ (F4)	Այս կոճակով բացվող պատուհանում լրացվում են POS-տերմինալի վերաբերյալ տվյլաներ, անկանխիկ ստացված գումարը, ինչպես նաև վճարման եղանակը` քարտային կամ վճարային համակարգերով:
Ապառիկ (Ctrl+F11)	Այս կոճակով բացվող պատուհանում լրացվում է գնորդի պարտք մնացած գումարը: Ապառիկ գումար նշելու համար անհրաժեշտ է, որ նշված լինի Գնորդ դաշտը:
Բոնուսի մարում	Այս կոճակով բացվող պատուհանում լրացվում է կուտակված բոնուսի հաշվին մարվող գումարը: Բոնուսի մարում նշելու համար անհրաժեշտ է, որ նշված լինի Բոնուսային պայմանագրով գնորդ:
ՀԴՄԿ (F3)	Կոճակը նախատեսված է ՀԴՄ կտրոն տպելու համար:
Տպել (F11)	Կոճակը նախատեսված է թերմոտպիչի վրա ապրանքային կտրոն տպելու համար։ Թերմոտպիչի հետ աշխատանքը կարգավորվում է դրույթների Սարքավորումներ էջում։
Քանակ +	Կոճակը սեղմելիս ընթացիկ տողի քանակը կավելանա մեկով։
Քանակ -	Կոճակը սեղմելիս ընթացիկ տողի քանակը կպակասի մեկով։
Կոմպլեկտ	Կոճակի միջոցով կարելի է ապրանքների ցուցակում լրացնել կոմպլեկտի բաղադրամասերը բացված տեսքով:
Զեղչել	Կոճակը նախատեսված է Զեղչեր տեղեկատուում նկարագրված զեղչերը օգտագործողի միջամտությամբ (ոչ ավտոմատ) կիրառելու համար:
Հաշվարկել բոնուս	Կոճակի միջոցով կարելի է տեսնել տվյալ փաստաթղթով հաշվարկված բոնուսի չափը:
Ավելացնել բոնուսին	Այս կոճակով բացվող պատուհանում լրացվում է հաճախորդի բոնուսային միավորներին ավելացվող գումարը: Փաստաթղթում առկա Մանրի գումարը ավտոմատ առաջարկվում է պատուհանում:
Գներ	Կոճակի միջոցով բացվում է դիալոգ պատուհան, որտեղ նշվում է ԱԱՀ-ի հաշվարկի ձևը (2 - ԱԱՀ-ն այդ թվում, 3 - Առանց ԱԱՀ կամ 4 - Զրոյական ԱԱՀ) և Գնի տեսակը: Վերջինս խմբագրման ենթակա է, եթե վաճառք գրանցող օգտագործողի համար Փաստաթղթերի դրույթներ պատուհանի Աշխատանքի սահմանափակումներ էջում նշված է Թույլ տալ խմբագրել վաճառքի գինը դրոշակը, ապա նա կարող է փոխել առաջարկվող վաճառքի գինը։ Փաստաթղթում մանրածախ պահեստ նշված լինելու դեպքում պատուհանում երևում է միայն ԱԱՀ-ի հաշվարկի ձև դաշտը: Այն դեպքում, երբ վաճառվում (մատուցվում) է ծառայություն, կիրառվում է օգտագործողի դրույթներում նշված վաճառքի գնի տեսակը։
Ընտրյալներ	Հրամանով առաջարկվում է տվյալ Օգտագործողի կողմից ընտրված` հաճախ վաճառվող ապրանքների ցանկը: Ապրանքների ցանկը լրացվում է Օգտագործողի կոնտեքստային ցանկի Ընտրյալ ապրանքներ և ծառայություններ հրամանով:

Անվանացուցակ աղյուսակում լրացվում են վաճառվող ապրանքների կամ մատուցվող ծառայությունների կոդը, անվանումը, չափման միավորը, քանակը, վաճառքի գինը, գումարը և ԱԱՀ-ի տեսակը։ Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ, ինչպես նաև հրամանը: Անհրաժեշտության դեպքում կարելի է տեղափոխել տողերը վերևև ներքևհրամաններով: Նշված հրամանները արագ հասանելիության ստեղներով (օրինակ CTRL+N) աշխատեցնելու համար պետք է ակտիվացնել անվանացուցակի որևէ վանդակ կամ սեղմել CTRL+1 ստեղների համադրությունը:
Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Փաստաթղթի Անվանացուցակում տողեր կարելի է ներմուծել նաև տեքստային ֆայլից։ Դրա համար փաստաթղթի Ժապավենի Այլ բաժնից պետք է ընտրել Ապրանքների ցուցակի ներմուծում հրամանը և նշել տեքստային ֆայլը։ Ապրանքների նույնականացումը կատարվում է գծիկավոր կոդի հիման վրա։ Տեքստային ֆայլը պետք է ունենա *.txt կամ *.dat ընդլանում և պարունակի հետևյալ ֆորմատի տողեր` P; <Ապրանքի գծիկավոր կոդ>; <Քանակ>։ Օրինակ`
P; 123456780001; 10
P; 123456780002; 5
P; 123456780003; 1.5

Փաստաթղթի Այլ բաժնից բացվող Կարգավորումներ պատուհանով հնարավոր է սահմանել.

Դրոշակ	Նշանակություն
Կիրառել վերջին սահմանված գինը և վերահաշվարկել հիմնական չ/մ-ի	Դրոշակը նշված լինելու դեպքում համակարգը կկիրառի ապրանքի տեղեկատուի Ընդհանուր էջում նշված Լրացուցիչ չ/մ-ի համար վերջին ամսաթվով սահմանված գինը, կվերահաշվարկի այն հիմնական չ/մ-ի գործակցով և կլրացնի գինը որպես հիմնական չ/մ-ով գին: Եթե վերջին ամսաթվով սահմանված գինը հիմնական չափման միավորով է, կկիրառվի այդ գինը:
Ցանկից ապրանքը (Ծառայությունը) ընտրելուց հետո բացել տողի խմբագրման պատուհանը	Դրոշակը նշված լինելու դեպքում ապրանքը կամ ծառայությունը ցուցակներից (F7, F8, F9) ընտրելուց հետո կամ սկաներով ապրանքի գծիկավոր կոդը կարդալուց հետո ավտոմատ կբացվի տեղի խմմբագրման պատուհանը:
Բաշխել ըստ Օգտ. ժամկ.	Դրոշակը նշված լինելու դեպքում ապրանքների ելքագրումը կկատարվի դրանց օգտագործման ժամկետների հիման վրա: Ավելի մոտ օգտագործման ժամկետ ունեցող ապրանքների խմբաքանակը կելքագրվի առաջինը:
Ավտոմատ թարմացնել ապրանքների ընտրման ցուցակները յուրաքանչյուր 15 րոպեն մեկ	Դրոշակը նշված լինելու դեպքում ապրանքների ընտրման ցուցակը թարմացվում է որոշակի պարբերականությամբ:
Փնտրել գծիկավոր կոդը ըստ Հատկություն 1-ի կոդի	Մուտքագրված (նաև սկաներով կարդացած) գծիկավոր կոդը կփնտրվի ոչ թե Գծիկավոր կոդերի տեղեկատուում, այլ ապրանքների մնացորդներում Հատկություն 1 արժեքների կոդերում:
Գնորդ ավելացնելուց կամ խմբագրելուց ցուցադրել հիմնական դաշտերը	Դրոշակը նշված լինելու դեպքում Գնորդ դաշտին կից ավելացնել կամ խմբագրել հրամանը սեղմելիս բացվող պատուհանը կցուցադրվի կրճատ տարբերակով` կերևան միայն հիմնական դաշտերը:

Փաստաթղթի ժապավենի Գլխավոր էջից Ցույց տալ հաշվարկները հրամանը սեղմելու դեպքում, փաստաթղթի ներքևի հատվածում կցուցադրվի Զեղչերի հաշվարկային տվյալներ անվանումով վահանակ, որտեղ կարտացոլվեն փաստաթղթում ավտոմատ հաշվարկված զեղչերի մասին մանրամասնություններ:

Վաճառք (Կտրոն) փաստաթղթում աշխատանքի և դաշտերի մի շարք կարգավորումներ տրվում են Օգտագործողի Փաստաթղթերի դրույթներում Վաճառք կտրոն էջում: Այն բացելու համար անհրաժեշտ է Օգտագործողներ պատուհանում (Ադմինիստրատորի գործիքներ->Օգտագործողներ) գտնել օգտագործողի տողը, կոնտեքստային ցանկից ընտրել Փաստաթղթի դրույթներ հրամանը և մտնել Վաճառք (Կտրոն) էջ։

Նշում
Վաճառք (Կտրոն) փաստաթուղթը կարելի է ներմուծել MS Excel-ի BillGroupImport.xlsm ֆայի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Trade\Import):