Գնումներ > Փաստաթղթեր > Օժանդակ փաստաթղթեր

Դրամարկղի ելքի օրդեր փաստաթուղթը նախատեսված է դրամարկղից ելքերը ձևակերպելու համար։

Փաստաթղթի տեսքը հետևյալն է.

Purchases_Documents_SupportingDocuments_CashOut1

Դաշտ	Նշանակություն
Գործողության տեսակ	Նշվում է գործողության տեսակը, որով ելքագրվում է գումարը: Ընդունում է 1- Գումարի վճարում գործընկերոջը, 2- Գումարի ելք դեպի մանրածախ կետ, 3- Գումարի ելք դեպի հաշվարկային հաշիվ, 4- Պլաստիկ քարտին վերադարձ (անկանխ. կանխ. ՀԴՄ կտրոնի տպում) արժեքները։
Դրամարկղ	Լրացվում է այն դրամարկղը, որտեղից ելքագրվում են դրամական միջոցները:
Հերթափոխի N	Լրացվում է ընտրված դրամարկղի հերթական հերթափոխի համարը:
Ամսաթիվ	Դրամարկղի ելքի օրդերի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Դրամարկղի ելքի օրդերի հերթական համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
ՀԴՄ կտրոնի N	Լրացվում է Կանխավճարի վերադարձի կամ Կանխիկի ելքի ՀԴՄ կտրոնի համարը: Խմբագրման ենթակա չէ: Կտրոնը տպվում է դաշտին կից կոճակը սեղմելու դեպքում:
Հիմք փաստաթուղթ	Կարելի է նշել այն փաստաթուղթը, որի հիման վրա գրանցվում է դրամարկղի ելքի օրդերը։ Հիմք փաստաթուղթն ընտրելու համար անհրաժեշտ է բացել փաստաթղթերի մատյանը, որի համար պետք է սեղմել դաշտի աջ կողմում տեղադրված կոճակը։ Նախքան մատյանի պատուհանը բացվելը կհայտնվի դիալոգ պատուհան, որում պետք է նշել հիմք փաստաթղթի գրանցման ժամանակահատվածը, տեսակը և վիճակը։ Հիմք փաստաթուղթ կարող է հանդիսանալ Դրամարկղի մուտքի օրդեր, Պահեստի մուտքի օրդեր, Պահեստի մուտքի օրդեր (Մանրածախ), Հավելյալ ծախսերի բաշխում կամ Վերադարձ գնորդից փաստաթուղթը։ Հիմք փաստաթուղթն ընտրելու դեպքում համակարգն առաջարկում է լրացնել փաստաթղթի դաշտերը հիմք փաստաթղթի համապատասխան դաշտերի արժեքներով։
Փաստաթղթի արժույթ	Փաստաթղթի արժույթն է, որով ելքագրվում է գումարը։
Փոխարժեք	Նշված արժույթի դրամային համարժեքը: Այս դաշտն ավտոմատ լրացնում է համակարգը` արժույթի փոխարժեքը փնտրելով Արտարժույթի փոխարժեքներ տեղեկատուի մեջ: Այստեղ փնտրվում է այնպիսի տող, որի ամսաթիվը համընկնում է փաստաթղթում լրացված ամսաթվի հետ: Այդպիսի տողի բացակայության դեպքում ընտրվում է մոտակա ամսաթվով տողը: Այն կարելի է նաև խմբագրել: Եթե արժույթն ազգային դրամն է, ապա Փոխարժեք և առ դաշտերում գրվում է մեկ:
Գումար արժույթով	Դրամարկղից ելքագրվող գումարը` փաստաթղթի արժույթով: Դաշտին կից գտնվող կոճակի վրա աջ կտտոցով բացվող Պատճենել հրամանով կարելի է պատճենել արժույթով գումարը բառերով:
Գումար ԱԴՄ-ով	Գումար արժույթով դաշտում լրացված գումարի դրամային համարժեքը: Այս դաշտը խմբագրման ենթակա չէ, երբ Գումար արժույթով դաշտը դրամային է: Դաշտին կից գտնվող կոճակի վրա աջ կտտոցով բացվող Պատճենել հրամանով կարելի է պատճենել ԱԴՄ-ով գումարը բառերով:
Խումբ	Եթե դաշտի արժեքը լրացված է, ապա գործընկերների ցուցակից կարելի է ընտրել միայն տվյալ խմբին պատկանող գործընկերոջը։
Գործընկեր	Լրացվում է գործընկերոջ կոդը: Եթե Գործընկերներ տեղեկատուում տվյալ գործընկերը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը:
Պայմանագիր	Գործընկերոջ հետ ունեցած պայմանագրերից որևէ մեկի կոդն է։ Համակարգն ավտոմատ առաջարկում է հիմնական պայմանագիրը։ Գործընկեր դաշտը լրացված լինելու դեպքում այս դաշտը պարտադիր լրացվող է, հակառակ դեպքում այն փակ է։
Գումար	Այս դաշտը խմբագրման ենթակա չէ։ Կախված Արժույթ դաշտում լրացված արժույթից` ավտոմատ լրացվում է դաշտի արժեքը։
Պարտք	Այս դաշտը խմբագրման ենթակա չէ, այստեղ պատկերվում է գործընկերոջ վերջնական պարտքը նշված պայմանագրի արժույթով։ Դաշտի արժեքը թարմացնելու համար նախատեսված է կոճակը։
Արժույթ	Այս դաշտը խմբագրման ենթակա չէ, այստեղ ավտոմատ լրացվում է ընտրված պայմանագրի արժույթը։ Եթե Գործընկեր դաշտը լրացված չէ, այս դաշտը դատարկ է մնում։
Տրամադրել	Եթե Գործընկեր դաշտը լրացված է, ապա այդ դաշտի արժեքը ավտոմատ լրացվում է նաև այստեղ։
Ըստ	Լրացուցիչ տվյալ փաստաթղթի վերաբերյալ:
Հիմք	Կարող է ընդունել արժեքներ Արտահայտություններ տեղեկատուից։
Հավելված	Կարող է ընդունել արժեքներ Արտահայտություններ տեղեկատուից։
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։
Հեղինակ	Նշվում է Փաստաթուղթը ստեղծող Օգտագործողը: Դաշտը առկա է և ենթակա է խմբագրման, եթե Օգտագործողի Փաստաթղթերի դրույթներում նշված չէ Սահմանափակել աշխատանքը այլ օգտագործողներին պատկանող փաստաթղթերի հետ դրոշակը:
Գլխավոր հաշվապահ	Գլխավոր հաշվապահի անուն, ազգանունը։ Ավտոմատ լրացվում է դրույթներից:
Գանձապահ	Գանձապահի անուն, ազգանունը։ Ավտոմատ լրացվում է դրույթներից:

Փաստաթղթում, եթե Գործողության տեսակ դաշտը նշված է 2- Գումարի ելք դեպի մանրածախ կետ արժեքը, ապա Գործընկերոջ հետ կապված դաշտերը փոխարինվում են Մուտքի դրամարկղ և Աշխատակից դաշտերով` հնարավորություն տալով կատարել գումարի տեղաշարժ դրամարկղերի միջև:

Purchases_Documents_SupportingDocuments_CashOut2

Մուտքի դրամարկղ	Լրացվում է այն դրամարկղը, որտեղ մուտքագրվում են դրամական միջոցները:
Աշխատակից	Մուտքի դրամարկղի գանձապահը: Ընդունում է արժեքներ Աշխատակիցներ տեղեկատուից:

Նշում
Դրամարկղի ելքի օրդեր փաստաթուղթը կարելի է ներմուծել MS Excel-ի CashOutGroupImport.xlsm ֆայի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Trade\Import):