Գնումներ > Փաստաթղթեր > Պահեստի մուտքի օրդեր (Մանրածախ)

Պահեստի մուտքի օրդեր (Մանրածախ) փաստաթուղթն օգտագործվում է ապրանքները պահեստ մուտքագրելու համար։ Երբ ապրանքները մուտքագրվում են մանրածախ պահեստ, առաջանում է պահանջ` նշել վաճառքի գները։ Փաստաթղթում ֆիքսված գները հետագայում հիմք են հանդիսանալու մանրածախ պահեստում վաճառքի և հաշվառման համար։ Վաճառքներ գրանցելիս այս գները փոփոխել չի թույլատրվում։ Վաճառքի գների փոփոխություն կատարելու համար նախատեսված է Ապրանքների վերագնահատում (Մանրածախ) փաստաթուղթը։ Երբ ապրանքները վաճառվում են մանրածախ պահեստից, համակարգն ավտոմատ լրացնում է տվյալ պահեստում տվյալ ապրանքի համար սահմանված վաճառքի գինը։ Եթե տվյալ ապրանքի համար պահեստում սահմանված են մի քանի վաճառքի գներ, ապա օգտագործողը կարող է ընտրել դրանցից որևէ մեկը։ Համակարգն ավտոմատ լրացնում է սահմանված գներից փոքրագույնը։

Փաստաթղթի գրանցումը կատարվում է պատուհանի միջոցով, որը բաղկացած է 3 էջերից` Ընդհանուր, Ապրանքների ցուցակ և Լրացուցիչ։

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Պահեստի մուտքի օրդեր (Մանրածախ) փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Պահեստի մուտքի օրդեր (Մանրածախ) փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Հիմք փաստաթուղթ	Կարելի է նշել այն փաստաթուղթը, որի հիման վրա կատարվում է պահեստի մուտքը։ Հիմք փաստաթուղթն ընտրելու համար անհրաժեշտ է բացել փաստաթղթերի մատյանը, որի համար պետք է սեղմել դաշտի աջ կողմում տեղադրված կոճակը։ Նախքան մատյանի պատուհանը բացվելը կհայտնվի դիալոգ պատուհան, որում պետք է նշել հիմք փաստաթղթի գրանցման ժամանակահատվածը, տեսակը և վիճակը։ Հիմք փաստաթուղթ կարող է հանդիսանալ Ապրանքների գույքագրում (Մանրածախ) փաստաթուղթը։ Հիմք փաստաթուղթն ընտրելու դեպքում համակարգն առաջարկում է լրացնել փաստաթղթի դաշտերը հիմք փաստաթղթի համապատասխան դաշտերի արժեքներով։
Պահեստ	Դաշտում կարելի է ընտրել ինչպես մանրածախ, այնպես էլ ոչ մանրածախ հայտանիշով պահեստ: Եթե ընտրված է մանրածախ պահեստ, ապա ապրանքների ցուցակը լրացնելիս Վաճառքի գին դաշտը պարտադիր է լրացնել:
Գծիկավոր կոդ (F2)	Ապրանքի գծիկավոր կոդը, օգտագործվում է անվանացուցակում նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Ընդհանուր էջի տեսքը հետևյալն է.

Purchases_Documents_IncomeRetail1

Դաշտ	Նշանակություն
Խումբ	Եթե դաշտի արժեքը լրացված է, ապա գործընկերների ցուցակից կարելի է ընտրել միայն տվյալ խմբին պատկանող մատակարարին։
Մատակարար	Լրացվում է մատակարարի կոդը: Եթե Գործընկերներ տեղեկատուում տվյալ մատակարարը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը:
Պայմանագիր	Գործընկերոջ հետ ունեցած պայմանագրերից որևէ մեկի կոդն է։ Համակարգն ավտոմատ առաջարկում է հիմնական պայմանագիրը։ Մատակարար դաշտի լրացված լինելու դեպքում, այս դաշտը պարտադիր լրացվող է, հակառակ դեպքում այն փակ է։
Գումար	Այս դաշտը խմբագրման ենթակա չէ: Համակարգը Ընդհանուր գումար դաշտի արժեքը վերահաշվարկում է ըստ Արժույթ դաշտում լրացված արժույթի և ստացված գումարը լրացնում է այս դաշտում։
Պարտք	Այս դաշտը խմբագրման ենթակա չէ, այստեղ պատկերվում է գործընկերոջ վերջնական պարտքը նշված պայմանագրի արժույթով։ Դաշտի արժեքը թարմացնելու համար նախատեսված է կոճակը։
Արժույթ	Այս դաշտը խմբագրման ենթակա չէ, այստեղ ավտոմատ լրացվում է ընտրված պայմանագրի արժույթը։ Եթե մատակարարը լրացված չէ, այս դաշտը դատարկ է մնում։
Հ/Ա-ի համար	Լրացվում է մատակարար կազմակերպության կողմից դուրս գրված հաշիվ-ապրանքագրի համարը։
ա/թ	Լրացվում է մատակարար կազմակերպության կողմից դուրս գրված հաշիվ-ապրանքագրի ամսաթիվը:
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։
Հեղինակ	Նշվում է Փաստաթուղթը ստեղծող Օգտագործողը: Դաշտը առկա է և ենթակա է խմբագրման, եթե Օգտագործողի Փաստաթղթերի դրույթներում նշված չէ Սահմանափակել աշխատանքը այլ օգտագործողներին պատկանող փաստաթղթերի հետ դրոշակը:

Ապրանքների ցուցակ էջի տեսքը հետևյալն է.

Purchases_Documents_IncomeRetail2

Դաշտ	Նշանակություն
Արժույթ	Փաստաթղթի արժույթն է։ Ցուցակում մուտքագրվող բոլոր ապրանքների գները տրվում են այդ արժույթով։ Երբ օգտագործողը մինչև ապրանքների մուտքագրելը նշում է մատակարարին, ապա համակարգը լրացնում է այս դաշտը պայմանագրի արժույթով։ Նշենք ապրանքների ինքնարժեքների հաշվառման մի յուրահատկություն։ Համակարգում ինքնարժեքները զուգահեռ հաշվառվում են դրամով` առանց ԱԱՀ-ի, դրամով` ներառյալ ԱԱՀ-ն և որևիցե արտարժույթով` նույնպես ներառյալ ԱԱՀ-ն։ Վերոնշյալ արտարժույթը սահմանվում է համակարգը շահագործելուց առաջ` Դրույթներ պատուհանի Ընդհանուր էջում գտնվող Ապրանքների արժույթ դաշտում։ Սա նշանակում է, որ անկախ ձեռք բերման փաստաթղթի արտարժույթից, ապրանքների ինքնարժեքները գրանցվում են դրամով և կառավարչական արժույթով։
Արտարժույթի փոխարժեք	Համակարգն ավտոմատ լրացնում է Արտարժույթի փոխարժեքներ տեղեկատուում տվյալ արտարժույթի համար վերջին գրանցված փոխարժեքը։ Այս դաշտը խմբագրման ենթակա չէ, եթե Արժույթ դաշտում լրացված է AMD։
ԱԱՀ-ի հաշվարկի ձև	Դաշտը կարող է ընդունել հետևյալ արժեքները. 1 - ԱԱՀ-ով, 2 - ԱԱՀ-ն այդ թվում, 3 - Առանց ԱԱՀ, 4 - Զրոյական ԱԱՀ։
Գնի տեսակ	Նշվում է, թե ապրանքները մուտքագրելիս համակարգն ինչ տեսակի գներ առաջարկի։ Եթե Ընդհանուր էջի Մատակարար դաշտը լրացված է, և ընտրված պայմանագրում նշված է գնի տեսակը, ապա համակարգն ավտոմատ կլրացնի այդ գնի տեսակը:
Զեղչի տոկոս	Այս դաշտը երևում է, եթե Դրույթներ պատուհանի Ընդհանուր էջում նշված է Գնման ժամանակ թույլատրել օգտագործել զեղչ դրոշակը։ Կարելի է լրացնել մատակարարից ստացած զեղչի տոկոսը։ Այս դաշտում կարելի է լրացնել նաև բացասական տոկոս։ Այդ դեպքում տեղի կունենա տվյալ տոկոսի չափով գների բարձրացում։
Գումար ԱԱՀ	Այս դաշտը խմբագրման ենթակա չէ։ Համակարգն հաշվարկում և լրացնում է ԱԱՀ-ն այս դաշտում` օգտվելով ապրանքների գներից և ԱԱՀ-ի հաշվարկի ձևից:
Ընդհանուր գումար	Այս դաշտը խմբագրման ենթակա չէ։ Համակարգն այս դաշտում ավտոմատ լրացնում է ձեռք բերվող ապրանքների ընդհանուր գումարը մատակարարի կողմից դուրս գրված փաստաթղթի արժույթով։

Ապրանքների ցուցակ աղյուսակում լրացվում են ձեռք բերվող ապրանքների կոդը, անվանումը, չափման միավորը, քանակը, ձեռք բերման գինը և գումարը, հավելագնի տոկոսը, վաճառքի գինը և գումարը, խմբաքանակի հատկությունները և ԱԱՀ-ի տոկոսադրույքը։ Տողը մուտքագրելիս, ձեռք բերման գնի և հավելագնի տոկոսի հիման վրա առաջարկվում է վաճառքի գինը։ Հավելագնի տոկոսը համակարգն առաջարկում է` օգտվելով Ապրանքներ և ծառայություններ տեղեկատուում նշված տոկոսի արժեքից։ Եթե տեղեկատուում տոկոսի արժեքը դատարկ է, ապա համակարգը առաջարկում է` Դրույթներ պատուհանի Ընդհանուր էջում գտնվող հավելագնի տոկոսը։ Օգտագործողը կարող է խմբագրել առաջարկված հավելագնի տոկոսը։

Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ: Անհրաժեշտության դեպքում կարելի է տեղափոխել տողերը վերևև ներքևհրամաններով:

Ապրանքների ցուցակ աղյուսակում Կոդի ընտրման ցուցակում կարելի է տեսնել ընտրված գնի տեսակով գինը, որի համար անհրաժեշտ է փաստաթղթի կարգավորումներում նշել Ցույց տալ ապրանքների ցուցակը գներով դրոշակը:

Ապրանքների ցուցակ աղյուսակում առանձին սյուներով վերջին ձեռքբերման գինը և տվյալ մուտքի ձեռքբերման գնի հետ հարաբերության %-ը տեսնելու համար անհրաժեշտ է փաստաթղթի կարգավորումներում նշել Ցույց տալ "Վերջին ձեռքբերման գին" սյունը դրոշակը:

Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

կոճակով բացվում է ապրանքի մնացորդի և շարժի մասին պատուհան.

RemandTurn2

Այս պատուհանի միջոցով անմիջապես Պահեստի մուտքի օրդերի պատուհանից կարելի է բացել տվյալ ապրանքի մնացորդի, գնումների, վաճառքների մասին հաշվետվական տվյալներ:

Աղյուսակում ապրանքների ձեռքբերման գները կարելի է ավտոմատ լրացնել վերջին ձեռքբերման գներով` սեղմելով կոճակը: Եթե մատակարարը փաստաթղթում նշված է, ապա լրացվում է տվյալ մատակարարից վերջին ձեռքբերման գներն ու զեղչի տոկոսները։ Եթե մատակարարը դատարկ է, ապա՝ վերջին ձեռքբերման գները և զեղչի տոկոսները:

Ապրանքների վաճառքի գները կարելի է լրացնել, օգտվելով համակարգում վարվող գների տեսակներից (գնացուցակներից)։ Դրա համար նախատեսված է կոճակը։ Այն սեղմելիս բացվում է Լրացնել վաճառքի գները դիալոգ պատուհանը, որում Վաճառքի գնի տեսակ դաշտում արժեք ընտրելիս համակարգն առաջարկում է լրացնել Վաճառքի գին սյունը նշված գնի տեսակով։ Կարելի է տալ վաճառքի գների կլորացման աստիճանը օգտվելով Կլորացման աստիճանը դաշտից։
կոճակը նախատեսված է աղյուսակում լրացված Վաճառք գները Գներ տեղեկատուում պահպանելու համար: Կոճակը սեղմելուց հետո բացովղ պատուհանում անրաժեշտ է ընտել Գնի տեսակը:

Փաստաթղթի Անվանացուցակում տողեր կարելի է ներմուծել տեքստային ֆայլից։ Դրա համար փաստաթղթի Ժապավենի Այլ բաժնից պետք է ընտրել Ապրանքների ցուցակի ներմուծում հրամանը և նշել տեքստային ֆայլը։ Ապրանքների նույնականացումը կատարվում է գծիկավոր կոդի հիման վրա։ Տեքստային ֆայլը պետք է ունենա *.txt կամ *.dat ընդլանում և պարունակի հետևյալ ֆորմատի տողեր` P; <Ապրանքի գծիկավոր կոդ>; <Քանակ>։ Օրինակ`
P; 123456780001; 10
P; 123456780002; 5
P; 123456780003; 1.5

Ապրանքների ցուցակ էջի ներքևի հատվածում Ընթացիկ տողի վահանակն է, որտեղ կարող են ցուցադրվել աղյուսակում ընթացիկ ապրանքի նկարը, մնացորդը (փաստաթղթում նշված պահեստում, ինչպես նաև ընդհանուր բոլոր պահեստներում), բնութագիրը: Ընթացիկ տողի վահանակի հետ կապված կարգավորումները տրվում են օգտագործողի փաստաթղթերի դրույթներից:

Լրացուցիչ էջի տեսքը հետևյալն է.

Purchases_Documents_IncomeRetail3

Այս էջում լրացվում են ձեռք բերման հետ կապված լրացուցիչ տվյալներ, որոնք օգտագործվում են փաստաթղթի տպվող ձևերում։

Դաշտ	Նշանակություն
Լիազորագիր	Լիազորագրի համարը:
Միջնորդ	Լրացվում է միջնորդը, այն կարելի է ընտրել Աշխատակիցներ տեղեկատուից:
Ավտ/Բեռնարկղ	Ավտո բեռնարկղի համարը:
Գլխավոր հաշվապահ	Գլխավոր հաշվապահի Ա.Ա.Հ., լրացվում է համակարգի դրույթներից, կարելի է խմբագրել:
Թույլատրեց	Թույլատրողի Ա.Ա.Հ., այն կարելի է ընտրել Աշխատակիցներ տեղեկատուից:
Ընդունեց	Նյութական պատասխանատու անձը, այն կարելի է ընտրել Աշխատակիցներ տեղեկատուից:

Փաստաթղթի Այլ բաժնից բացվող Կարգավորումներ պատուհանով հնարավոր է սահմանել.

Դաշտ	Նշանակություն
Ցույց տալ գին սյունը ապրանքների ընտրման ցուցակներում	Դրոշակը նշված լինելու դեպքում Կոդի ընտրման ցուցակում կցուցադրվեն նշված Գնի տեսակով սահմանված գները:
Ցույց տալ Վերջին ձեռքբերման գին սյունը	Դրոշակը նշված լինելու դեպքում Ապրանքների ցուցակ էջում կցուցադրվեն Վերջին ձեռքբերման գին և Շեղման տոկոս սյուներ: Վերջինս հաշվարկվում է փաստաթղթում լրացված ներկա գնի և վերջին ձեռքբերման զեղչված գնի տարբերության հիման վրա: Եթե մատակարարը փաստաթղթում նշված է, ապա լրացվում է տվյալ մատակարարից վերջին ձեռքբերման զեղչված գները։ Եթե մատակարարը դատարկ է, ապա՝ վերջին ձեռքբերման զեղչված գները: Կարգավորումն առկա է, եթե Օգտագործողի Փաստաթղթերի դրույթներում սահմանափակված չէ ինքնարժեքներ տեսնելը:

Նշում
Պահեստի մուտքի օրդեր (Մանրածախ) փաստաթուղթը կարելի է ներմուծել MS Excel-ի IncomeRetailGroupImport.xlsm ֆայի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Trade\Import):