Ուղղորդիչ:  Առաջին մակարդակ Ինչպե՞ս ներմուծել Էլեկտրոնային եղանակով ստացված հարկային հաշիվները ՀԾ-Հաշվապահ 7 համակարգ

ՀԾ-Հաշվապահ համակարգը թույլ է տալիս Ստացված հարկային հաշիվները e-invoicing ծրագրից անմիջապես ներմուծել համակարգ` միևնույն տեղեկատվության երկու անգամ ձեռքով մուտքագրումից խուսափելու համար:

e-invoicing ծրագրից հարկային հաշիվների անմիջապես ՀԾ-Հաշվապահ համակարգ ներմուծման համար անհրաժեշտ է կատարել հետևյալ քայլերը.

1. Հաշվապահություն կամ e-invoicing ենթահամակարգից կատարել Ստացված հաշիվների ներմուծում գործողությունը (Հաշվապահություն ենթահամակարգ → Գործողություններ → Ստացված հաշիվների ներմուծում կամ e-invoicing ենթահամակարգ → Աշխատանք ստացված փաստաթղթերի հետ → Ստացված հաշիվների ներմուծում):

2. Դիալոգ պատուհանի Ներմուծել դաշտում նշել 1. e-invoicing(ուղիղ կապ նոր վեբ տարբերակով) և լրացնել ժամանակահատվածը: Հնարավոր է նշել նաև Մատակարարման ժամանակահատվածը: Հարկային հաշիվներ դրոշակը նշված լինելու դեպքում կներմուծվեն միայն Ստացված Հարկային հաշիվները, Հաշվարկային փաստաթղթեր դրոշակը նշված լինելու դեպքում` միայն Ստացված Հաշվարկային փաստաթղթերը: Սեղմել Կատարել:

 

 

3. Բացվող պատուհանում լրացնել e-Invoicing համակարգի օգտագործողը և գաղտնաբառը: ՀՎՀՀ դաշտը ավտոմատ լրացվում է Դրույթների Կազմակերպություն էջից: Սեղմել Մուտք:

 

 

4. Հայտնվում է հաշվետվություն ստացված հաշիվների ներմուծման վերաբերյալ.

 

 

5. Ներմուծված ստացված հաշիվների հետագա մշակումը կատարվում է Ստացված հաշիվների մատյանից:

6. Բերված փաստաթղթերը խմբագրման ենթակա են միայն Անվանացուցակ էջում: Այստեղ ավտոմատ կլրացվեն նյութական արժեքների (ծառայությունների) Ներքին կոդ և Անվանում դաշտերը, եթե Մատակարարի ապրանքացանկ տեղեկատուում գոյություն ունի համապատասխան տող: Անմիջապես փաստաթղթից կարելի է բացել Մատակարարի ապրանքացանկը` նույնանուն կոճակը սեղմելով:
Ցուցակում Տեղադրել կոդերը հրամանով կարելի է համապատասխանեցնել ապրանքների (ծառայությունների) կոդերը Նյութական արժեքներ (Ծառայություններ) տեղեկատուից` հիմք ընդունելով Արտաքին անվանում դաշտի արժեքը:

 

Իսկ այն նյութական արժեքները (ծառայությունները), որոնք չկան տեղեկատուում կարելի է անմիջապես այս պատուհանից ավելացնել դրանք` Ավելացնել նոր կոդեր հրամանի միջոցով:

7. Կոդ և Անվանում դաշտերի ավտոմատ չլրացվելու դեպքում` անհրաժեշտ է ընտրել համապատասխան նյութական արժեքի կամ ծառայության կոդը:

 

 

8. Լրացնելուց և Հիշելուց հետո փաստաթղթի կոնտեքստային ցանկից ընտրել Ստեղծել փաստաթղթի հիման վրա… հրամանը և ստեղծել Պահեստի մուտքի օրդեր փաստաթուղթը:

         

ՀԾ-Հաշվապահ համակարգը թույլ է տալիս նաև ստացված հաշիվները e-Invoicing ծրագրից արտահանել XML ֆորմատով և բեռնել համակարգ:      

XML ֆայլի արտահանման և ՀԾ-Հաշվապահ համակարգ ներմուծման համար անհրաժեշտ է կատարել հետևյալ քայլերը.

1. Հարկային հաշիվը XML արտահանելու համար անհրաժեշտ է e-invoicing ծրագրում նշել տվյալ փաստաթուղթը և սեղմել Արտահանել հրամանը:

 

 

2. Արտահանված փաստաթուղթը ՀԾ-Հաշվապահ համակարգ է ներմուծվում Ստացված հաշիվների ներմուծում հրամանի միջոցով (Հաշվապահություն ենթահամակարգ → Գործողություններ → Ստացված հաշիվների ներմուծում կամ e-Invoicing ենթահամակարգ → Աշխատանք ստացված փաստաթղթերի հետ → Ստացված հաշիվների ներմուծում):

 

 

3. Դիալոգ պատուհանի Ներմուծել դաշտում նշել 3. XML ֆայլ և Ներմուծվող ֆայլի ընտրություն դաշտում ընտրել համապատասխան XML ֆայլը:

 

 

4. Անցկացվում է գնորդի ՀՎՀՀ-ի և կազմակերպության ՀՎՀՀ-ի համապատասխանության ստուգում և հայտնվում է հաշվետվություն.

 

 

5. Ներմուծված հարկային հաշիվների հետագա մշակումը կատարվում է Ստացված հաշիվների մատյանից վերևում նշված եղանակով:

 

Կախված հաշվի տեսակից և Անվանացուցակ էջում տողերի համար ընտրված տեսակ դաշտի արժեքից` փաստաթղթերի հիման վրա կարելի է ստեղծել նաև հետևյալ փաստաթղթերը.
- Ստացված ծառայություն,

- Վերադարձ Մատակարարին,

- ԱԱ-ի ձեռքբերում և շահագործման հանձնում,

- ՀՄ ձեռքբերում,

- ՀՄ ձեռքբերում և շահագործում: