Դաշտ

Նշանակություն

Գույքային համար

Հիմնական միջոցի գույքային համարը: Պարտադիր լրացվող դաշտ է: Համակարգն ավտոմատ առաջարկում է հերթական համարը դրույթներից:

Անվանում

ՀՄ-ի անվանումը (255 տառաթվանիշ): Պարտադիր լրացվում է:

Լրիվ անվանում

ՀՄ-ի լրիվ անվանումը (255 տառաթվանիշ):

Մուտքի ամսաթիվ

ՀՄ-ի մուտքագրման ամսաթիվը: Պարտադիր լրացվող է: Համակարգն ավտոմատ առաջարկում է ընթացիկ ամսաթիվը: Կարելի է մուտքագրել նաև մատակարար կազմակերպության կողմից դուրս գրված հաշիվ-ապրանքագրի (հարկային հաշվի) ամսաթիվը:

Շահագործման ամսաթիվ

ՀՄ-ի շահագործման ամսաթիվը: Պարտադիր լրացվող է:

ՀՄ տեսակ

ՀՄ-ի տեսակը: Պարտադիր լրացվող է: Կախված ՀՄ տեսակից` լրացվում են նաև ֆինանսական և հարկային հաշվառումների օգտակար ծառայության ժամկետները:

ՀՄ խումբ շահութահարկի օրենքով

ՀՄ-ի խումբն է ըստ շահութահարկի օրենքի:

ՀՄ ձեռքբերման եղանակ (Հանրային հատված)

Այս դաշտը առկա է համակարգի Հանրային Հատված տարբերակում: Կարող է ընդունել հետևյալ արժեքները` 1-ՀՄ ձեռքբերում առանց պայմանի, 2-Բյուջեից բնամթերային ձևով պայմանով ստացված ակտիվ, 3-Բյուջեից ֆինանսավորման ձևով պայմանով ձեռքբերված ակտիվ, 4- Այլ կազմակերպությունից  բնամթերային ձևով պայմանով ստացված ակտիվ, 5- Այլ կազմակերպությունից ֆինանսավորման ձևով պայմանով ձեռքբերված ակտիվ, 6-Առանց պայմանների կատարման պահանջի (անհատույց) ստացված ակտիվ:

Գտնվելու վայր

Այն կառուցվածքային ստորաբաժանումը, որտեղ մուտքագրվում է ՀՄ-ն:

Նյութ. պատասխ. անձ

ՀՄ-ի նյութական պատասխանատու անձ հանդիսացող աշխատակիցը:

Դաշտ

Նշանակություն

Գույքային քարտ

ՀՄ-ի գույքային քարտի համարը:

Փաստաթղթի N

Շահագործման հանձնման-ընդունման ակտ փաստաթղթի համարը: Կարելի է մուտքագրել նաև մատակարար կազմակերպության կողմից դուրս գրված հաշիվ-ապրանքագրի (հարկային հաշվի) համարը: Այս դաշտի արժեքը օգտագործվում է Տեղեկանք հարկային հաշիվների վերաբերյալ հաշվետվության լրացման ժամանակ:

Մատակարար

Լրացվում է ՀՄ-ի մատակարարը:

Մատակարարի հաշիվ

Այս դաշտում լրացվում է մատակարարի հաշիվը: Մատակարար դաշտը լրացված լինելու դեպքում լրացված հաշիվը պետք է լինի այնպիսին, որի համար հաշվառումն ըստ գործընկերների թույլատրված է:

Դուրս գրման եղանակ

Լրացվում է մատակարարի կողմից հարկային հաշվի դուրս գրման եղանակը` էլեկտրոնային կամ թղթային:

Ձեռքբերման փաստաթղթի N

Լրացվում է ձեռքբերման փաստաթղթի համարը:

Ձեռքբերման փաստաթղթի ա/թ.

Լրացվում է ձեռքբերման փաստաթղթի ամսաթիվը:

ԱԱՀ-ի հաշվարկի ձև

Այս դաշտը կարող է ընդունել հետևյալ արժեքները` 1 - ԱԱՀ-ով, 2 - Առանց ԱԱՀ կամ 3 - Զրոյական ԱԱՀ: ԱԱՀ-ով արժեքի դեպքում գործառնություններում առաջարկվում է գրանցել նաև ԱԱՀ-ի գործառնությունը, որը լրացնելիս համակարգը դեբետ հաշվի արժեքը վերցնում է դրույթներից:

Ներառել ԱԱՀ-ն ինքնարժեքի մեջ

Դրոշակը նշված լինելու դեպքում Հաշվառումներ էջում ավելանում է Ձեռքբերման արժեք դաշտը, որի արժեքի նկատմամբ հաշվարկվում է ԱԱՀ-ի գումարը և ներառվում է  հիմնական միջոցի սկզբնական արժեքի մեջ:

ԱԱՀ-ի արտացոլման ձև

Այս դաշտն ակտիվ է, երբ Ներառել ԱԱՀ-ն ինքնարժեքի մեջ դրոշակը նշված է: Այս դաշտը կարող է ընդունել հետևյալ արժեքները` Չարտացոլել ԱԱՀ-ն շրջանառության մեջ, որի դեպքում գործառնությունները գեներացնելիս ԱԱՀ-ի գումարը չի արտացոլվում ԱԱՀ-ի դեբետային հաշվի վրա, և Արտացոլել ԱԱՀ-ն շրջանառության մեջ, որի դեպքում ԱԱՀ-ի գումարը արտացոլվում է ԱԱՀ-ի դեբետային հաշվի վրա:

Հաշվառումներ

Ֆինանսական

Հարկային

Օգտակար ծառայության ժամկետ(ամիս)

ՀՄ-ի ֆինանսական հաշվառման օգտակար ծառայության ժամկետն ամիսներով:

ՀՄ-ի հարկային հաշվառման օգտակար ծառայության ժամկետն ամիսներով:

Սկզբնական արժեք

ՀՄ-ի ֆինանսական հաշվառման սկզբնական արժեքը:

ՀՄ-ի հարկային հաշվառման սկզբնական արժեքը:

Հաշվարկված մաշվածք

ՀՄ-ի ֆինանսական հաշվառման հաշվարկված մաշվածքը մինչ փաստաթղթի գրանցումը:

ՀՄ-ի հարկային հաշվառման հաշվարկված մաշվածքը մինչ փաստաթղթի գրանցումը:

Մնացորդային արժեք

ՀՄ-ի ֆինանսական հաշվառման մնացորդային արժեքը:

ՀՄ-ի հարկային հաշվառման մնացորդային արժեք դաշտը: Գործող հարկային օրենսդրությամբ մնացորդային (լուծարային) արժեք չի նախատեսվում:

Մաշվող է

Դրոշակը նշված լինելու դեպքում  ՀՄ-ի համար  շահագործման ամսաթվից սկսած կհաշվարկվի մաշվածություն:

Դրոշակը նշված լինելու դեպքում  ՀՄ-ի համար շահագործման ամսաթվից սկսած կհաշվարկվի մաշվածություն:

Հաշվառումներ

Հետաձգված հասույթ (Հանրային հատված)

Օգտակար ծառայության ժամկետ(ամիս)

ՀՄ-ի հետաձգված հասույթով հաշվառման օգտակար ծառայության ժամկետն ամիսներով:

Հետաձգված հասույթ

ՀՄ-ի հետաձգված հասույթով արժեքը:

Հաշվարկված մաշվածք

ՀՄ-ի հետաձգված հասույթի հաշվառման հաշվարկված մաշվածքը մինչ փաստաթղթի գրանցումը:

Մաշվող է

Դրոշակը նշելու դեպքում փաստաթղթի գրանցումից սկսած ՀՄ-ի համար հետաձգված հասույթի հաշվառմամբ կհաշվարկվի մաշվածություն, և կախված ՀՄ- ձեռքբերման եղանակից հետաձգված հասույթը պայմանների կատարմանը զուգընթաց կվերագրվի հաշվետու ժամանակաշրջանի հասույթներին:

Պատկեր

Նշանակություն

Ավելացնել տվյալ փաստաթղթին անհրաժեշտ նոր գործառնություն:

Գործառնությունների ցուցակում ավելացնել նոր տող` պատճենելով ընթացիկ տողի արժեքները:

Գործառնություններից հեռացնել ընթացիկ տողը:

Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում նյութական արժեքների ցուցակի հիման վրա գեներացնել գործառնությունները կոճակը:  

Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Որպես դեբետ հաշիվ` լրացվում է Հաշիվներ էջի սկզբնական արժեքի հաշիվը, իսկ կրեդիտում`մատակարարի հաշիվը: Կախված ԱԱՀ-ի հաշվարկի ձև դաշտի արժեքից` կարող է լրացվել գործառնության ևս մեկ տող: Եթե նշված է ԱԱՀ-ով, ապա որպես դեբետ լրացվում է դրույթների Հաշիվներ էջից ԱԱՀ-ի դեբետային հաշիվ-ը, իսկ կրեդիտ լրացվում է մատակարարի հաշիվը: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

ՀՄ-ի ձեռքբերում և շահագործում կարելի է ներմուծել MS Excel-ի FAImport.xlsm ֆայլի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Accountant 7\Import\ImportStd ):

* Հանրային հատվածի կազմակերպություններ համար ֆայլը գտնվում է հետևյալ հասցեով՝  C:\Program Files\Armenian Software\AS-Accountant 7\Import\ImportPS։