Դաշտ

Նշանակություն

Ամսաթիվ

Ստացված ծառայություններ փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:

Փաստաթղթի N

Ստացված ծառայություններ փաստաթղթի հերթական համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:

Դաշտ

Նշանակություն

Արժույթ

Ստացված ծառայությունների արժույթը:

Արտարժույթի փոխարժեք

Նշված արժույթի դրամային համարժեքը: Այս դաշտն ավտոմատ լրացնում է համակարգը` արժույթի փոխարժեքը փնտրելով Արտարժույթի փոխարժեքներ տեղեկատուում: Այստեղ փնտրվում է այնպիսի տող, որի ամսաթիվը համընկնում է փաստաթղթի ամսաթվի հետ: Այդպիսի տողի բացակայության դեպքում ընտրվում է մոտակա ամսաթվով տողը: Այն կարելի է նաև խմբագրել: Եթե արժույթն ազգային դրամն է, ապա Փոխարժեք և առ դաշտերում գրվում է մեկ:

Նախորդ օրվա փոխարժեք

Դրոշակ տիպի դաշտ է: Նշելու դեպքում գործողությունը կատարելիս որպես հիմք ընդունվում է փաստաթղթի ամսաթվի նախորդ օրվա գործող փոխարժեքները

Նախորդ օրվա փոխարժեքը

Դրոշակը նշված լինելու դեպքում նշված արժույթի դրամային համարժեքը կհաշվարկվի նախորդ օրվա փոխարժեքի հիման վրա:

Մատակարար

Լրացվում է մատակարարի կոդը: Եթե Գործընկերներ տեղեկատուում տվյալ գործընկերը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը:  Գործընկերոջը խմբագրելու համար սեղմել կոճակը:

Մատակարարի հաշիվ

Այս դաշտում լրացվում է մատակարարի հաշիվը: Մատակարար դաշտը լրացված լինելու դեպքում լրացված հաշիվը պետք է լինի ըստ գործընկերների հաշվառվող:

Տրված կանխավճարի հաշիվ

Այս դաշտը նախատեսված է մատակարարին տրված կանխավճարի և նրա կրեդիտորական պարտքի փոխմարման համար: Եթե գոյություն ունի տրված կանխավճար, որը ցանկանում եք ավտոմատ փոխմարել կրեդիտորական պարտքի հետ, ապա պետք է այս դաշտում լրացնել կանխավճարի հաշիվը: Այնուհետև, Գործառնություններ էջում կոճակի միջոցով ավտոմատ գործառնություն գեներացնելիս, ստացված ծառայությունների գծով կրեդիտորական պարտքի արտացոլումից բացի կառաջարկվի ևս մի գործառնություն, որի դեբետում մատակարարի հաշիվն է, կրեդիտում` տրված կանխավճարի հաշիվը: Այս գործառնության գումարը հավասար է կանխավճարի և կրեդիտորական պարտքի հաշիվների մնացորդներից նվազագույնին:

Ինքնահաշիվ

Դրոշակը նշված լինելու դեպքում փաստաթուղթը կարտացոլվի Դուրս գրված հաշիվների մատյանում և հնարավոր կլինի արտահանել e-Invoicing` որպես Մատակարարի անունից դուրս գրված հաշիվ:

Դուրս գրման եղանակ

Լրացվում է մատակարարի կողմից հարկային հաշվի դուրս գրման եղանակը` էլեկտրոնային կամ թղթային:

Ինքնահաշիվ

Դրոշակը նշված լինելու դեպքում փաստաթուղթը կարտացոլվի Դուրս գրված հաշիվների մատյանում և այն հնարավոր կլինի արտահանել Հաշվետվությունների Ներկայացման Էլեկտրոնային Համակարգի (e-Invoicing) որպես Մատակարարի անունից դուրսգրված հաշիվ:

Ձեռքբերման փաստաթղթի N

Լրացվում է ձեռքբերման փաստաթղթի համարը: Այս դաշտի արժեքն օգտագործվում է Տեղեկանք հարկային հաշիվների վերաբերյալ և Առհաշիվ գումարների ծախս հաշվետվությունների լրացման ժամանակ:

Ձեռքբերման փաստաթղթի ա/թ.

Լրացվում է ձեռքբերման փաստաթղթի ամսաթիվը: Այս դաշտի արժեքն օգտագործվում է Տեղեկանք հարկային հաշիվների վերաբերյալ և Առհաշիվ գումարների ծախս հաշվետվությունների լրացման ժամանակ:

Մեկնաբանություն

Մեկնաբանություն փաստաթղթի վերաբերյալ:

Դաշտ

Նշանակություն

Ծառայության ձեռք բերման տեսակ

Որպես Ծառայության ձեռք բերման տեսակ նախատեսված են հետևյալ տեսակները. Մատակարարից` Հ/Ա-ով, Առհաշվից` միակողմանի գնման ակտով, Առհաշվից` երկկողմանի գնման ակտով և Առանց հարկերի: Ելնելով ընտրված տեսակից` Գործառնություններ էջում Գեներացնել գործառնություններ կոճակի օգնությամբ տրվում են համապատասխան ձևակերպումները:

Նշում: Տեղեկանք հարկային հաշիվների վերաբերյալ հաշվետվության մեջ կլրացվեն մատակարարից ստացված հաշիվ-ապրանքագրի տվյալները, եթե ՆԱ-ի ձեռք բերման տեսակը նշված է Մատակարարից` Հ/Ա-ով:

ԱԱՀ-ի հաշվարկի ձև

Այս դաշտն ակտիվ է, երբ Ծառայության ձեռք բերման տեսակ  դաշտում նշված է Մատակարարից` Հ/Ա-ով: Այս դաշտը կարող է ընդունել հետևյալ արժեքները` ԱԱՀ-ով, Առանց ԱԱՀ կամ Զրոյական ԱԱՀ:

Ներառել ԱԱՀ-ն ծախսի մեջ

Դրոշակը նշված լինելու դեպքում ԱԱՀ-ի գումարը կներառվի ծառայության արժեքի մեջ և կծախսագրվի:

ԱԱՀ-ի արտացոլման ձև

Այս դաշտն ակտիվ է, երբ Ներառել ԱԱՀ-ն ծախսի մեջ դրոշակը նշված է: Այս դաշտը կարող է ընդունել հետևյալ արժեքները` Չարտացոլել ԱԱՀ-ն շրջանառության մեջ, որի դեպքում գործառնությունները գեներացնելիս ԱԱՀ-ի գումարը չի արտացոլվում ԱԱՀ-ի դեբետային հաշվի վրա, և Արտացոլել ԱԱՀ-ն շրջանառության մեջ, որի դեպքում ԱԱՀ-ի գումարը արտացոլվում է ԱԱՀ-ի դեբետային հաշվի վրա:

Գումար ԱԱՀ

Այս դաշտում ստացված ծառայությունների գումարի հիման վրա ավտոմատ լրացվում է ԱԱՀ-ի գումարը, որը կարելի է խմբագրել: Փաստաթղթում ավտոմատ գործառնություններ գեներացնելիս որպես ԱԱՀ-ի գումար համակարգն առաջարկում է այս դաշտում նշված գումարը:

Սյուն

Նշանակություն

Կոդ

Ստացված ծառայության կոդը:  Եթե Ծառայություններ տեղեկատուում տվյալ ծառայությունը գրանցված չէ, այն կարելի է ավելացնել անմիջապես այստեղից` սեղմելով կոճակը: Ծառայությունը խմբագրելու համար սեղմել կոճակը:

Անվանում                

Ստացված ծառայության անվանումը:                    

Գումար

Ստացված ծառայության գումարը:

Հաշիվ

Ծախսի հաշիվ: Ավտոմատ առաջարկվում է Ծառայություններ տեղեկատուում լրացված հաշիվը:

Դաշտ

Նշանակություն

Իրավ. հասցե

Կազմակերպության իրավաբանական հասցեն: Լրացվում է փաստաթղթում ընտրված գործընկերոջ տեղեկատուից:

Գործ. հասցե

Կազմակերպության գործունեության իրականացման վայրի հասցեն: Լրացվում է փաստաթղթում ընտրված գործընկերոջ տեղեկատուից:

Հաշվարկային հաշիվ

Գործընկերոջ հաշվարկային հաշվի համարը բանկում: Լրացվում է փաստաթղթում ընտրված գործընկերոջ տեղեկատուից:

ՀՎՀՀ

Գործընկերոջ Հարկ վճարողի հաշվառման համարը:

Ղեկավարի պաշտոն

Իրավաբանական անձի ղեկավարի պաշտոնը: Լրացվում է փաստաթղթում ընտրված գործընկերոջ տեղեկատուից:

Ղեկավարի Ա.Ա.Հ.

Իրավաբանական անձի ղեկավարի անուն, ազգանուն, հայրանունը: Լրացվում է փաստաթղթում ընտրված գործընկերոջ տեղեկատուից:

Հաշվապահի պաշտոն

Իրավաբանական անձի հաշվապահի պաշտոնը: Լրացվում է փաստաթղթում ընտրված գործընկերոջ տեղեկատուից:

Հաշվապահի Ա.Ա.Հ.

Իրավաբանական անձի հաշվապահի անուն, ազգանուն, հայրանունը: Լրացվում է փաստաթղթում ընտրված գործընկերոջ տեղեկատուից:

Պատկեր

Նշանակություն

Ավելացնել տվյալ փաստաթղթին անհրաժեշտ նոր գործառնություն:

Գործառնությունների ցուցակում ավելացնել նոր տող` պատճենելով ընթացիկ տողի արժեքները:

Գործառնություններից հեռացնել ընթացիկ տողը:

Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում գեներացնել գործառնությունները կոճակը:

Գործառնությունների գեներացման կոճակը հասանելի է, երբ ոչ մի գործառնության տող լրացված չէ:  Ծառայությունների ցուցակի հիման վրա ստեղծվում են գործառնությունների տողեր հետևյալ սկզբունքով. միևնույն ծախսային հաշվով նշված ծառայությունների տողերը գումարային ներկայացվում են մեկ տողով որպես դեբետ, իսկ որպես կրեդիտ լրացվում է մատակարարի հաշիվը: Կախված Ծառայության ձեռք բերման տեսակ դաշտի արժեքից` կարող են լրացվել ևս մի քանի գործառնության տողեր: Եթե տեսակը նշված է Մատակարարից` Հ/Ա-ով, ապա որպես դեբետ լրացվում է դրույթների Հաշիվներ էջից ԱԱՀ-ի դեբետային հաշիվ-ը, իսկ կրեդիտ լրացվում է մատակարարի հաշիվը: Եթե տեսակը նշված է Առհաշվից` միակողմանի գնման ակտով կամ Առհաշվից` երկկողմանի գնման ակտով, ապա ծառայությունների ցուցակի միևնույն ծախսային հաշվները ներկայացվում են մեկ տողով որպես դեբետ, իսկ որպես կրեդիտ լրացվում է դրույթների Հաշիվներ էջից Եկամտային հարկի կրեդիտային հաշիվը: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Ստացված ծառայությունները կարելի է ներմուծել MS Excel-ի ReceivedServicesGroupImport.xlsm ֆայլի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Accountant 7\Import ):