Վաճառքներ > Հաշվետվություններ > Վաճառքների վերլուծություն

Հաշվետվությունը նախատեսված է կազմակերպության վաճառքները վերլուծելու համար։ Հաշվետվությունում երևում են վաճառքի ինքնարժեքները, վաճառքի գումարները և վաճառքից ստացված օգուտները/վնասները` գումարային և տոկոսային ներկայացմամբ։ Այս հաշվետվությունը կանչելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Հաշվետվության մեջ ընդգրկվում են տվյալ ժամանակահատվածում կատարված վաճառքները։
Պահեստ	Դաշտին կից ընտրման ցուցակում կարելի է նշել մեկ կամ մի քանի պահեստներ։ Հաշվետվությունում երևում են նշված պահեստներից կատարված վաճառքները, իսկ դաշտը դատարկ լինելու դեպքում` բոլոր վաճառքները։
Տեսակ	Եթե դաշտի արժեքը նշված է, ապա հաշվետվությունը կազմվում է ընտրված տեսակին համապատասխան: Եթե ընտրված է Ծառայություն տեսակը, ապա Պահեստ դաշտը ակտիվ չէ:
Ապրանքի կամ ծառայության խումբ	Եթե դաշտի արժեքը լրացված է, ապա հաշվետվությունում արտացոլվում են միայն տվյալ խմբին պատկանող ապրանքները կամ ծառայությունները, հակառակ դեպքում` բոլոր ապրանքները և ծառայությունները։
Ապրանք կամ ծառայություն	Եթե դաշտի արժեքը լրացված է, ապա հաշվետվությունը կազմվում է միայն տվյալ ապրանքի կամ ծառայության համար, հակառակ դեպքում` բոլոր ապրանքների կամ ծառայությունների համար։ Եթե Խումբ դաշտի արժեքը լրացված է, ապա ապրանքների ընտրման ցուցակից կարելի է ընտրել միայն տվյալ խմբին պատկանող ապրանք կամ ծառայություն։
Գործընկերների խումբ	Եթե դաշտի արժեքը լրացված է, ապա հաշվետվությունում արտացոլվում են միայն տվյալ խմբի գործընկերներին կատարված վաճառքները, հակառակ դեպքում` բոլոր գործընկերներին կատարված վաճառքները։
Գործընկեր	Եթե դաշտի արժեքը լրացված է, ապա հաշվետվությունը կազմվում է միայն տվյալ գործընկերոջ համար, հակառակ դեպքում` բոլոր գործընկերների համար։
Քանակները ցույց տալ լրացուցիչ չափման միավորով	Դրոշակը նշված լինելու դեպքում հաշվետվությունում քանակները բերվում են լրացուցիչ չափման միավորներով։
Ցույց տալ գումարները դրամով (Առանց ԱԱՀ)	Դրոշակը նշված լինելու դեպքում հաշվետվությունում երևում են ապրանքների ինքնարժեքները` ներկայացված դրամով և առանց ԱԱՀ-ի։
Ցույց տալ գումարները դրամով (Ներառյալ ԱԱՀ)	Դրոշակը նշված լինելու դեպքում հաշվետվությունում երևում են ապրանքների ինքնարժեքները` ներկայացված դրամով և ներառյալ ԱԱՀ-ն։
Ցույց տալ գումարները USD-ով	Դրոշակը նշված լինելու դեպքում հաշվետվությունում երևում են ապրանքների ինքնարժեքները` ներկայացված USD-ով և ներառյալ ԱԱՀ-ն։
Ցույց տալ խմբաքանակները	Դրոշակը նշված լինելու դեպքում հաշվետվությունում երևում են ապրանքների խմբաքանակները բնորոշող սյուներ։
Ցույց տալ ինքնարժեքի և վաճառքի գները	Դրոշակը նշված լինելու դեպքում հաշվետվությունում երևում են ապրանքների ինքնարժեքներն ու վաճառքի գները:
Ցույց տալ զեղչերը	Դրոշակը նշված լինելու դեպքում հաշվետվությունում երևում են վաճառքների ժամանակ կիրառված զեղչի գումարները և տոկոսները։ Այս դրոշակը կարելի է նշել միայն այն դեպքում, երբ նշված է Ցույց տալ գումարները դրամով (Առանց ԱԱՀ), Ցույց տալ գումարները դրամով (Ներառյալ ԱԱՀ), Ցույց տալ գումարները USD-ով դրոշակներից որևէ մեկը։
Ցույց տալ ԱԱՀ-ի գումարները	Դրոշակը նշելու դեպքում կցուցադրվեն Վաճառքի գումարի ԱԱՀ և Ինքնարժեքի գումարի ԱԱՀ սյուներ:
Ցույց տալ բոնուսային միավորները	Դիալոգ պատուհանում հայտանիշը երևում է, եթե Դրույթներում նշված է Վաճառքի ժամանակ օգտագործել բոնուսային համակարգ դրոշակը: Դրոշակը նշված լինելու դեպքում հաշվետվությունում երևում են բոնուսների կուտակումներն ու մարումները:
Կոդ սյուների համար ակտիվացնել հղումները	Դրոշակը նշված լինելու դեպքում հաշվետվության կոնտեքստային ցանկից հնարավոր կլինի բացել ընթացիկ տողի ապրանքի կամ գործընկերոջ տեղեկատուն:
Խմբավորել ըստ	Հաշվետվությունը կարելի է կանչել խմբավորված ըստ ապրանքների և ծառայությունների կամ ըստ գործընկերների։ Այդ դեպքում հաշվետվության մեջ միևնույն ապրանքների (գործընկերներին) վաճառքները երևում են մեկ տողով։

Նշում
Խմբավորել ըստ ապրանքների և ծառայությունների արժեքը լրացված լինելու դեպքում Ցույց տալ խմբաքանակները դաշտը ակտիվ չէ։ Խմբավորել ըստ գործընկերների արժեքի լրացված լինելու դեպքում ակտիվ չեն Քանակները ցույց տալ լրացուցիչ չափման միավորով և Ցույց տալ խմբաքանակները դաշտերը։

Նշում

Խմբավորել ըստ ապրանքների և ծառայությունների արժեքը լրացված լինելու դեպքում Ցույց տալ խմբաքանակները դաշտը ակտիվ չէ։ Խմբավորել ըստ գործընկերների արժեքի լրացված լինելու դեպքում ակտիվ չեն Քանակները ցույց տալ լրացուցիչ չափման միավորով և Ցույց տալ խմբաքանակները դաշտերը։

Վաճառքների վերլուծություն հաշվետվությունում արտացոլվում են Վաճառքի շահութաբերություն (%) և Վաճառքի արդյունավետություն (%) ցուցանիշները:

Վաճառքի շահութաբերություն (%) ցուցանիշը հաշվարկվում է Շահույթի և Վաճառքի գումարի հարաբերությամբ` արտահայտված տոկոսներով:

Վաճառքի արդյունավետություն (%) ցուցանիշը հաշվարկվում է Շահույթի և Ինքնարժեքի գումարի հարաբերությամբ` արտահայտված տոկոսներով:

Հաշվետվության կոնտեքստային ցանկից կարելի է Խմբագրել (CTRL+E), Դիտել տպելու ձևը (F5), Պատճենել (CTRL+Y) և նշված տողերի համար ստեղծել Պահեստի մուտքի օրդեր, Պահեստի մուտքի օրդեր (Մանրածախ), Վերադարձ գնորդից և Վերադարձ (Կտրոն) փաստաթղթերը: Հնարավոր է սկաների միջոցով կամ կոնտեքստային ցանկի Փնտրել գծ. կոդով հրամանով գտնել և նշել ցանկացած ապրանքները: Եթե հաշվետվությունը խմբավորված է ըստ Գործընկերների կամ ըստ Ապրանքների և ծառայությունների, ապա այս հրամանները հասանելի չեն: Կոնտեքստային ցանկից կարելի է բացել նաև ընթացիկ տողի ապրանքի կամ գործընկերոջ տեղեկատուն: Այս հրամանը ակտիվ է, եթե հաշվետվությունը կանչելիս դիալոգ պատուհանում դրվում է Կոդ սյուների համար ակտիվացնել հղումները դրոշակը: