Աշխատավարձ > Հաշվետվություններ > Աշխատակիցների ցուցակ

Հաշվետվությունում արտապատկերվում է կազմակերպության աշխատակիցների ցուցակը: Հաշվետվությունը կանչելիս բացվում է դիալոգ պատուհան, որն ունի հետևյալ դաշտերը.

Դաշտ	Նշանակություն
Աշխատակիցների ցուցակի տեսակը	Նշվում է, թե աշխատակիցների ո՞ր խմբի համար է կազմվելու ցուցակը` բոլոր աշխատակիցների համար, միայն տվյալ պահին աշխատողների համար, միայն աշխատանքից ազատվածների համար կամ նշված ամսաթվի դրությամբ աշխատող աշխատակիցների համար: Վերջին դեպքում ակտիվանում է Ամսաթիվ դաշտը: Կադրային հաշվառում միացված լինելու դեպքում Ամսաթիվ դաշտը ակտիվ է, երբ ցուցակը կազմվում է միայն տվյալ պահին աշխատողների համար, միայն աշխատանքից ազատվածների համար կամ նշված ամսաթվի դրությամբ աշխատող աշխատակիցների համար:
Ամսաթիվ	Ցուցակում կներառվեն միայն նշված ամսաթվի դրությամբ աշխատող աշխատակիցները: Ակտիվ է, եթե Աշխատակիցների ցուցակի տեսակը դաշտում նշված է 4-Բոլոր աշխատակիցները նշված ա/թ-ի դրությամբ: Կադրային հաշվառում միացված լինելու դեպքում ակտիվ է, եթե Աշխատակիցների ցուցակի տեսակը դաշտում նշված է 2-Բոլոր աշխատակիցները, բացի ազատվածներից, 3-Միայն ազատվածները, 4-Բոլոր աշխատակիցները նշված ա/թ-ի դրությամբ:
Պայմանագրի տեսակ	Նշվում է պայմանագրի տեսակը: Ցուցակում կներառվեն միայն նշված տեսակի պայմանագիր ունեցող աշխատակիցները:
Ընդլայնված	Հայտանիշը նշված լինելու դեպքում հաշվետվության մեջ կընդգրկվեն նաև սեռ, ծննդյան ամսաթվ, անձնագրի տվյալները, հրամանի համարները, քաղաքային և բջջային հեռախոսներ, էլ. հասցե դաշտերը և տվյալներ հաշվառման ու բանակության վայրի վերաբերյալ:

Հաշվետվության սյուները պարունակում են աշխատակիցների վերաբերյալ հետևյալ տվյալները.

Դաշտ	Նշանակություն
Տաբելային համար	Աշխատակցի տաբելային համարը:
Ազգանուն, անուն, հայրանուն	Աշխատակցի ազգանուն, անուն, հայրանունը:
Ստորաբաժանում	Աշխատակցի ստորաբաժանումը:
Պաշտոն	Աշխատակցի պաշտոնը:
Պաշտոնի սկիզբ	Պաշտոնի նշանակման ամսաթիվը:
Վերջին պաշտոն	Աշխատակցի զբաղեցրած վերջին պաշտոնը: Սյունը առկա է, եթե միացված է Կադրային հաշվառում:
Պայմանագրի տեսակ	Նշվում է պայմանագրի տեսակը` աշխատանքային կամ քաղաքացիաիրավական:
Ընդունման ամսաթիվ	Աշխատակցի աշխատանքի ընդունման ամսաթիվը:
Ազատման ամսաթիվ	Աշխատակցի աշխատանքից ազատման ամսաթիվը:
Սոցիալական քարտի համար	Աշխատակցի սոցիալական քարտի համարը:
Հաշվարկային հաշիվ	Աշխատակցի հաշվի համարը բանկում: Օգտագործվում է աշխատավարձի վճարացուցակը տպելիս:
Աշխատավարձի գծով հաշվարկների հաշիվ	Լրացվում է սինթետիկ հաշիվ: Հաշվապահական ձևակերպումները գրանցելիս այս հաշվի կրեդիտում կարտացոլվեն աշխատակցի համար հաշվարկված հավելումների գումարները, իսկ դեբետում` հարկերի, վճարումների և այլ պահումների գումարները:
Մասնագիտություն	Լրացվում է մասնագիտության կոդը:

Հաշվետվության վրայից բացվող կոնտեքստային ցանկից ընթացիկ տողի կամ նշված տողերի աշխատակիցների վերաբերյալ կարելի է ստանալ հետևյալ հաշվետվությունները.

•Հաշվարկային թերթիկ. ստեղծում է աշխատակիցների հաշվարկային թերթիկը:

•Ամփոփ տվյալներ. ստեղծում է աշխատակիցների աշխատավարձի հաշվարկի վերաբերյալ ամփոփ տվյալների հաշվետվություն:

•Ընդլայնված հաշվետվություն (Շախմատաձև). ստեղծում է աշխատակիցների համար հաշվարկված աշխատավարձի վերաբերյալ մանրամասնեցված ու ընդհանուր գումարային տվյալներ:

•Հաշվարկային տվյալներ. ստեղծում է աշխատակիցների համար հաշվարկված աշխատավարձի վերաբերյալ մանրամասնեցված ու ընդհանուր գումարային տվյալները:

•Կադրային գործողությունների մատյան. Հրամանը առկա է, եթե միացված է Կադրային հաշվառում: Ստեղծում է Կադրային գործողությունների մատյան հաշվետվությունը:

•Ուղարկել Էլ. փոստով հաշվարկային թերթիկ. Հաշվարկային թերթիկն ուղարկվում է աշխատակցի` տեղեկատուում նշված էլ. փոստի հասցեին: Նամակն ուղարկվում է համակարգչում տեղադրված Մեյլային համակարգի միջոցով:

•Խմբային ուղարկել Էլ. փոստով հաշվարկային թերթիկները. Հաշվարկային թերթիկները խմբային եղանակով ուղարկվում են աշխատակիցների` տեղեկատուում նշված էլ. փոստի հասցեին: Նամակներն ուղարկվում են համակարգչում տեղադրված Մեյլային համակարգի միջոցով:

•Եկամտային հարկի հաշվետվություն:

•Աշխատողի և քաղիրավական պայմանագրով մատուցողի հայտ:

•Աշխատաժամանակի հաշվարկի տեղեկագիր: