Ադմինիստրատորի գործիքներ

Լոկալ տարբերակ

Օգտագործողներ ցուցակում երևում են համակարգում գրանցված բոլոր օգտագործողները: Այս ցուցակի վրայից բացվում է կոնտեքստային ցանկ, որը կազմված է Ավելացնել, Խմբագրել , Հեռացնել, Պատճենել, Օգտագործողի իրավասությունները և Աշխատանքային ժամանակահատված հրամաններից:

Ավելացնելիս պետք է լրացնել Օգտագործողի անուն, Օգտագործողի նկարագրություն, Գաղտնաբառ, Հաստատել գաղտնաբառը (պետք է համընկնի Գաղտնաբառ դաշտի արժեքի հետ) դաշտերը:

AdminTools.Users1

Մուտքը թույլատրված է դրոշակն ընտրելու դեպքում օգտագործողը կարող է մտնել համակարգ:

Ադմինիստրատոր է դրոշակն ընտրելու դեպքում օգտագործողը ստանում է ադմինիստրատորի լրացուցիչ իրավունքներ: Դրանք են.

•Ադմինիստրատորի գործիքներ ցանկում գտնվող կետերին հասանելիություն

•Դրույթներում Կազմակերպություն, Հաշիվներ, Աշխատավարձ ներդիրների խմբագրում

•Ընդհանուր ներդիրում գտնվող Աշխատանքային ժամանակահատված և ԱԱՀ դաշտերի խմբագրում

•Հիմնական միջոցներ ներդիրում գտնվող Հաշիվների խմբագրում

ՀԴՄ օպերատոր դաշտում լրացվում է ՀԴՄ օպերատորի կոդը։

ՀԴՄ օպերատորի գաղտնաբառ դաշտում լրացվում է ՀԴՄ օպերատորի գաղտնաբառը։

Խմբագրելիս չի կարելի փոխել միայն օգտագործողի անունը:

Չի կարելի հեռացնել Admin անունով օգտագործողին: Բացի այդ չի թույլատրվում հեռացնել այդ պահին տվյալների պահոցների հետ աշխատող օգտագործողներին:

Օգտագործողի գաղտնաբառը կարելի է փոխել ցանկի Գաղտնաբառի փոփոխություն հրամանի միջոցով:

Օգտագործողի իրավասությունները հրամանով բացվում է հետևյալ ցուցակը.

AdminTools.Users

Դաշտ	Նշանակություն
Աշխատանքային ցանկի կետեր	Լրացված են տվյալ օգտատործողին հասանելի ենթահամակարգերի աշխատանքային ցանկերի կետերը:
Ցանկի կետի հասանելիություն	Նշված լինելու դեպքում տվյալ օգտագործողին հասանելի է ցանկի համապատասխան կետը:
Գործողությունների հասանելիություն	Նշված լինելու դեպքում տվյալ օգտագործողին հասանելի են համապատասխան մատյանի համ հաշվետվության կոնտքեստային գործողությունները: Այս սյունը չի գործում միայն փաստաթղթերի համար: Նշում: Գործողություն չեն համարվում այն կոնտեքստային հրամանները, որոնք չեն բերում տվյալների փոփոխության (օրինակ` Դիտել տպելու ձևը):

Ցուցակի ընթացիկ տողի կոնտեքստային ցանկից բացվող գործողություններն են.

•Փոխել ցանկի կետի հասանելիությունը. փոխում է սյան արժեքը:

•Փոխել գործողությունների հասանելիությունը. փոխում է սյան արժեքը:

Փաստաթղթի դրույթներ հրամանով բացվում է հետևյալ պատուհանը.

userECR1

Աշխատանքային ժամանակահատվածի միջոցով որոշվում է, թե տվյալ օգտագործողն ինչ ժամանակահատվածում կարող է փաստաթղթեր ստեղծել, խմբագրել կամ հեռացնել: Եթե տվյալ օգտագործողի համար աշխատանքային ժամանակահատված սահմանված չէ, ապա գործողությունների կատարելը սահմանափակվում է Դրույթների Ընդհանուր էջում սահմանված Աշխատանքային ժամանակահատվածով:

Դաշտ	Նշանակություն
Պահեստ	Վաճառք մանրածախ փաստաթղթում լռությամբ առաջարկվող պահեստն է:
ՀԴՄ դրամարկղ Վաճառք (Մանրածախ) փաստաթղթում	Վաճառք մանրածախ փաստաթղթում լռությամբ առաջարկվող դրամարկղն է:
Գնորդը Վաճառք (Մանրածախ) փաստաթղթում	Վաճառք մանրածախ փաստաթղթում լռությամբ առաջարկվող գնորդն է:
Տպելուց առաջ գրանցել փաստաթուղթը	Դրոշակը միացված լինելու դեպքում փաստաթուղթը ավտոմատ գրանցվում է ՀԴՄ կտրոն տպելուց առաջ:
Տպել և նոր	Հայտանիշը նշված լինելու դեպքում ՀԴՄ կտրոն տպելուց առաջ փաստաթուղթը կգրանցվի և կբացվի նոր փաստաթուղթ:
Տպել զեղչը	Հայտանիշը նշված լինելու դեպքում ՀԴՄ կտրոնում կարտացոլվեն Վաճառքի փաստաթղթում նշված զեղչերը:
Զեղչի տեսակ	ՀԴՄ կտրոնում զեղչը կարող է արտացոլվել հետևյալ տարբերակներից որևէ մեկով. 1-%-ային ապրանքի մեկ միավորի վրա` երևում է, թե ապրանքի միավորի վրա զեղչը որքան է կազմել` տոկոսային արտահայտությամբ, 2-Դրամային ապրանքի մեկ միավորի վրա` երևում է, թե ապրանքի միավորի վրա զեղչը որքան է կազմել` դրամային արտահայտությամբ, 3-Դրամային ապրանքի ընդհանուր քանակի վրա` երևում է, թե ապրանքի ընդհանուր քանակի վրա զեղչը որքան է կազմել` դրամային արտահայտությամբ:
Անկանխիկ գործարքը կատարել ՀԴՄ-ի POS-տերմինալով	Հայտանիշը նշված լինելու դեպքում ՀԴՄ կտրոն տպելիս անկանխիկ վճարումները հնարավոր կլինի ստանալ ՀԴՄ սարքի POS տերմինալով:
Որպես տողի կոդ տպել	ՀԴՄ կտրոնում որպես տողի կոդ կարելի է տպել հետևյալ տարբերակներից որևէ մեկը. 1-Կոդ, 2-Խմբի կոդ:
Որպես տողի անվանում տպել	ՀԴՄ կտրոնում որպես տողի անվանում կարելի է տպել հետևյալ տարբերակներից որևէ մեկը. 1-Անվանումը, 2-Լրիվ անվանումը, 3- ՆԱ Բնութագիրը, 4- ՆԱ խմբի անվանումը:
Թույլ տալ խմբագրել կտրոնի N-ը	Դրոշակը միացված լինելու դեպքում Օգտագործողը կարող է ՀԴՄ կտրոններ մատյանից խմբագրել ՀԴՄ սարքից հերթական համար չստացած փաստաթղթի ՀԴՄ կտրոնի համարը: Հերթական համար չստացած փաստաթղթին ծրագրում վերագրվում է XXXXXXXX արժեքը:

Կարգավորումներ հատվածում Թույլ տալ խմբագրել տեղեկատուների կոդերը դրոշակը նշված լինելու դեպքում Օգտագործողը կարող է խմբագրել հիմնական տեղեկատուների կոդերը: Թույլ տալ խմբային հեռացնել փաստաթղթերը դրոշակը նշված լինելու դեպքում Օգտագործողը կարող է մատյաններում նշել մեկից ավելի փաստաթուղթ և կոնտեքստային ցանկի Հեռացնել նշվածները հրամանով հեռացնել դրանք:

Տես ավելին`

Ինչպե՞ս ՀԾ-Հաշվապահ համակարգում ավելացնել նոր օգտագործող

Փաստաթուղթը գրանցելիս հայտնվում է Ամսաթիվն աշխատանքային ժամանակահատվածում չէ ... հաղորդագրությունը

Ամպային տարբերակ

Ամպային տարբերակում Օգտագործողներին վերաբերող դրույթները հիմնականում չեն տարբերվում լոկալ տարբերակից: Բացառություն է կազմում Օգտագործող ավելացնելու կարգը, որի համար անհրաժեշտ է գրանցվել Առաջին մուտքը համակարգ էջում նկարագրված եղանակով: Հաջորդիվ օգտագործողներ ավելացնելիս նկարագրված եղանակով գրանցվելուց հետո պետք է Օգտագործողներ մասից ավելացնել համապատասխան էլեկտրոնային հասցեն: Ինչպես նաև ցանկի Օգտագործողի հատկություններ հրամանի միջոցով կարելի է խմբագրել Օգտագործողներին վերաբերող որոշ հատկություններ, օրինակ` Օգտագործողի նկարագրությունը, գաղտնաբառը և այլն: Ամպային տարբերակում Օգտագործողներ բաժնում ավելացվել է նաև Գլխավոր ադմինիստրատոր կարգավիճակը: Նման իրավասություն ունեցող Օգտագործողը հասանեիլություն ունի բացելու Օգտագործողներ էջը: