Ուղղորդիչ:  Հաշվապահություն > Մատյաններ > ՀԴՄ կտրոններ

Մատյանում արտացոլվում են հաշվետու ժամանակաշրջանում համակարգում գրանցված բոլոր Վաճառք (Մանրածախ) փաստաթղթերը: Մատյանում կարող են արտացոլվել նաև Դրամարկղի այն մուտքի և ելքի օրդեր փաստաթղթերը, որոնց համար տպված են համապատասխանաբար կանխավճարի ստացման և կանխավճարի վերադարձի ՀԴՄ կտրոններ:

Այս մատյանը ստեղծելու համար բերվող դիալոգ պատուհանն ունի հետևյալ դաշտերը.

Մատյանի սյուները պարունակում են փաստաթղթի հետևյալ դաշտերի տվյալները.

Մատյանի ընթացիկ տողի փաստաթղթին վերաբերվող գործողություններն են.

•Ավելացնել. ավելացնել նոր փաստաթուղթ:

•Խմբագրել. խմբագրել փաստաթուղթը

•Դիտել տպելու ձևը. դիտել փաստաթղթի տպվող տեսքը:

•Հեռացնել. հեռացնել փաստաթուղթը:

•Պատճենել. ստեղծվում է նոր նմանատիպ փաստաթուղթ` լրացված ընթացիկ փաստաթղթի տվյալներով:

•Պատմություն. բերվում է հաշվետվություն փաստաթղթի գրանցման և խմբագրման վերաբերյալ: Ցուցադրվում է, թե որ Օգտագործողի կողմից, որ համակարգչից և երբ են կատարվել փոփոխությունները:

•Գործառնության հեռացում. հեռացվում են հաշվապահական ձևակերպումները:

•Դարձնել սևագիր. մնացորդները չկարմրելու դեպքում, հաշվառումից հեռացվում են փաստաթղթի գրանցման արդյունքում ստեղծված գործողություններն ու ավտոմատ գործառնությունները, իսկ  փաստաթուղթը հիշվում է Սևագիր վիճակում: Խմբագրման ռեժիմով գրանցված ձևակերպումները պահպանվում են սևագիր ձևակերպումների տեսքով:

•Գրանցել. փաստաթուղթը գրանցվում է հաշվառման մեջ: Ընդ որում հնարավոր է նաև փաստաթուղթը գրանցել իր գումարային  գործառնություններով:

•Ստեղծել փաստաթղթի հիման վրա... համակարգն ունի հնարավորություն` տեղափոխել տվյալները մի տեսակի փաստաթղթից մեկ այլ տեսակի փաստաթղթի մեջ: Օրինակ, կարելի է ստեղծել Վճարման հանձնարարագիր փաստաթուղթ` տեղափոխելով նրա մեջ ավելի շուտ գրանցված Պահեստի մուտքի օրդեր-ի տվյալները:

Գրանցված փաստաթղթի հիման վրա նոր փաստաթուղթ մուտքագրելու համար պետք է բացել փաստաթղթերի մատյանը, որում գտնվում են անհրաժեշտ տեսակի փաստաթղթերը և կոնտեքստային ցանկից ընտրել Ստեղծել փաստաթղթի հիման վրա… հրամանը: Եթե տվյալ տեսակի փաստաթղթի հիման վրա կարելի է ստեղծել մեկից ավելի տեսակի փաստաթղթեր, ապա Էկրանին կհայտնվի փաստաթղթի տեսակն ընտրելու ցուցակ: Ցուցակից անհրաժեշտ է ընտրել նոր մուտքագրվող փաստաթղթի տեսակը, որի արդյունքում կբացվի նոր մուտքագրվող փաստաթղթի պատուհանը և նրա մեջ կպատճենվեն անհրաժեշտ տվյալները հիմք-փաստաթղթից: Նոր մուտքագրվող փաստաթղթի բոլոր տվյալները ենթակա են խմբագրման:

•Վերջին կտրոնի կրկնօրինակ. Այս մատյանի կոնտեքստային ցանկից կարելի է տպել վերջին կտրոնի կրկնօրինակը:

•Խմբագրել ՀԴՄ կտրոնի N-ը. Հնարավորություն է տալիս խմբագրել ՀԴՄ սարքից հերթական համար չստացած փաստաթղթի ՀԴՄ կտրոնի համարը: Հերթական համար չստացած փաստաթղթին ծրագրում վերագրվում է XXXXXXXX արժեքը: Հնարավորությունը կարելի է կիրառել, եթե Օգտագործող-ի վրա դրված է համապատասխան հայտանիշը:

Մատյանի վերնագիրը պարունակում է հաշվետու ժամանակահատվածը: Ցանկացած պահի թարմացնել (CTRL+R) սեղմելով` կստանաք նոր, թարմացված մատյանն ըստ այդ ժամանակահատվածի: