Գնումներ > Փաստաթղթեր > Պահեստի մուտքի օրդեր (Ներմուծում)

Պահեստի մուտքի օրդեր (Ներմուծում) փաստաթուղթն օգտագործվում է ներմուծվող ապրանքները մեծածախ պահեստ մուտքագրելու և մաքսավճարի ու մաքսատուրքի վերաբերյալ տվյալները գրանցելու համար։ Փաստաթղթի գրանցումը կատարվում է պատուհանի միջոցով, որը բաղկացած է 3 էջերից` Ընդհանուր, Ապրանքների ցուցակ և Լրացուցիչ։

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Պահեստի մուտքի օրդեր (Ներմուծում) փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Պահեստի մուտքի օրդեր (Ներմուծում) փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Ձեռքբերման ինքնարժեքի հաշվարկ	Բացվում է մանրամասն տեղեկատվություն ձեռքբերված ապրանքների ինչպես ընդհանուր, այնպես էլ միավորի հաշվով ինքնարժեքի վերաբերյալ: Գումարները ներկայացվում են դրամով և առանց ԱԱՀ-ի:
Պահեստ	Մեծածախ պահեստը, որտեղ մուտքագրվում են ապրանքները:
Գծիկավոր կոդ (F2)	Ապրանքի գծիկավոր կոդը, օգտագործվում է անվանացուցակում նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Ընդհանուր էջի տեսքը հետևյալն է.

Purchases_Documents_IncomeImport1

Դաշտ	Նշանակություն
Խումբ	Եթե դաշտի արժեքը լրացված է, ապա գործընկերների ցուցակից կարելի է ընտրել միայն տվյալ խմբին պատկանող մատակարարին։
Մատակարար	Լրացվում է մատակարարը: Եթե Գործընկերներ տեղեկատուում տվյալ մատակարարը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը:
Պայմանագիր	Գործընկերոջ հետ ունեցած պայմանագրերից որևէ մեկի կոդն է։ Համակարգն ավտոմատ առաջարկում է հիմնական պայմանագիրը։ Մատակարար դաշտի լրացված լինելու դեպքում, այս դաշտը պարտադիր լրացվող է, հակառակ դեպքում այն փակ է։
Գումար	Այս դաշտը խմբագրման ենթակա չէ: Համակարգը Ընդհանուր գումար դաշտի արժեքը վերահաշվարկում է ըստ Արժույթ դաշտում լրացված արժույթի և ստացված գումարը լրացնում է այս դաշտում։
Պարտք	Այս դաշտը խմբագրման ենթակա չէ, այստեղ պատկերվում է գործընկերոջ վերջնական պարտքը նշված պայմանագրի արժույթով։ Դաշտի արժեքը թարմացնելու համար նախատեսված է կոճակը։
Արժույթ	Այս դաշտը խմբագրման ենթակա չէ, այստեղ ավտոմատ լրացվում է ընտրված պայմանագրի արժույթը։ Եթե մատակարարը լրացված չէ, այս դաշտը դատարկ է մնում։
Խումբ	Եթե դաշտի արժեքը լրացված է, ապա Մաքսատուն դաշտում գործընկերների ցուցակից կարելի է ընտրել միայն տվյալ խմբին պատկանող գործընկերոջը:
Մաքսատուն	Լրացվում է մաքսատունը, որտեղ կատարվել է ապրանքների մաքսազերծումը։: Եթե Գործընկերներ տեղեկատուում տվյալ մաքսատունը գրանցված չէ, այն կարելի է ավելացնել անմիջապես այս պատուհանից` սեղմելով կոճակը: Գործընկերոջ տվյալները խմբագրելու համար սեղմել կոճակը:
Պայմանագիր	Մաքսատան հետ ունեցած դրամային պայմանագրերից որևէ մեկի կոդն է։ Համակարգն ավտոմատ առաջարկում է հիմնական պայմանագիրը և ստուգում է, որ այն լինի դրամային։ Մաքսատուն դաշտը լրացված լինելու դեպքում, այս դաշտը պարտադիր լրացվող է, հակառակ դեպքում այն փակ է։
Գումար	Այս դաշտը խմբագրման ենթակա չէ։ Համակարգը Մաքսավճարի, Մաքսատուրք և Գումար ԱԱՀ դաշտերի հանրագումարը լրացնում է այս դաշտում։
Պարտք	Այս դաշտը խմբագրման ենթակա չէ, այստեղ պատկերվում է գործընկերոջ վերջնական պարքտը նշված պայմանագրի արժույթով։ Դաշտի արժեքը թարմացնելու համար նախատեսված է կոճակը։
Արժույթ	Այս դաշտը խմբագրման ենթակա չէ, այստեղ ավտոմատ լրացվում է AMD արժույթը։ Եթե Մաքսատուն դաշտը լրացված չէ, այս դաշտը դատարկ է մնում։
Մաքսավճար (դրամ)	Նշվում է մաքսավճարի գումարը` արտահայտված դրամով։
Հ/Ա-ի համար	Լրացվում է մատակարար կազմակերպության կողմից դուրս գրված հաշիվ-ապրանքագրի համարը։
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։
Հեղինակ	Նշվում է Փաստաթուղթը ստեղծող Օգտագործողը: Դաշտը առկա է և ենթակա է խմբագրման, եթե Օգտագործողի Փաստաթղթերի դրույթներում նշված չէ Սահմանափակել աշխատանքը այլ օգտագործողներին պատկանող փաստաթղթերի հետ դրոշակը:

Ապրանքների ցուցակ էջի տեսքը հետևյալն է.

Purchases_Documents_IncomeImport2

Դաշտ	Նշանակություն
Արժույթ	Փաստաթղթի արժույթն է։ Նշենք ապրանքների ինքնարժեքների հաշվառման մի յուրահատկություն։ Համակարգում ինքնարժեքները զուգահեռ հաշվառվում են դրամով` առանց ԱԱՀ-ի, դրամով` ներառյալ ԱԱՀ-ն և որևիցե արտարժույթով` նույնպես ներառյալ ԱԱՀ-ն։ Վերոնշյալ արտարժույթը սահմանվում է համակարգը շահագործելուց առաջ` Դրույթներ պատուհանի Ընդհանուր էջում գտնվող Ապրանքների արժույթ դաշտում։ Սա նշանակում է, որ անկախ ձեռքբերման փաստաթղթի արտարժույթից, ապրանքների ինքնարժեքները գրանցվում են դրամով և կառավարչական արժույթով։
Արտարժույթի փոխարժեք	Համակարգն ավտոմատ լրացնում է Արտարժույթի փոխարժեքներ տեղեկատուում տվյալ արտարժույթի համար վերջին գրանցված փոխարժեքը։ Այս դաշտը խմբագրման ենթակա չէ, եթե Փաստաթղթի արժույթ դաշտում լրացված է AMD։
Առ	Ավտոմատ լրացվում է համակարգի կողմից, ցույց է տալիս թե արտարժույթի քանի միավորի համար է սահմանված փոխարժեքը: Խմբագրման ենթակա չէ, եթե Արժույթ դաշտում լրացված է AMD:
Գնի տեսակ	Նշվում է, թե ապրանքները մուտքագրելիս համակարգն ինչ տեսակի գներ առաջարկի։ Եթե Ընդհանուր էջի Մատակարար դաշտը լրացված է, և ընտրված պայմանագրում նշված է գնի տեսակը, ապա համակարգն ավտոմատ կլրացնի այդ գնի տեսակը:
Գումար	Այս դաշտը խմբագրման ենթակա չէ։ Համակարգն այս դաշտում ավտոմատ լրացնում է ձեռքբերվող ապրանքների ընդհանուր գումարը մատակարարի կողմից դուրս գրված փաստաթղթի արժույթով:
Մաքսատուրք (AMD)	Այս դաշտը խմբագրման ենթակա չէ։ Համակարգն հաշվարկում և լրացնում է ապրանքների ցուցակի Մաքսատուրք սյան հանրագումարը արտահայտված դրամով:
Գումար ԱԱՀ (AMD)	Այս դաշտը խմբագրման ենթակա չէ։ Համակարգն հաշվարկում և լրացնում է ապրանքների ցուցակի Գումար ԱԱՀ սյան հանրագումարը արտահայտված դրամով:

Ապրանքների ցուցակ աղյուսակում լրացվում են ձեռք բերվող ապրանքների կոդը, անվանումը, չափման միավորը, քանակը, ձեռք բերման գինը և գումարը, մաքսային արժեքը, մաքսատուրքի տոկոսը, մաքսատուրքը, խմբաքանակի հատկությունները և ԱԱՀ-ի տոկոսադրույքն ու գումարը։

Ելնելով ձեռքբերման գնից` մաքսային արժեքը վերահաշվարկվում է դրամային համարժեքի։ Ելնելով մաքսային արժեքից և տոկոսից` հաշվարկվում է մաքսատուրքը։

Ելնելով մաքսային արժեքից և մաքսատուրքից` հաշվարկվում է ԱԱՀ-ի գումարը։ Օգտագործողը հնարավորություն ունի խմբագրել ավտոմատ հաշվարկաված մաքսային արժեքը, մաքսատուրքը և ԱԱՀ-ի գումարը։

Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ:

Ապրանքների ցուցակ աղյուսակում առանձին սյուներով վերջին ձեռքբերման գինը և տվյալ մուտքի ձեռքբերման գնի հետ հարաբերության %-ը տեսնելու համար անհրաժեշտ է փաստաթղթի կարգավորումներում նշել Ցույց տալ "Վերջին ձեռքբերման գին" սյունը դրոշակը:

Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Փաստաթղթի Անվանացուցակում տողեր կարելի է ներմուծել տեքստային ֆայլից։ Դրա համար փաստաթղթի Ժապավենի Այլ բաժնից պետք է ընտրել Ապրանքների ցուցակի ներմուծում հրամանը և նշել տեքստային ֆայլը։ Ապրանքների նույնականացումը կատարվում է գծիկավոր կոդի հիման վրա։ Տեքստային ֆայլը պետք է ունենա *.txt կամ *.dat ընդլանում և պարունակի հետևյալ ֆորմատի տողեր` P; <Ապրանքի գծիկավոր կոդ>; <Քանակ>։ Օրինակ`
P; 123456780001; 10
P; 123456780002; 5
P; 123456780003; 1.5

Ապրանքների ցուցակ էջի ներքևի հատվածում Ընթացիկ տողի վահանակն է, որտեղ կարող են ցուցադրվել աղյուսակում ընթացիկ ապրանքի նկարը, մնացորդը (փաստաթղթում նշված պահեստում, ինչպես նաև ընդհանուր բոլոր պահեստներում), բնութագիրը: Ընթացիկ տողի վահանակի հետ կապված կարգավորումները տրվում են օգտագործողի փաստաթղթերի դրույթներից:

Լրացուցիչ էջի տեսքը հետևյալն է.

Purchases_Documents_IncomeImport3

Այս էջում լրացվում են ձեռքբերման հետ կապված լրացուցիչ տվյալներ, որոնք օգտագործվում են փաստաթղթի տպվող ձևերում։

Դաշտ	Նշանակություն
Լիազորագիր	Լիազորագրի համարը:
Միջնորդ	Լրացվում է միջնորդը, այն կարելի է ընտրել Աշխատակիցներ տեղեկատուից:
Ավտ/Բեռնարկղ	Ավտո բեռնարկղի համարը:
Գլխավոր հաշվապահ	Գլխավոր հաշվապահի Ա.Ա.Հ., լրացվում է համակարգի դրույթներից, կարելի է խմբագրել:
Թույլատրեց	Թույլատրողի Ա.Ա.Հ., այն կարելի է ընտրել Աշխատակիցներ տեղեկատուից:
Ընդունեց	Նյութական պատասխանատու անձը, այն կարելի է ընտրել Աշխատակիցներ տեղեկատուից:

Նշում
Պահեստի մուտքի օրդեր (ներմուծում) փաստաթուղթը կարելի է ներմուծել MS Excel-ի IncomeImportGroupImport.xlsm ֆայի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Trade\Import):