Ապրանքների հաշվառում > Փաստաթղթեր > Ապրանքների տեղաշարժեր պահեստների միջև

Ապրանքների տեղաշարժ պահեստների միջև փաստաթուղթն օգտագործվում է պահեստների միջև ապրանքների տեղափոխման գործընթացում:

Փաստաթուղթը համակարգում տեսանելի է, եթե նշված է Դրույթների Ընդհանուր էջի Պահեստների հաշվառում ստուգավանդակը:

Փաստաթղթի Գլխավոր մասը պարունակում է հետևյալ դաշտերը.

Դաշտ	Նշանակություն
Փաստաթղթի N	Ապրանքների տեղաշարժ պահեստների միջև փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Ընդ որում՝ նոր փաստաթուղթ ավելացնելիս դաշտի արժեքը առաջարկվում է դատարկ, որը չփոփոխելու դեպքում փաստաթուղթը հիշելիս գրանցվում է ծրագրային հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ բաժնում:
Ամսաթիվ	Ապրանքների տեղաշարժ պահեստների միջև փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Պահեստ ելքի	Պահեստը, որտեղից ելքագրվում են ապրանքները: Դաշտը տեսանելի է, եթե նշված է Դրույթների Ընդհանուր էջի Պահեստների հաշվառում ստուգավանդակը:
Պահեստ մուտքի	Պահեստը, որտեղ մուտքագրվում են ապրանքները: Դաշտը տեսանելի է, եթե նշված է Դրույթների Ընդհանուր էջի Պահեստների հաշվառում ստուգավանդակը:
Հանձնող	Ելքի պահեստի պահեստապետի Անուն Ազգանունը: Արժեքը կարող է ավտոմատ լրացվել Պահեստ տեղեկատուից։
Ընդունող	Մուտքի պահեստի պահեստապետի Անուն Ազգանունը: Արժեքը կարող է ավտոմատ լրացվել Պահեստ տեղեկատուից։
Ավտոմեքենա	Ավտոմեքենան, որի միջոցով իրականացվում է տեղաշարժը: Կարող է ընդունել արժեքներ Ավտոմեքենաներ տեղեկատուից։
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից։
Գնացուցակի տեսակ	Լռությամբ առաջարկվում է Ընդհանուր էջում նշված Գնորդին կցված Գնացուցակի տեսակը։ Դաշտի արժեքը հնարավոր է խմբագրել, եթե տվյալ օգտագործողի համար Դրույթների Իրավասություններ և ստուգումներ բաժնի Գնացուցակի տեսակի խմբագրման իրավասությունը Վաճառքի համար տրված է:
Այլ համակարգ ուղարկման վիճակ	Ապրանքների տեղաշարժ պահեստների միջև փաստաթղթի` այլ համակարգ ուղարկման վիճակը: Կարող է ընդունել 2 արժեք՝ Պատրաստ է ուղարկման կամ Ուղարկված է։
Հարկային փաստաթղթի տվյալներ	Ապրանքների տեղաշարժ պահեստների միջև փաստաթղթի` հարկային ծրագիր արտահանված լինելու հայտանիշը: Փաստաթուղթը հարկային ծրագիր արտահանելիս ստուգավանդակն ավտոմատ կնշվի: Սերիա և համար և Դուրս գրման ամսաթիվ դաշտերը հնարավոր է ավտոմատ լրացնել Դուրս գրված հաշիվների սերիայի և համարի արտացոլման միջոցով։
Գծիկավոր կոդ (F2)	Ապրանքի գծիկավոր կոդը: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Ապրանքների տեղաշարժ պահեստների միջև փաստաթղթի տեսքը հետևյալն է.

ProductsMove

Ապրանքներ ցուցակում լրացվում է գնացուցակի տեսակը, տեղափոխվող ապրանքի կոդը, անվանումը, չափման միավորը, քանակը, քանակը լրացուցիչ չափման միավորով, գինը, գումարը և լրացուցիչ տեղեկություն: Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու և ապրանքների ցուցակից ապրանքներ ավելացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Տարաներ էջի տեսքը հետևյալն է.

ProductsMove_Containers

Տարաներ աղյուսակում լրացվում է տեղափոխվող տարայի կոդը, անվանումը, չափման միավորը, քանակը, քանակը լրացուցիչ չափման միավորով, գինը, գումարը և լրացուցիչ տեղեկություն։ Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու և ապրանքների ցուցակից ապրանքներ ավելացնելու կոճակները: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Ապրանքների տեղաշարժեր պահեստների միջև թղթապանակի ընթացիկ տողին վերաբերող գործողություններն են․

•Ավելացնել. ավելացնել նոր փաստաթուղթ:

•Բացել. բացել/խմբագրել փաստաթուղթը:

•Դիտել տպելու ձևը. դիտել փաստաթղթի տպվող տեսքը:

•Հեռացնել. հեռացնել փաստաթուղթը:

•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:

•Պատմություն. բերվում է հաշվետվություն փաստաթղթի գրանցման և խմբագրման վերաբերյալ։

•Դարձնել սևագիր/Գրանցել. հաշվառումից հեռացվում են/հաշվառման մեջ ներառվում են փաստաթղթի գրանցման արդյունքում ստեղծված գործողությունները և փաստաթուղթը հիշվում է Սևագիր/Գրանցված վիճակում:

•Արտահանել հարկային ծրագիր․ Ապրանքների տեղաշարժ(եր)ն պահեստների միջև փաստաթղթերը հնարավոր է(են) անմիջապես արտացոլել հարկային մարմնի е-Invoicing ծրագրում կամ արտահանել XML ֆորմատով ֆայլ(եր)ի տեսքով, որն այնուհետև կարող է ներմուծվել e-Invoicing ծրագիր:

•Արտահանել այլ համակարգ. Ապրանքների տեղաշարժեր պահեստների միջև փաստաթղթերն արտահանվում է(են) Excel ֆայլ(եր)ի տեսքով, որն այնուհետև կարող է ներմուծվել ՀԾ-Զեռնարկություն, ՀԾ-Հաշվապահ, ՀԾ-Առևտուր համակարգեր:

Նշում

Ապրանքների տեղաշարժ պահեստների միջև փաստաթուղթը կարելի է ներմուծել MS Excel-ի ProductsMoveBetweenStorages.xlsm ֆայլի միջոցով, որը գտնվում է ImportTemplates գրադարանում (Օրինակ՝ C:\Program Files (x86)\Armenian Software\AS-Sales Management 7\ImportTemplates):