Տեղեկատուի միջոցով ծրագրում հնարավոր է սահմանել մեկից ավել պահեստներ և իրականացնել դրանց հաշվառումը։ Պահեստներ տեղեկատուն տեսանելի է, եթե նշված է ծրագրի Դրույթների Ընդհանուր էջի Պահեստների հաշվառում ստուգավանդակը։ Տեղեկատուում տողերի մուտքագրման, խմբագրման և հեռացման գործողությունները նկարագրված են Աշխատանք տեղեկատուների հետ բաժնում:
Պահեստներ տեղեկատուն ունի հետևյալ դաշտերը.
Դաշտ |
Նշանակություն |
Կոդ |
Պահեստի կոդը։ Պարտադիր լրացվող դաշտ է։ Համակարգն ավտոմատ առաջարկում է այս տեղեկատուի հերթական կոդը։ |
Անվանում |
Պահեստի անվանումը։ Պարտադիր լրացվող դաշտ է։ |
Պահեստապետ |
Տվյալ պահեստի Պահեստապետի անուն, ազգանուն, հայրանունը: Արժեքն ավտոմատ կլրացվի Ապրանքների հաշվառում ենթահամակարգի բոլոր փաստաթղթերի Հանձնող/Ընդունող դաշտում՝ Պահեստը նշելիս։ |
Հասցե |
Պահեստի հասցեն։ |
Արտաքին կոդ |
Պահեստի արտաքին կոդը (այլ համակարգում ունեցած կոդը), որն օգտագործվում է փաստաթղթերը մեկ այլ համակարգ ուղարկելու և այլ համակարգերից փաստաթղթեր ստանալու գործընթացում։ |
Ապրանքի մնացորդի ստուգում |
Սահմանում է տվյալ պահեստում ապրանքի մնացորդի ստուգման եղանակը։ 0 արժեքի դեպքում պահեստում ապրանքային շարժի փաստաթղթերը ստեղծելիս չի ստուգվում ապրանքի մնացորդը, 1 արժեքի դեպքում գալիս է զգուշացնող հաղորդագրություն, 2 արժեքի դեպքում պահեստում ապրանքի մնացորդը ստուգվում է խիստ և չի թույլատրվում ապրանքի բացասական մնացորդ։ Դաշտում որևէ արժեք նշված չլինելու դեպքում տվյալ պահեստում ապրանքի մնացորդի ստուգումն իրականացվում է ըստ Դրույթներ → Իրավասությունների և ստուգումներ բաժնի Պահեստում ապրանքի մնացորդի ստուգում պարամետրի։ |
Փակվել է |
Պահեստի՝ փակված լինելու հայտանիշը։ Ստուգավանդակը նշելու դեպքում մուտքագրման դաշտերի լրացման ժամանակ Պահեստն ընտրման ցուցակում չի առաջարկվի: |
Տեղեկատուի կոնտեքստային ցանկում կան հետևյալ հրամանները.
•Ավելացնել. ավելացնել նոր տեղեկատու:
•Բացել. բացել/խմբագրել տեղեկատուն:
•Հեռացնել. հեռացնել տեղեկատուն:
•Պատճենել. ստեղծել նոր նմանատիպ տեղեկատու` ընթացիկ տեղեկատուի տվյալներով լրացված:
•Հասանելիություն ըստ օգտագործողների. տվյալ պահեստին հասանելի Օգտագործողների ցանկը, որը հնարավոր է խմբագրել։