Հաշվետվությունում արտացոլվում են ապրանքների մնացորդները նշված ժամանակահատվածի սկզբում և վերջում, ինչպես նաև այդ ժամանակահատվածում մնացորդների փոփոխությունները: Ապրանքների մնացորդի աճին նպաստում են Մուտք և Վերադարձ, իսկ նվազմանը` Ելք և Տրամադրում գործողությունները:
Հաշվետվությունը ստեղծելու համար բերվող երկխոսության պատուհանն ունի հետևյալ դաշտերը.
Դաշտ |
Նշանակություն |
Ժամանակահատված |
Ամսաթիվ տիպի դաշտերի զույգ է: Դաշտի արժեքը լրացված լինելու դեպքում հաշվետվության մեջ երևում է միայն նշված ժամանակահատվածում ապրանքների շրջանառությունը: |
Պահեստ |
Կարելի է նշել մեկ կամ մի քանի պահեստ: Դաշտին կից ընտրման ցուցակում առաջարկվում են Տեղեկատուների ձևավորում ենթահամակարգի Պահեստներ տեղեկատուում սահմանված արժեքները։ Դաշտի արժեքը լրացված լինելու դեպքում հաշվետվությունում արտացոլվում են տվյալ, հակառակ դեպքում` բոլոր պահեստներում ապրանքների շրջանառությունը: Դաշտը տեսանելի է, եթե նշված է Դրույթների Ընդհանուր էջի Պահեստների հաշվառում ստուգավանդակը: |
Ապրանք |
Կարելի է նշել մեկ կամ մի քանի ապրանք: Դաշտին կից ընտրման ցուցակում առաջարկվում են Տեղեկատուների ձևավորում ենթահամակարգի Ապրանքներ տեղեկատուում սահմանված արժեքները։ Դաշտի արժեքը լրացված լինելու դեպքում հաշվետվությունում արտացոլվում է միայն տվյալ, հակառակ դեպքում` բոլոր Ապրանքների շրջանառությունը: |
Ապրանքի խումբ |
Կարելի է նշել մեկ կամ մի քանի ապրանքի խումբ: Դաշտին կից ընտրման ցուցակում առաջարկվում են Տեղեկատուների ձևավորում ենթահամակարգի Ապրանքի խմբեր տեղեկատուում սահմանված արժեքները։ Դաշտի արժեքը լրացված լինելու դեպքում հաշվետվությունում արտացոլվում է միայն տվյալ, հակառակ դեպքում` բոլոր ապրանքի խմբերին պատկանող Ապրանքների շրջանառությունը: |
Ցույց տալ նաև քանակներն ըստ լրացուցիչ չ/մ-ի |
Ստուգավանդակը նշելու դեպքում հաշվետվության մեջ մնացորդային սյուների համար կավելանան նաև Լրացուցիչ չափման միավոր, Քանակ լրացուցիչ չափման միավորով, Լրացուցիչ չափման միավորի ամբողջական մաս և Լրացուցիչ չափման միավորի մնացորդային մաս սյուները: |
Ցույց տալ գներն ըստ գնացուցակի |
Ստուգավանդակը նշելու դեպքում անհրաժեշտ է կից ընտրման ցուցակից ընտրել Գնացուցակի տեսակ և նշել Ամսաթիվ, որի արդյունքում հաշվետվությունում կավելանան են Գին և Գումար սյուները, որոնք հաշվարկում են ըստ ֆիլտրման պատուհանում նշված Գնացուցակի տեսակի և Ամսաթվի։ |
Հաշվետվության ընթացիկ տողին վերաբերող գործողություններն են.
•Դիտել քաղվածքը. դիտել ընթացիկ տողի Քաղվածքը: