Հաշվետվությունը նախատեսված է կոնկրետ ժամանակահատվածում ապրանքների քանակային ընդհանուր շարժի վերաբերյալ քաղվածքը ստանալու համար: Հաշվետվությունը ստեղծելու համար բերվող երկխոսության պատուհանն ունի հետևյալ դաշտերը.
Դաշտ |
Նշանակություն |
Ժամանակահատված |
Պարտադիր լրացվող Ամսաթիվ տիպի դաշտերի զույգ է: Հաշվետվության մեջ երևում է նշված ժամանակահատվածում նշված ապրանքի քաղվածքը: |
Ապրանք |
Պարտադիր լրացվող դաշտ է: Դաշտին կից ընտրման ցուցակում առաջարկվում են Տեղեկատուների ձևավորում ենթահամակարգի Ապրանքներ տեղեկատուում սահմանված արժեքները։ Հաշվետվության մեջ երևում է նշված ժամանակահատվածում նշված ապրանքի քաղվածքը: |
Պահեստ |
Կարելի է նշել մեկ պահեստ։ Դաշտին կից ընտրման ցուցակում առաջարկվում են Տեղեկատուների ձևավորում ենթահամակարգի Պահեստներ տեղեկատուում սահմանված արժեքները։ Դաշտի արժեքը լրացված լինելու դեպքում հաշվետվությունում արտացոլվում են միայն տվյալ պահեստ(ներ)ի, հակառակ դեպքում` բոլոր պահեստների վերաբերյալ ապրանքների ընդհանրացված քաղվածքը։ Պահեստ դաշտը տեսանելի է, եթե ծրագրի Դրույթների Ընդհանուր էջի Պահեստների հաշվառում ստուգավանդակը նշված է։ |
Ցույց տալ մնացորդն օրվա վերջում |
Ստուգավանդակը նշելու դեպքում Քաղվածքում յուրաքանչյուր օրվա վերջում կնշի տվյալ օրվա դրությամբ Ապրանքի քանակային մնացորդը: |
Հաշվետվության ընթացիկ տողին վերաբերող գործողություններն են.
•Բացել. բացել/խմբագրել ընթացիկ փաստաթուղթը:
•Դիտել տպելու ձևը. դիտել ընթացիկ փաստաթղթի տպվող տեսքը:
•Հեռացնել. հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Բացել թղթապանակը. բացել տվյալ փաստաթղթի թղթապանակը։