Ուղղորդիչ:  Առաջին մակարդակ Աշխատանք տեղեկատուների հետ

Համակարգում նախատեսված են մի շարք տեղեկատուներ, որոնք հիմնականում օգտագործվում են մուտքագրման դաշտերի լրացման ժամանակ և հեշտացնում են օգտագործողի աշխատանքը:  Տեղեկատուներն արտացոլվում են տարբեր փաստաթղթերում և այլ տեղեկատուներում:

Տեղեկատուների ցանկերը կարելի է բացել.

•Ուղղորդչից ընտրելով համապատասխան ենթահամակարգը և տեղեկատուն,

•Գլխավոր էջից ընտրելով համապատասխան ենթահամակարգը և տեղեկատուն:

 

Համակարգի հիմնական տեղեկատուներն են.

•Հաշվային պլան

•Գործընկերներ

•Նյութական արժեքներ

•Տիպային գործողություններ

•Աշխատակիցներ

•Հիմնական միջոցներ

 

Ստորև նկարագրված են հիմնական տեղեկատուների բաժինները.

 

 

Արագ հասանելիության վահանակ: Պատուհանի վերևի մասում երևում են հաճախ օգտագործվող գործողությունները`

•Հիշել (CTRL+S)

•Հիշել և փակել (CTRL+ENTER)

•Հիշել և նոր (CTRL+K)

 

Այս վահանակը կարելի է ցուցադրել Ժապավենի վերևում կամ ներքևում` Բերել արագ հասանելիության վահանակը ներքևում/վերևում հրամանի միջոցով:

 

Ժապավեն: Ժապավենը, ինչպես գլխավոր պատուհանը, պարունակում է կոճակներ և էջեր, որոնք ակտիվ են կախված նրանից, թե օգտագործողը փաստաթղթում որտեղ է գտնվում  և ինչ գործողություն է կատարում:

 

Գլխավոր մաս: Այս հատվածում տեղադրված դաշտերը երևում են անկախ ընտրված էջից: Այս մասում է գտնվում Կոդ դաշտը: Նոր տեղեկատուին համակարգն ավտոմատ վերագրում է կոդ, որը մեկով ավելի է նախորդ գրանցված տեղեկատուի կոդից: Հիմնական տեղեկատուներում կա կոդը խմբագրելու հնարավորություն:

 

Էջեր: Տեղեկատուի պատուհանը կարող է կազմված լինել մեկ կամ մի քանի էջերից: Տեղեկատվությունն ըստ բովանդակության լրացվում է առանձնացված էջերում: Տվյալները մուտքագրելու համար անհրաժեշտ է ընտրել համապատասխան էջը:

 

Կարգավիճակի վահանակ։ Կարգավիճակի վահանակում ցուցադրվում են տեղեկատուի տողերի քանակը և ընթացիկ տողի համարը։ Այստեղ երևում է նաև տեղեկատուի կարգավիճակը։

 

Գործընկերների, Նյութական արժեքների, Ծառայությունների, Աշխատակիցների գրառումների փոփոխությունների պատմությունը կարելի է տեսնել կոնտեքստային ցանկի Պատմություն հրամանի միջոցով:

 

Մյուս տեղեկատուները օժանդակ տեղեկատուներ են, դրանք հիմնականում օգտագործվում են այլ տեղեկատուներ լրացնելիս: Դրանք ավելի պարզ են, չունեն Ժապավենային մաս և գրանցվում են Կատարել կոճակի միջոցով: