Դաշտ

Նշանակություն

Կոդ

Հաշվարկային հաշվի կոդը։ Նոր ավելացվող հաշվարկային հաշվի համար, որպես հերթական կոդ, համակարգն ավտոմատ առաջարկում է հաջորդը, որը հաշվարկվում է վերջին ավելացված հաշվարկային հաշվի կոդից։ Այս դաշտը խմբագրման ենթակա չէ։

Հաշվարկային հաշիվ

Բանկում կազմակերպության կողմից բացված հաշվի համարը։ Այն կիրառվում է Վճարման հանձնարարագիր, Բանկի մուտք, Բանկի ելք և Վաճառք (Հաշիվ-Ապրանքագիր) փաստաթղթերը գրանցելիս։

Անվանում

Հաշվարկային հաշվի անվանումը։ Այն կառաջարկվի ընտրման ցուցակներում, երբ անհրաժեշտ է ընտրել հաշվարկային հաշիվ։

Արժույթ

Հաշվարկային հաշվի արժույթը։ Ընդունում է արժեքներ Արտարժույթներ տեղեկատուից։

Հերթական Վճ. Հանձ. համար

Հերթական վճարման հանձնարարագրի համարն է։ Հերթական վճարման հանձնարարագիրը գրանցվում է այս համարով, այնուհետև այս դաշտի արժեքը փոխարինվում է նոր համարով, որը հաշվարկվում է վերջին գրանցված փաստաթղթի համարից։ Այս դաշտի դատարկ լինելու դեպքում` հերթական վճարման հանձնարարգիրը գրանցելիս` համակարգն առաջարկվում է ցանկի Դրույթներ պատուհանի Փաստաթղթերի համարներ էջում մուտքագրված հերթական վճարման հանձնարարագրի համարը։

Հիմնական

Դրոշակ տիպի դաշտ է, որի միջոցով նշվում է` տվյալ հաշվարկային հաշիվը հիմնական է, թե` ոչ։ Բանկերում կազմակերպության կողմից բացված հաշիվներից միայն մեկը կարող է լինել հիմնական։

Էլ. սպասարկման միջոց

Բանկերի հետ հեռահար էլեկտրոնային սպասարկման միջոցի անվանումը` ՀԾ-ԻնտերնետԲանկ կամ ՀԾ-ԿլիենտԲանկ:

Չի թույլատրվում հեռացնել այն հաշվարկային հաշիվները, որոնցով գործողություն է գրանցված։