Ապրանքների վերադարձ առաքիչից փաստաթուղթն օգտագործվում է առաքիչից ապրանքները պահեստ վերադարձնելու գործընթացում: Այն հնարավոր է ստեղծել ինչպես Ապրանքների վերադարձեր առաքիչին թղթապանակից, այնպես էլ Ըստ Առաքիչի Ապրանքների մնացորդներ հաշվետվության կոնտեքստային ցանկից: Փաստաթղթի ստեղծման արդյունքում Առաքիչի ապրանքային մնացորդները նվազում են վերադարձվող ապրանքների քանակներով: Ապրանքների վերադարձ առաքիչից փաստաթղթի գրանցման պատուհանը ծրագրում բաղկացած է 3 էջից՝ Ապրանքներ, Տարաներ և Լրացուցիչ։
Փաստաթղթի Գլխավոր մասը պարունակում է հետևյալ դաշտերը.
Դաշտ |
Նշանակություն |
Փաստաթղթի N |
Ապրանքների վերադարձ առաքիչից փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ բաժնում: |
Ամսաթիվ |
Ապրանքների վերադարձ առաքիչից փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը: |
Պահեստ |
Պահեստը, որտեղ մուտքագրվում են առաքիչից վերադարձվող ապրանքները: Դաշտը տեսանելի է, եթե նշված է Դրույթների Ընդհանուր էջի Պահեստների հաշվառում ստուգավանդակը: |
Առաքիչ |
Առաքիչը, ումից վերադարձվում են ապրանքները: |
Ավտոմեքենա |
Ավտոմեքենան, որից վերադարձվում են ապրանքները: Առաքիչ դաշտը լրացնելու դեպքում ավտոմատ լրացվում է նրան կցված ավտոմեքենաներից հիմնականը: |
Ընդունող |
Մուտքի պահեստի պահեստապետի Անուն Ազգանունը: Եթե Դրույթների Ընդհանուր էջի Պահեստների հաշվառում ստուգավանդակը նշված չէ, արժեքը լրացվում է Դրույթների Կազմակերպության տվյալներ բաժնի Պահեստապետ դաշտից, հակառակ դեպքում՝ Պահեստ տեղեկատուից։ |
Մեկնաբանություն |
Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից։ |
Գնացուցակի տեսակ |
Լռությամբ առաջարկվում է Ընդհանուր էջում նշված Գնորդին կցված Գնացուցակի տեսակը։ Դաշտի արժեքը հնարավոր է խմբագրել, եթե տվյալ օգտագործողի համար Դրույթների Իրավասություններ և ստուգումներ բաժնի Գնացուցակի տեսակի խմբագրման իրավասությունը Վաճառքի համար տրված է: |
Գծիկավոր կոդ (F2) |
Ապրանքի գծիկավոր կոդը: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ: |
Ապրանքներ էջի տեսքը հետևյալն է.
Ապրանքներ աղյուսակում լրացվում է գնացուցակի տեսակը, վերադարձման ենթակա ապրանքի կոդը, անվանումը, չափման միավորը, վերադարձման ենթակա քանակները, քանակը լրացուցիչ չափման միավորով, գինը, գումարը և լրացուցիչ տեղեկություն:
Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու և ապրանքների ցուցակից ապրանքներ ավելացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:
Տարաներ էջի տեսքը հետևյալն է.
Տարաներ աղյուսակում լրացվում է վերադարձման ենթակա տարայի կոդը, անվանումը, չափման միավորը, քանակը, քանակը լրացուցիչ չափման միավորով, գինը, գումարը և լրացուցիչ տեղեկություն։ Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու և ապրանքների ցուցակից ապրանքներ ավելացնելու կոճակները: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:
Լրացուցիչ էջի տեսքը հետևյալն է.
Լրացուցիչ էջը պարունակում է հետևյալ դաշտերը.
Դաշտ |
Նշանակություն |
Այլ համակարգ ուղարկման վիճակ |
Փաստաթղթի այլ համակարգ ուղարկման վիճակը: Կարող է ընդունել 2 արժեք՝ Պատրաստ է ուղարկման կամ Ուղարկված է։ |
Հարկային փաստաթղթի տվյալներ |
Փաստաթղթի` հարկային ծրագիր արտահանված լինելու հայտանիշը: Փաստաթուղթը հարկային ծրագիր արտահանելիս ստուգավանդակն ավտոմատ կնշվի: Սերիա և համար և Դուրս գրման ամսաթիվ դաշտերը հնարավոր է ավտոմատ լրացնել Դուրս գրված հաշիվների սերիայի և համարի արտացոլման միջոցով։ |
Ապրանքների վերադարձեր առաքիչից թղթապանակի ընթացիկ տողին վերաբերող գործողություններն են․
•Ավելացնել. ավելացնել նոր փաստաթուղթ:
•Բացել. բացել/խմբագրել փաստաթուղթը:
•Դիտել տպելու ձևը. դիտել փաստաթղթի տպվող տեսքը:
•Հեռացնել. հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Պատմություն. բերվում է հաշվետվություն փաստաթղթի գրանցման և խմբագրման վերաբերյալ։
•Դարձնել սևագիր/Գրանցել. հաշվառումից հեռացվում են/հաշվառման մեջ ներառվում են փաստաթղթի գրանցման արդյունքում ստեղծված գործողությունները և փաստաթուղթը հիշվում է Սևագիր/Գրանցված վիճակում:
•Արտահանել այլ համակարգ․ Ապրանքների վերադարձ առաքիչից փաստաթուղթը հնարավոր է(են) անմիջապես արտացոլել հարկային մարմնի е-Invoicing ծրագրում կամ արտահանել XML ֆորմատով ֆայլ(եր)ի տեսքով, որն այնուհետև կարող է ներմուծվել e-Invoicing ծրագիր:
•Արտահանել ըստ արտաքին կոդերի. Ապրանքների վերադարձեր առաքիչից փաստաթղթերն արտահանվում է(են) Excel ֆայլ(եր)ի տեսքով, որն այնուհետև կարող է ներմուծվել ՀԾ-Զեռնարկություն, ՀԾ-Հաշվապահ, ՀԾ-Առևտուր համակարգեր:
Նշում |
Ապրանքների վերադարձ առաքիչից փաստաթուղթը կարելի է ներմուծել MS Excel-ի ProductsReturnFromCourier.xlsm ֆայլի միջոցով, որը գտնվում է ImportTemplates գրադարանում (Օրինակ՝ C:\Program Files (x86)\Armenian Software\AS-Sales Management 7\ImportTemplates): |