Վճարում փաստաթուղթն արտացոլում է Գնորդի կատարած վճարումը: Այն հնարավոր է ստեղծել ինչպես շարժական մասում, այնպես էլ գրասենյակում։
Վճարում փաստաթուղթն ունի հետևյալ տեսքը.
Փաստաթղթի Գլխավոր մասը պարունակում է հետևյալ դաշտերը.
Դաշտ |
Նշանակություն |
Փաստաթղթի N |
Վճարում փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում: |
Ամսաթիվ |
Վճարում փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը: |
Բաժին |
Բաժինը սահմանվում է Տեղեկատուների ձևավորում ենթահամակարգի համանուն տեղեկատուում և կցվում առևտրային գործակալին։ Բաժին դաշտը տեսանելի է, եթե ծրագրի Դրույթների Ընդհանուր էջի Բաժինների հաշվառում ստուգավանդակը նշված է։ |
Առևտրային գործակալ |
Առևտրային գործակալը, ում անունով ձևակերպվում է Վճարում փաստաթուղթը։ |
Վաճառքի գոտի |
Ընտրվում է Վաճառքի գոտիներ տեղեկատուում լրացված արժեքներից։ Առևտրային գործակալ դաշտը լրացված լինելու դեպքում ավտոմատ լրացվում է առևտրային գործակալին կցված հիմնական վաճառքի գոտին։ |
Գնորդ |
Գնորդը, որի անունով ձևակերպվում է Վճարում փաստաթուղթը: Կարող է ընդունել արժեքներ Գնորդներ տեղեկատուից։ |
Գնորդի հաշվարկային հաշիվ |
Գնորդի հաշվարկային հաշիվը, որից կատարվել է բանկային փոխանցումը։ Կարող է ընդունել արժեքներ Գնորդ տեղեկատուի Հաշվարկային հաշիվներ աղյուսակից։ Գնորդ դաշտը լրացված լինելու դեպքում ավտոմատ լրացվում է գնորդին կցված հիմնական հաշվարկային հաշիվը։ Եթե վճարումը ներմուծվել է ՀԾ-ԻնտերնետԲանկից, դաշտում ավտոմատ լրացվում է Թղթակցող հաշիվը։ |
Վճարման տեսակ |
Սահմանվում է վճարման տեսակը: Այն կարելի է ընտրել Վճարման տեսակներ տեղեկատուից: |
Վճարված գումար |
Սահմանվում է վճարված գումարը: |
Կանխավճար |
Մարված վաճառքներ էջում վաճառք(ներ) չընտրելու դեպքում Վճարված գումար դաշտի արժեքն ավտոմատ կերպով կսահմանվի որպես կանխավճար: Հակառակ դեպքում դաշտի արժեքը հավասար կլինի Վճարված գումար դաշտի արժեքի և մարված վաճառքի(ների) ընդհանուր գումարի տարբերությանը: |
Մեկնաբանություն |
Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից: |
Այլ համակարգ ուղարկման վիճակ |
Կարող է ընդունել 2 արժեք` Պատրաստ է ուղարկման կամ Ուղարկված |
Գնորդի մնացորդներ |
Արտացոլվում է Գնորդի Պարտքը, Գնորդի ժամկետանց պարտքը, Վերադարձի մնացորդը, Կանխավճարի մնացորդը և Վերջին գործարքի ամսաթիվը |
Մարված փաստաթղթեր էջում լրացվում են վաճառքները,որոնք կմարվեն տվյալ Վճարում փաստաթուղթը ստեղծելով: Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու և ավտոլրացման կոճակներ: Ավտոլրացման կոճակի միջոցով աղյուսակը լրացնելիս մարվող վաճառքներն առաջարկվում են ըստ Դրույթների Ընդհանուր էջի Պարտքի մարման եղանակ պարամետրի։
Փաստաթղթի Լրացուցիչ էջն ունի հետևյալ տեսքը.
Փաստաթղթի Լրացուցիչ էջը պարունակում է հետևյալ դաշտերը.
Դաշտ |
Նշանակություն |
Կազմակերպության հաշվարկային հաշիվ |
Կազմակերպության հաշվարկային հաշիվը։ Կարող է ընդունել արժեքներ Դրույթների Կազմակերպության տվյալներ բաժնի Հաշվարկային հաշիվներ ցուցակից։ Դաշտում ավտոմատ լրացվում է կազմակերպության հիմնական հաշվարկային հաշիվը։ Եթե վճարումը ներմուծվել է ՀԾ-ԻնտերնետԲանկից, դաշտում ավտոմատ լրացվում է ՀԾ-ԻնտերնետԲանկի համար օգտագործվող հաշիվը։ |
Փաստաթղթի խումբ |
Փաստաթղթերը հնարավոր է դասակարգել ըստ խմբերի։ Կարող է ընդունել արժեքներ Փաստաթղթի խմբեր տեղեկատուից։ |
Ստեղծման եղանակ |
Սահմանվում է Վճարում փաստաթղթի ստեղծման եղանակը։ Ընտրման ցուցակում առաջարկվում են՝ Այցով,Զանգով, Էլ․փոստով կամ b2b.armsoft հարթակից տարբերակները։ Վճարում փաստաթուղթը շարժական մասից ստանալիս դաշտն ավտոմատ ընդունում է Այցով, b2b.armsoft հարթակից ստանալիս՝ b2b.armsoft հարթակից, ՀԾ-ԻնտերնետԲանկից ներմուծելիս՝ ՀԾ-ԻնտերնետԲանկից արժեքը։ |
Կոնտակտ |
Վճարում փաստաթղթում նշված Գնորդի Կոնտակտային անձը: Ընտրման ցուցակում առաջարկվում են Գնորդին կցված Կոնտակները։ |
Վճարում փաստաթուղթ ստեղծելիս Patver հավելվածում գրանցված տվյալ Գնորդին ուղարկվում է վճարման մասին ծանուցում։
Վճարման մասին ավտոմատ ծանուցում ուղարկելու համար պետք է տվյալ գնորդի քարտում նշված լինի Հասանելի է Patver հավելվածում ստուգավանդակը և Դրույթների b2b.armsoft հարթակ բաժնի Վճարումներ ստուգավանդակը։
Ծանուցումը հնարավոր է անմիջապես ուղարկել Ադմինիստրատորի գործիքների b2b.armsoft հարթակ բաժնի Թարմացնել գնորդների տվյալները Patver հավելվածում գործողության մեջ նշելով Ուղարկել ծանուցում ստուգավանդակը։
Վճարումներ թղթապանակի ընթացիկ տողին վերաբերող գործողություններն են.
•Ավելացնել. ավելացնել նոր փաստաթուղթ:
•Բացել. բացել/խմբագրել փաստաթուղթը:
•Դիտել տպելու ձևը. դիտել փաստաթղթի տպվող տեսքը:
•Հեռացնել. հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Պատմություն. բերվում է հաշվետվություն փաստաթղթի գրանցման և խմբագրման վերաբերյալ:
•Դարձնել սևագիր/Գրանցել. հաշվառումից հեռացվում են/հաշվառման մեջ ներառվում են փաստաթղթի գրանցման արդյունքում ստեղծված գործողությունները և փաստաթուղթը հիշվում է Սևագիր/Գրանցված վիճակում:
•Տպել ՀԴՄ կտրոն. Տպվում է Կանխավճարի ՀԴՄ կտրոն։
•Արտահանել այլ համակարգ. Վճարում(ներ)ը արտահանվում է(են) Excel ֆայլ(եր)ի տեսքով, որն այնուհետև կարող է ներմուծվել ՀԾ-Զեռնարկություն, ՀԾ-Հաշվապահ, ՀԾ-Առևտուր համակարգեր:
•Ստեղծել գործակալից գումարի ընդունում․ ստեղծել Գործակալից գումարի ընդունում փաստաթուղթը։
•Ուղարել SMS. ուղարկել SMS հաղորդագրություն՝ ծանուցելով Գնորդին իր կատարած Վճարումների մասին։
Նշում |
Վճարում փաստաթուղթը կարելի է ներմուծել MS Excel-ի Payment.xlsm ֆայի միջոցով, որը գտնվում է ImportTemplates գրադարանում (Օրինակ` C:\Program Files (x86)\Armenian Software\AS-Sales Management 7\ImportTemplates): |