Մարում փաստաթուղթն արտացոլում է Գնորդների պարտքերի մարումները։
Մարում փաստաթուղթն ունի հետևյալ տեսքը.
Փաստաթղթի Գլխավոր մասը պարունակում է հետևյալ դաշտերը.
Դաշտ |
Նշանակություն |
Փաստաթղթի N |
Մարում փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում: |
Ամսաթիվ |
Մարում փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը: |
Բաժին |
Բաժինը սահմանվում է Տեղեկատուների ձևավորում ենթահամակարգի համանուն տեղեկատուում և կցվում առևտրային գործակալին։ Բաժին դաշտը տեսանելի է, եթե ծրագրի Դրույթների Ընդհանուր էջի Բաժինների հաշվառում ստուգավանդակը նշված է։ |
Գնորդ |
Գնորդը, որի անունով ձևակերպվում է Մարում փաստաթուղթը: Կարող է ընդունել արժեքներ Գնորդներ տեղեկատուից։ |
Մարման աղբյուր |
Սահմանվում է մարման այն աղբյուրը, որի հաշվին կմարվիի ստորև նշված Վաճառքը: 1 արժեքի դեպքում Վաճառքը կմարվի տվյալ գնորդի ունեցած Կանխավճարի մնացորդի, 2 արժեքի դեպքում` Վերադարձի մնացորդի հաշվին: Մարման աղբյուր դաշտը դատարկ թողնելու դեպքում տվյալ Վաճառքի մնացորդը կզրոյացվի: |
Մարման տեսակ |
Սահմանվում է Մարման տեսակ: Կարող է ընդունել արժեքներ Մարման տեսակներ տեղեկատուից։ |
Մարված գումար |
Սահմանվում է մարվող գումարը: Մարված վաճառքներ էջում որևէ Վաճառք նշելիս Մարված գումար դաշտում ավտոմատ կնշվի տվյալ Վաճառքների մնացորդների հանրագումարը: Մարման աղբյուր նշելու դեպքում Մարված գումար դաշտի արժեքը չպետք է գերազանցի տվյալ Գնորդի Կանխավճարի/Վերադարձի մնացորդը։ |
Մեկնաբանություն |
Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից։ |
Այլ համակարգ ուղարկման վիճակ |
Կարող է ընդունել 2 արժեք` Պատրաստ է ուղարկման կամ Ուղարկված է։ |
Գնորդի մնացորդներ |
Արտացոլվում է Գնորդի Պարտքը, Գնորդի ժամկետանց պարտքը, Վերադարձի մնացորդը, Կանխավճարի մնացորդը և Վերջին գործարքի ամսաթիվը |
Մարված վաճառքներ էջում սահմանվում են տվյալ փաստաթղթի հիման վրա մարվող վաճառքները:
Լրացուցիչ էջում սահմանվում են Վճարում փաստաթղթի Փաստաթղթի խումբ դաշտը: Կարող է ընդունել արժեքներ Փաստաթղթի խմբեր տեղեկատուից։
Մարումներ թղթապանակի ընթացիկ տողին վերաբերող գործողություններն են.
•Ավելացնել. ավելացնել նոր փաստաթուղթ:
•Բացել. բացել/խմբագրել փաստաթուղթը:
•Դիտել տպելու ձևը. դիտել փաստաթղթի տպվող տեսքը:
•Հեռացնել. հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Պատմություն. բերվում է հաշվետվություն փաստաթղթի գրանցման և խմբագրման վերաբերյալ:
•Դարձնել սևագիր/Գրանցել. հաշվառումից հեռացվում են/հաշվառման մեջ ներառվում են փաստաթղթի գրանցման արդյունքում ստեղծված գործողությունները և փաստաթուղթը հիշվում է Սևագիր/Գրանցված վիճակում:
•Արտահանել այլ համակարգ. Մարում(ներ)ը արտահանվում է(են) Excel ֆայլ(եր)ի տեսքով, որն այնուհետև կարող է ներմուծվել ՀԾ-Զեռնարկություն, ՀԾ-Հաշվապահ, ՀԾ-Առևտուր համակարգեր:
Նշում |
Մարում փաստաթուղթը կարելի է ներմուծել MS Excel-ի Discharge.xlsm ֆայի միջոցով, որը գտնվում է ImportTemplates գրադարանում (Օրինակ` C:\Program Files (x86)\Armenian Software\AS-Sales Management 7\ImportTemplates): |