Պատասխան։ Ծրագրի ինչպես գրասենյակային, այնպես էլ շարժական մասերը կիրառող յուրաքանչյուր աշխատակից պետք է համակարգ մուտք գործի իր օգտագործողով, որի արդյունքում համակարգում հնարավոր կլինի կիրառել ծրագրային մի շարք հնարավորություններ։

Համակարգում նոր Օգտագործող ավելացնելու և այդ օգտագործողի իրավասություններն ու հասանելիությունները սահմանելու համար անհրաժեշտ է կատարել հետևյալ գործողությունները․

1.Ծրագրի ուղղորդիչից բացել Ադմինստրատորի գործիքներ → Օգտագործողներ։ Ավելացնել նոր Օգտագործող/Web service-ի օգտագործող՝ Ժապավենի Գլխավոր ներդիրի կոճակի, աջ ստեղնը սեղմելով և Ավելացնել հրամանն ընտրելով կամ ctrl+N ստեղների համակցությամբ։ Օգտագործող տեղեկատուի կառուցվածքին և դաշտերի նկարագրությանը կարող եք ծանոթանալ ձեռնարկի Օգտագործողներ բաժնում։

2.Համակարգում նոր Օգտագործող ավելացնելուց հետո անհրաժեշտ է տվյալ օգտագործողին տալ տվյալների պահոցի ենթահամակարգերի հասանելիություն։ Օգտագործողին տվյալների պահոցին հասանելիություն տալու համար անհրաժեշտ է վերջինիս կցել Դեր։ Նշված գործողությունը կատարվում է Դերեր, Դերերի հասանելիություններ և Օգտագործողների դերեր գործիքների միջոցով։

•Ծրագրի ուղղորդիչից բացել Ադմինստրատորի գործիքներ → Դերեր և ավելացնել Դեր՝ եթե դրա անհրաժեշտությունը կա։ Միևնույն իրավասություններն ունեցող Օգտագործողների համար կարելի է սահմանել մեկ ընդհանուր դեր և կցել տարբեր Օգտագործողների։

•Դերն օգտագործողին կցելու համար ծրագրի ուղղորդիչից բացել Ադմինստրատորի գործիքներ → Օգտագործողների դերեր։ Ավելացնել նոր Օգտագործողի դեր։

•Դերի հասանելիություն գործիքի միջոցով սահմանվում է օգտագործողի հասանելիությունները ծրագրի տարբեր փաստաթղթերին, ենթահամակարգերին, տեղեկատուներին, ինչպես նաև սահմանվում է օգտագործողի Աշխատանքային ժամանակահատվածը։ Դերի հասանելիություն սահմանելու համար անհրաժեշտ է ծրագրի ուղղորդիչից բացել Ադմինստրատորի գործիքներ → Դերերի հասանելիություններ և ավելացնել նորը՝ եթե դրա անհրաժեշտությունը կա։

Վերը թվարկված բոլոր իրավասությունները և հասանելիությունները սահմանելիս Դուք կստանաք հետևյալ հաղորդագրությունը.

Անհրաժեշտ է ծրագիրը փակել և նորից բացել, որպեսզի սահմանված բոլոր հասանելիությունները և իրավասություններն ակտիվանան։

3.Եթե Դրույթներ → Ընդհանուր բաժնի Պահեստների հաշվառում պարամետրն ակտիվացրած է, ապա անհրաժեշտ է նաև կարգավորել ըստ պահեստների Օգտագործողների հասանելիությունը։ Այս գործիքը հնարավորություն է տալիս, որ գրասենյակային մասում յուրաքանչյուր Օգտագործող կարողանա գործողություններ կատարել միայն իրեն հասանելի պահեստ(ներ)ի փաստաթղթերում և հաշվետվություններ դիտի միայն իրեն հասանելի պահեստ(ներ)ի վերաբերյալ։ Իսկ շարժական մասում առևտրային գործակալները Վաճառքի պատվերներ գրանցելիս տեսնում են միայն իրենց հասանելի պահեստ(ներ)ում ապրանքների մնացորդները։ Ծրագրի ուղղորդիչից բացել Տեղեկատուների ձևավորում → Պահեստների հասանելիություն ըստ օգտագործողների։ Ավելացնել ըստ օգտագործողի պահեստի հասանելիություն՝ նշելով Պահեստ(ներ)ը և Օգտագործող(ներ)ին։

Պատասխան։ Համակարգում առկա են իրավասությունների և ստուգումների վերաբերյալ մի շարք պարամետրեր, որոնք հնարավոր է կարգավորել ըստ տարբեր Օգտագործողների։ Նշված պարամետրերը սահմանվում են ծրագրի Դրույթներում:

Իրավասությունը, ստուգումը կամ կարգավորումը հնարավոր է սահմանել ըստ առանձին Օգտագործողի, եթե տվյալ պարամետրի կողքին առկա է կոճակը։ կոճակը սեղմելիս բացվող պատուհանի Արժեք սյան մեջ հնարավոր է սահմանել Ընդհանուր արժեքից տարբերվող արժեք՝ ըստ առանձին օգտագործողների։ Դիտարկենք մեկ օրինակ․

Ենթադրենք միայն մեկ առևտրային գործակալի ցանկանում ենք իրավասություն տալ փաստաթղթերում խմբագրել նվերները։ Անհրաժեշտ է կատարել հետևյալ գործողությունները․

1.Բացել համապատասխան իրավասությունը կարգավորող պարամետրը՝ Դրույթներ → Իրավասություններ և ստուգումներ → Թույլ տալ խմբագրել նվերները փաստաթղթերում։

2.Պարամետրի հիմնական արժեքը սահմանող ստուգավանդակը չնշել, որպեսզի ոչ մի Օգտագործող չկարողանա փաստաթղթերում նվերները խմբագրել։

3.Այժմ միայն մեկ առևտրային գործակալի համար սահմանենք նվերը խմբագրելու իրավասություն։ Անհրաժեշտ է սեղմել պարամետրի կողքին գտնվող կոճակը։

4.Տվալ Օգտագործողի համար հանել Ընդհանուր արժեք սյան ստուգավանդակի նշումը և նշել Արժեք սյան ստուգավանդակը։

5.Սեղմել Կատարել կոճակը։

Ինչպես նշվել էր նախորդ հարցի պատասխանում, որպեսզի կատարված փոփոխությունները հաստատվեն, անհրաժեշտ է ծրագիրը փակել և նորից բացել։ Իսկ առևտրային գործակալը շարժական սարքում պետք է կատարի Տվյալների ստացում գործողությունը։

Այժմ միայն տվյալ Օգտագործողը կարող է փաստաթղթերում խմբագրել Նվերներ աղյուսակը։

Պատասխան։ Ծրագրում հնարավոր է սահմանափակել օգտագործողների կողմից փաստաթղթերի ստեղծման/խմբագրման ժամանակահատվածը։ Նշված գործողությունը կատարվում է Դերի հասանելություն գործիքի միջոցով: Նախ անհրաժեշտ է ստուգել տվյալ օգտագործողին կցված դերը՝ Ադմինստրատորի գործիքներ → Օգտագործողի դեր գործիքի միջոցով։ Այնուհետև Ադմինիստրատորի գործիքներ → Դերերի հասանելություներ բաժնից բացել համապատասխան Դերի հասանելիությունը և անցնել Կարգավորումներ էջ։ Աշխատանքային ժամանակահատված կարելի է սահմանել երկու տարբերակով՝ ժամանակահատվածով կամ օրերի քանակով։

Ըստ ժամանակահատվածի Աշխատանքային ժամանակահատված սահմանելու համար անհրաժեշտ է Տեսակ դաշտում ընտրել 0-Ամսաթիվ արժեքը և ժամանակահատված դաշտում լրացնել սկզբի և վերջի ամսաթվերը։ Ըստ օրերի քանակի Աշխատանքային ժամանակահատված սահմանելու համար անհրաժեշտ է Տեսակ դաշտում ընտրել 1-Օր արժեքը և Օրերի քանակ տողում լրացնել Նախորդ և Ապագա օրերի քանակը։

Աշխատանքային ժամանակահատվածը սահմանելուց հետո անհրաժեշտ է սեղմել Հիշել և փակել կոճակը և վերագործարկել ծրագիրը։

Ընթացիկ օգտագործողի աշխատանքային ժամանակահատվածը տեսանելի է ծրագրի կարգավիճակի վահանակում։