Պատասխան։ Անհրաժեշտ է հիշել, որ եթե առևտրային գործակալն աշխատանքից ազատվել է, հնարավոր չէ ծրագրից հեռացնել տվյալ Առևտրային գործակալին վերաբերող տեղեկատուն։ Պատճառն այն է, որ կան ստեղծված մի շարք փաստաթղթեր, որոնցում լրացված է տվյալ գործակալը։ Վերջիններս նաև արտացոլվում են մի շարք հաշվետվություններում։ Աշխատանքից ազատված գործակալին հաշվետվությունների և նոր ստեղծվող փաստաթղթերի Առևտրային գործակալ/Առաքիչ դաշտի ընտրման ցուցակում չտեսնելու համար անհրաժեշտ է պարզապես ազատել գործակալին։ Նշված գործողությունը կատարելու համար՝

1.Ծրագրի ուղղորդիչից բացել Տեղեկատուների ձևավորում → Առևտրային գործակալներին վերաբերող → Առևտրային գործակալներ։

2.Բացել տվյալ Առևտրային գործակալի քարտը և նշել Ազատված է ստուգավանդակը։

     3. Սեղմել Հիշել և փակել հրամանը :

Առևտրային գործակալին ազատելիս ցանկալի է նաև վերջինիս քարտից ջնջել Նույնականացման սարքի համար դաշտի արժեքը՝ հետագայում այս սարքն այլ գործակալի տրամադրելու համար։

Եթե նոր առևտրային գործակալ է ընդունվել աշխատանքի, անհրաժեշտ է հիշել, որ չպետք է խմբագրել նախորդ առևտրային գործակալների տեղեկատուները և գրել նոր գործակալի անունը։ Պատճառն այն է, որ կան ստեղծված մի շարք փաստաթղթեր, որոնցում լրացված է տվյալ գործակալը։ Վերջիններս նաև արտացոլվում են մի շարք հաշվետվություններում։ Անհրաժեշտ է Առևտրային գործակալներ տեղեկատուում ավելացնել նոր գործակալ։

Առևտրային գործակալ տեղեկատուի կառուցվածքին և դաշտերի նկարագրություններին կարող եք ծանոթանալ ՀԾ-Վաճառքների Կառավարում համակարգի օգնության ձեռնարկի Առևտրային գործակալներ բաժնում։

Պատասխան։ Ինչպես նշվեց նախորդ պատասխանում, աշխատանքից ազատված առևտրային գործակալները հաշվետվությունների և նոր ստեղծվող փաստաթղթերի Առևտրային գործակալ/Առաքիչ դաշտի ընտրման ցուցակներում, ինչպես նաև Առևտրային գործակալներ տեղեկատուի թղթապանակում չեն ցուցադրվում։ Այնուամենայնիվ, եթե ցանկանում եք տեսնել ազատված Առևտրային գործակալների ցուցակը, ապա անհրաժեշտ է՝

1.Ծրագրի ուղղորդիչից բացել Տեղեկատուների ձևավորում → Առևտրային գործակալներին վերաբերող → Առևտրային գործակալներ։

2.Տեղեկատուի երկխոսության պատուհանում նշել Ցույց տալ նաև ազատվածներին նշիչը։

3.Սեղմել Կատարել կոճակը։

Գործողությունը կատարելուց հետո բացված թղթապանակում կտեսնեք բոլոր առևտրային գործակալների մասին տեղեկատվությունը։ Միայն ազատված գործակալներին տեսնելու համար աղյուսակն անհրաժեշտ է ֆիլտրել ըստ Ազատված է սյան։ Գործողությունը կատարելու համար մկնիկը պահել Ազատված է սյան վրա, սեղմել հայտնված ֆիլտր կոճակը () և ընտրել Նշվածները արժեքը։

Այժմ աղյուսակում կցուցադրվեն միայն ազատված գործակալները։

Պատասխան։ Մի առևտրային գործակալի շարժական սարքը մեկ այլ առևտրային գործակալի տրամադրելու համար անհրաժեշտ է կատարել հետևյալ գործողությունները՝

1.Ծրագրի ուղղորդիչից բացել Տեղեկատուների ձևավորում → Առևտրային գործակալներին վերաբերող → Առևտրային գործակալներ։

2.Բացել այն առևտրային գործակալի քարտն ում շարժական սարքը տրամադրելու ենք այլ գործակալի, ջնջել Սարքի նույնականացման համար դաշտը և սեղմել Հիշել և փակել հրամանը :

3.Բացել այն առևտրային գործակալի քարտն ում տրամադրելու ենք շարժական սարքը։ Շարժական սարքերով աշխատող առևտրային գործակալների համար Օգտագործող դաշտը պետք է պարտադիր լրացված լինի։ Նոր Օգտագործող ավելացնելու և տվյալ Օգտագործողի կարգավորումները իրականացնելու կարգը տե՛ս Նոր Օգտագործողներ, օգտագործողների հասանելիություններ և իրավասություններ բաժնում։

4.Բացել տեղեկատուի աջ անկյունում գտնվող QR կոդը։

Առևտրային գործակալի քարտում QR կոդը բացելու համար նախապես պետք է լրացնել Դրույթներ → Շարժական սարքեր → Վեբ սերվիսի կարգավորումներ բաժինը։

5.Շարժական սարքում բացել Կարգավորումներ → Կապ, սեղմել աջ անկյունում գտնվող QR կոդի նշանի վրա և տեսախցիկը պահել գրասենյակային մասում բացված QR կոդի վրա։

6.Հայտնվող Գաղտնաբառ դաշտում լրացնել գրասենյակային մասում տվյալ Օգտագործողի համար սահմանված գաղտնաբառը։

Գործողությունները ճիշտ կատարելու դեպքում Դուք կստանաք Բարեհաջող ավարտ հաղորդագրությունը։ Գրասենյակային մասում նոր Առևտրային գործակալի քարտում ավտոմատ կլրացվի Սարքի նույնականացման համար դաշտը։ Նշված գործողություններից հետո տեղեկատուն պետք է հիշել՝ Հիշել և փակել հրամանի միջոցով։