Օգտագործողներ ցուցակում երևում են համակարգում գրանցված բոլոր օգտագործողները։ Ծրագրի ինչպես գրասենյակային, այնպես էլ շարժական մասերը կիրառող յուրաքանչյուր աշխատակից պետք է համակարգ մուտք գործի իր օգտագործողով, որի արդյունքում համակարգում հնարավոր կլինի կիրառել ծրագրային մի շարք հնարավորություններ։ Դրանք են․
•որոշ փաստաթղթերի և տեղեկատուների կոնտեքստային ցանկից Պատմություն հրամանն ընտրելիս կցուցադրվի, թե որ Օգտագործողի կողմից և երբ են կատարվել փոփոխությունները:
•Դրույթներ պատուհանում որոշ կարգավորումների սահմանում՝ ըստ առանձին օգտագործողների։
•Յուրաքանչյուր Օգտագործողի համար տարբեր Տվյալների պահոցներին և Տվյալների պահոցների առանձին ենթահամակարգերին հասանելիության նկարագրում։
•Յուրաքանչյուր Օգտագործողի համար առանձին փաստաթղթերի հետ կատարվող գործողությունների իրավասությունների նկարագրում՝ Օգտագործողների դերեր գործիքի միջոցով։
Համակարգում օգտագործողների ստեղծումն ու արդեն ավելացրածների խմբագրումը կատարվում է Օգտագործող պատուհանի միջոցով, որը համակարգի բանալու տեսակից կախված ունի հետևյալ տեսքը․
1.Ֆիզիկական (էլեկտրոնային USB կրիչ) բանալու դեպքում․
Դաշտ |
Նշանակություն |
Օգտագործողի անուն |
Օգտագործողի անունը ծրագրում։ Պարտադիր լրացվող դաշտ է։ |
Օգտագործողի նկարագրություն |
Օգտագործողի նկարագրությունը ծրագրում։ Պարտադիր լրացվող դաշտ է։ |
Գաղտնաբառ |
Գաղտնաբառ, որի միջոցով Օգտագործողը մուտք կգործի ծրագիր։ Պարտադիր լրացվող դաշտ է։ |
Հաստատել գաղտնաբառը |
Գաղտնաբառի հաստատում։ Պարտադիր լրացվող դաշտ է։ |
Մուտքը թույլատրված է |
Ստուգավանդակը նշելու դեպքում Օգտագործողով հնարավոր կլինի մուտք գործել ծրագիր, հակառակ դեպքում՝ ոչ։ |
Ադմինիստրատոր է |
Ստուգավանդակը նշելու դեպքում Օգտագործողը կհամարվի ծրագրի ադմինիստրատոր, կունենա Ադմինիստրատորի գործիքներ ենթահամակարգին հասանելիություն և Դրույթներ պատուհանը խմբագրելու իրավասություն։ |
2.Ծրագրային (ամպային) բանալու դեպքում․
Դաշտ |
Նշանակություն |
Էլեկտրոնային փոստ |
Ամպային օգտագործողի էլեկտրոնային փոստը։ Նոր ամպային օգտագործող հնարավոր է գրանցել համակարգի մուտքի պատուհանից։ |
Օգտագործողի անուն |
Օգտագործողի անունը ծրագրում։ Դաշտն ավտոմատ լրացվում է Էլեկտրոնային փոստ դաշտին կից կոճակին սեղմելիս։ |
Օգտագործողի նկարագրություն |
Օգտագործողի նկարագրությունը ծրագրում։ Դաշտն ավտոմատ լրացվում է Էլեկտրոնային փոստ դաշտին կից կոճակին սեղմելիս։ |
Մուտքը թույլատրված է |
Ստուգավանդակը նշելու դեպքում Օգտագործողով հնարավոր կլինի մուտք գործել ծրագիր, հակառակ դեպքում՝ ոչ։ |
Ադմինիստրատոր է |
Ստուգավանդակը նշելու դեպքում Օգտագործողը կհամարվի ծրագրի ադմինիստրատոր, կունենա Ադմինիստրատորի գործիքներ ենթահամակարգին հասանելիություն և Դրույթներ պատուհանը խմբագրելու իրավասություն։ |
Գլխավոր ադմինիստրատոր |
Ստուգավանդակը նշելու դեպքում Օգտագործողը կունենա Ադմինիստրատորի գործիքներ → Օգտագործողներ բաժնի հասանելություն և համակարգում նոր Օգտագործող ավելացնելու հնարավորություն։ |
Հասանելի բանալիներ |
Աղյուսակում ցուցադրվում են տվյալ օգտագործողին հասանելի ամպային բանալիները։ |
Ընթացիկ տողի Օգտագործողի կոնտեքստային ցանկում կան հետևյալ հրամանները.
•Ավելացնել. ավելացնել նոր Օգտագործող:
•Բացել. բացել/խմբագրել Օգտագործողը:
•Հեռացնել. հեռացնել Օգտագործողը:
•Պատճենել. ստեղծել նոր նմանատիպ Օգտագործող՝ ընթացիկ տողի տվյալներով լրացված:
•Կարգավորումներ. Օգտագործողին կապակցել Ընդլայնումներ բաժնի միջոցով ներմուծված Ուղղորդիչը և Օգտագործողների script-եր։ Օգտագործողին ուղղորդիչ կցելուց հետո տվյալ Օգտագործողի ծրագիր մուտք գործելիս Օգտագործողի ուղղորդիչ ենթահամակարգում կարտացոլվեն նկարագրված բաժինները (թղթապանակները և հաշվետվությունները), իսկ Օգտագործողների script-եր կցելու դեպքում՝ ավտոմատ կաշխատեն հատուկ բանաձևով սահմանված գործողությունները։
•Դիտել դեր(եր)ը. դիտել/խմբագրել/հեռացնել Օգտագործողին կցված դեր(երը)։
•Ավելացնել Web Service-ի օգտագործող․ ավելացնել նոր Web Service-ի օգտագործող։ Web Service-ի օգտագործողները ստեղծվում են ամպային բանալիով, բայց լոկալ տվյալների պահոցով աշխատող Առևտրային գործակալների, ինչպես նաև համակարգի web service-ից օգտվող (արտաքին ծրագրերի և/կամ կայքերի հետ ինտեգրման համար) օգտագործողների համար։
•Կցել ամպի օգտագործողին․ Web Service-ի օգտագործողին և վերջինիս իրավասություններն ու հասանելիությունները կցել ամպի օգտագործողին։