Դերերի հասանելիություն գործիքի միջոցով նկարագրվում են ծրագրի ենթահամակարգերի, փաստաթղթերի, տեղեկատուների և առցանց հաշվետվությունների յուրաքանչյուր տեսակի հետ աշխատելիս օգտագործողի իրավասությունները։
Համակարգում նոր Դերի հասանելիությունների սահմանումն ու արդեն ավելացրածի խմբագրումը կատարվում է Դերի հասանելիություն պատուհանի միջոցով, որն ունի հետևյալ տեսքը․
Դերերի հասանելիություն պատուհանը պարունակում է հետևյալ դաշտերը.
Դաշտ |
Նշանակություն |
Դեր |
Դերը, որի համար նկարագրվում է հասանելիությունը։ Դաշտին կից ընտրման ցուցակում առաջարկվում են Դերեր ցուցակում սահմանված արժեքները։ Պարտադիր լրացվող դաշտ է։ |
Մեկնաբանություն |
Մեկնաբանություն Դերի հասանելիությունների վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից։ |
Ենթահամակարգերի հասանելիություններ ցուցակում սահմանվում են բաժինների և բաժիններում առկա առանձին փաստաթղթերի, Գործողությունների և Հաշվետվությունների հասանելիությունները։
Փաստաթղթերի հասանելիություններ ցուցակում սահմանվում են առանձին փաստաթղթերի Ավելացնելու, Խմբագրելու, Դիտելու և Հեռացնելու իրավասությունները։
Տեղեկատուների հասանելիություններ ցուցակում սահմանվում են առանձին տեղեկատուների Ավելացնելու, Խմբագրելու, Դիտելու և Հեռացնելու իրավասությունները։
Առցանց հաշվետվությունների հասանելիություններ ցուցակում սահմանվում են առանձին առցանց հաշվետվությունների դիտելու հասանելիությունը շարժական մասի օգտագործողների համար:
Կարգավորումներ ցուցակում սահմանվում է աշխատանքային ժամանակահատվածը։
Աշխատանքը ցուցակներում նկարագրված է Աշխատանք փաստաթղթում գտնվող ցուցակներում բաժնում:
Դերերի հասանելիության ընթացիկ տողի կոնտեքստային ցանկում կան հետևյալ հրամանները.
•Ավելացնել. ավելացնել նոր Դերի հասանելիություններ:
•Բացել․ բացել/խմբագրել Դերի հասանելիությունները:
•Հեռացնել. հեռացնել Դերի հասանելիությունները:
•Պատճենել. ստեղծել նոր նմանատիպ Դերի հասանելիություններ՝ ընթացիկ տողի տվյալներով լրացված: