Դաշտ

Նշանակություն

Ամսաթիվ

Պարտադիր լրացվող դաշտ է: Այստեղ լրացվում է արձակուրդայինի հաշվարկը կատարելու ամսաթիվը, որը պետք է ընկած լինի հաշվարկային ամսվա մեջ:

Փաստաթղթի N

Արձակուրդայինի հաշվարկ փաստաթղթի համարը: Համակարգն ավտոմատ առաջարկում է Դրույթներում նշված հերթական համարը: Այն առաջարկվում է նաև CTRL+M ստեղների համադրությունը կամ դաշտին կից կոճակը:

Աշխատակից

Լրացվում է աշխատակցի տաբելային համարը:

Մեկնաբանություն

Փաստաթղթի վերաբերյալ մեկնաբանություն:

Դաշտ

Նշանակություն

Ժամանակահատված

Ամսաթիվ տիպի դաշտերի զույգ է: Նշվում է աշխատակցի արձակուրդի մեջ գտնվելու ժամանակահատվածը:

Ամիսների քանակ միջինի համար

Այս դաշտը ցույց է տալիս միջին աշխատավարձը հաշվարկելու համար օգտագործվող` հաշվարկին նախորդող ամիսների թիվը: Արժեքն առաջարկվում է Դրույթների համապատասխան դաշտից:

Միջին օրական գործակից

Այս դաշտը ցույց է տալիս թե ինչ թվի (մեկ ամսվա միջին աշխատանքային օրերի թիվը) պետք է բաժանել Միջին աշխատավարձ դաշտի գումարը Միջին օրական դաշտի արժեքը ստանալու համար: Սկզբնական արժեքն առաջարկվում է Դրույթների համապատասխան դաշտից:

Միջին աշխատավարձ

Այս դաշտի արժեքը հաշվարկվում է Միջին աշխատավարձ էջում գտնվող ցուցակի տվյալների հիման վրա:

Միջին օրական

Այս դաշտի արժեքը հաշվարկվում է Միջին աշխատավարձ դաշտի գումարը բաժանելով Միջին օրական գործակից դաշտի արժեքի վրա: Օգտագործելով ստացված արժեքը` հաշվարկվում է Ընթացիկ ամիս և Հաջորդ ամիս տողերում գտնվող Գումար դաշտերի արժեքները: Հաշվարկը կատարվում է այս դաշտի արժեքը բազմապատկելով օրերի թվով:

Ծախսի հաշիվ

Այս դաշտում լրացվում է սինթետիկ հաշիվ: Հաշվապահական ձևակերպումները գրանցելիս այս հաշվի դեբետում կարտացոլվեն աշխատակցի համար հաշվարկված արձակուրդայինի գումարները:

Տարանցիկ հաշիվ

Ապագա ամիսներին բաժին ընկնող արձակուրդայինների և համապատասխան հարկերի ու պարտադիր վճարումների գումարները կձևակերպվեն այս դաշտում նշված հաշվով: Սա նշանակում է, որ արձակուրդայինի գումարները կծախսագրվեն, իսկ հարկերի ու պարտադիր վճարումների գծով կրեդիտորական պարտքերը կևձավորվեն ոչ թե տվյալ ամսում, այլ համապատասխան ապագա ամսում, որին այդ գումարները վերաբերում են (հաշվեգրման սկզբունքով):

Լրացնել օրերը b2b.armsoft-ից

Հրամանը սեղմելիս արձակուրդի` համապատասխան ամիսներին բաժին ընկնող օրերը ավտոմատ կլրացվեն b2b.armsoft հարթակի աշխատանքային օրացույցի տվյալներով:

Ընթացիկ ամիս (Օր, Գումար)

Բաղկացած է երկու դաշտերից: Առաջին դաշտում լրացվում է հաշվարկային ամսվան բաժին ընկնող արձակուրդի օրերի թիվը: Երկրորդում համակարգը լրացնում է հաշվարկային ամսվան բաժին ընկնող արձակուրդային գումարը` բազմապատկելով Ընթացիկ ամիս տողի Օր և Միջին օրական դաշտերի արժեքները:

Երկրորդ ամիս (Օր, Գումար)

Բաղկացած է երկու դաշտերից: Առաջին դաշտում լրացվում է երկրորդ ամսվանը բաժին ընկնող արձակուրդի օրերի թիվը: Երկրորդում համակարգը լրացնում է այս ամսվանը բաժին ընկնող արձակուրդային գումարը` բազմապատկելով Երկրորդ ամիս տողի Օր և Միջին օրական դաշտերի արժեքները:

Երրորդ ամիս (Օր, Գումար)

Բաղկացած է երկու դաշտերից: Առաջին դաշտում լրացվում է երրորդ ամսվան բաժին ընկնող արձակուրդի օրերի թիվը: Երկրորդում համակարգը լրացնում է այս ամսվան բաժին ընկնող արձակուրդային գումարը` բազմապատկելով Երրորդ ամիս տողի Օր և Միջին օրական դաշտերի արժեքները:

Սյուն

Նշանակություն

Տարի/Ամիս

Հաշվառման ենթակա ամիսը և տարին:

Գումար

Այս սյան արժեքները հաշվարկվում են համապատասխան ամիսներին աշխատակցին հատկացված այն բոլոր  հավելում/պահումներից, որոնց համար Մասնակցում է արձակուրդայինի միջինի մեջ դաշտի արժեքը դրված է 1 - Մասնակցում է: Եթե հաշվառվող ամսվա մեջ աշխատակիցն ունի Հիվանդության նպաստ, Պրոթեզավորման նպաստ, Առողջարանային բուժման նպաստ, Հղիության և ծննդաբերության նպաստ, Ընտանիքի հիվանդ անդամի խնամքի նպաստ, Ընթ.ամսվան բաժին ընկնող արձակ., Ապագա ամսվան բաժին ընկնող արձ. կամ Հարգելի չվճարվող բացակայություն հավելման տող, ապա այդ վանդակի արժեքը լրացվում է 0:

Հաշվի առնել

Համակարգի կողմից առաջարկվում է հաշվի չառնել համապատասխան ամիսը միջին աշխատավարձի հաշվարկի ժամանակ, եթե այդ ամսվա մեջ ոչ մի հաշվարկային տվյալ չկա կամ աշխատակիցն ունի Հիվանդության նպաստ, Պրոթեզավորման նպաստ, Առողջարանային բուժման նպաստ, Հղիության և ծննդաբերության նպաստ, Ընտանիքի հիվանդ անդամի խնամքի նպաստ, Ընթ.ամսվան բաժին ընկնող արձակ., Ապագա ամսվան բաժին ընկնող արձ. կամ Հարգելի չվճարվող բացակայություն հավելման տող:

1/12 Մասով

Այս սյունում երևում են տվյալ ամսում հաստատված այն հավելումների ու պահումների գումարները, որոնց համար Մասնակցում է արձակուրդայինի միջինի մեջ դաշտի արժեքը դրված է 2 - Մասնակցում է 1/12 մասով:

Մեկնաբանություն

Այս սյան մեջ համակարգը լրացնում է մեկնաբանություն հաշվառվող ամսվա վերաբերյալ: Ոչ լրիվ ամիս արժեքը լրացվում է, եթե աշխատակիցը տվյալ ամսվա մեջ ունի Հիվանդության նպաստ, Պրոթեզավորման նպաստ, Առողջարանային բուժման նպաստ, Հղիության և ծննդաբերության նպաստ, Ընտանիքի հիվանդ անդամի խնամքի նպաստ, Ընթ.ամսվան բաժին ընկնող արձակուրդային կամ Հարգելի չվճարվող բացակայություն տող: Անհարգելի բացակայություն արժեքը լրացվում է, եթե աշխատակիցն ունի Անհարգելի չվճար. բացակայություն տող և չունի առաջին դեպքում թվարկված տողերից որևէ մեկը: Տվյալներ չկա արժեքը լրացվում է, եթե աշխատակիցը ոչ մի հաշվարկային տվյալ չունի: