Հաշվապահություն > Փաստաթղթեր

Փոխանցման հաշիվը պարունակում է վաճառողի (ստացողի) տվյալները, որի հիման վրա գնորդը (վճարողը) կատարում է դրամական միջոցների փոխանցում ապրանքների (աշխատանքների, ծառայությունների) դիմաց: Փաստաթուղթը ծառայում է վճարման կամ կանխավճարի փոխանցման համար: Փաստաթղթի գրանցումը կատարվում է պատուհանի միջոցով, որը բաղկացած է 4 էջից` Ընդհանուր, Անվանացուցակ, Մատակարար և Գնորդ։

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Փոխանցման հաշիվ փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Փոխանցման հաշիվ փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Գնորդ	Լրացվում է գնորդի կոդը: Եթե Գործընկերներ տեղեկատուում տվյալ գործընկերը գրանցված չէ, նրան կարելի է ավելացնել անմիջապես այս պատուհանից` սեղմելով կոճակը: Գործընկերոջը խմբագրելու համար սեղմել կոճակը:
Գծիկավոր կոդ (F2)	Ապրանքի գծիկավոր կոդը, օգտագործվում է անվանացուցակում նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Ընդհանուր էջի տեսքը հետևյալն է.

Transfer_invoice1

Դաշտ	Նշանակություն
Արժույթ	Փաստաթղթի արժույթն է:
Արտարժույթի փոխարժեք	Համակարգն ավտոմատ լրացնում է Արտարժույթի փոխարժեքներ տեղեկատուում տվյալ արտարժույթի համար վերջին գրանցված փոխարժեքը։ Այս դաշտը խմբագրման ենթակա չէ, եթե Արժույթ դաշտում լրացված է AMD։
Պայմանագիր	Պայմանագրի համարն է (50տառաթվանիշ):
Պայմանագրի Ամսաթիվ	Պայմանագրի կնքման ամսաթիվն է:
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։

Անվանացուցակ էջի տեսքը հետևյալն է.

Transfer_invoice2

Դաշտ	Նշանակություն
ԱԱՀ-ի հաշվարկի ձև	Դաշտը կարող է ընդունել հետևյալ արժեքները. 1 - ԱԱՀ-ով, 2 - ԱԱՀ-ն այդ թվում, 3 - Առանց ԱԱՀ, 4 - Զրոյական ԱԱՀ։
Զեղչի տոկոս	Այս դաշտը լրացվում է, եթե վաճառքի ժամանակ զեղչ է կիրառվում: Լրացված զեղչը կիրառվում է փաստաթղթի ամբողջ գումարի վրա: Այս դաշտում կարելի է լրացնել նաև բացասական թիվ, այդ դեպքում տեղի կունենա լրացված տոկոսի չափով գների բարձրացում:
Պահեստ	Պահեստ դաշտում մուտքագրված արժեքն առաջարկվում է ապրանքի նոր տող գրանցելիս:
Գումար ԱԱՀ	Այս դաշտը խմբագրման ենթակա չէ։ Համակարգն հաշվարկում և լրացնում է ԱԱՀ-ն այս դաշտում` օգտվելով ապրանքների գներից և ԱԱՀ-ի հաշվարկի ձևից:
Ընդհանուր գումար	Համակարգն այս դաշտում ավտոմատ լրացնում է վաճառվող ապրանքների ընդհանուր գումարը, որը ներառում է Գումար ԱԱՀ դաշտի արժեքը։ Այս դաշտը հնարավոր է խմբագրել, սակայն կլորացման գումարը չի կարող գերազանցել 100 (հարյուր) դրամը:

Անվանացուցակ աղյուսակում լրացվում են վաճառվող ապրանքների, մատուցվող ծառայությունների կոդը կամ հիմնական միջոցների գույքային համարը, անվանումը, չափման միավորը, քանակը, գինը, գումարը և խմբաքանակի այլ հատկությունները։ Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ:
Աշխատանքը ցուցակում նկարագրված է Աշխատանք փաստաթղթերում գտնվող ցուցակների հետ բաժնում:

Մատակարար էջի տեսքը հետևյալն է.

Transfer_invoice3

Դաշտ	Նշանակություն
Անվանում	Մատակարարի անվանումը:
Իրավ. հասցե	Կազմակերպության իրավաբանական հասցեն:
Գործ. հասցե	Կազմակերպության գործունեության իրականացման վայրի հասցեն: Լռությամբ առաջարկվում է Դրույթների Գործ. հասցե դաշտի արժեքը: Կից ցանկից կարելի է ընտրել Լրացուցիչ հասցեներից որևէ մեկը:
Հաշվարկային հաշիվ	Մատակարարի հաշվարկային հաշվի համարը։
ՀՎՀՀ	Մատակարարի հարկ վճարողի հաշվառման համարը:
Ղեկավարի պաշտոն	Փաստաթուղթը ստորագրող ղեկավարի պաշտոնը
Ղեկավարի Ա.Ա.Հ.	Ղեկավարի անուն, ազգանուն, հայրանունը:
Հաշվապահի պաշտոն	Փաստաթուղթը ստորագրող հաշվապահի պաշտոնը:
Հաշվապահի Ա.Ա.Հ.	Հաշվապահի անուն, ազգանուն, հայրանունը:

Փաստաթղթի ներքին տպվող ձևում հասցեները պատկերվում են հետևյալ կերպ. եթե գործունեության հասցեն լրացված չէ կամ այն ամբողջովին համընկնում է իրավաբանական հասցեին, ապա տպվող ձևում պատկերվում է միայն իրավաբանական հասցեն: Եթե գործունեության հասցեն տարբերվում է իրավաբանական հասցեից, ապա տպվող ձևում երկու տողերն էլ երևում են:

Գնորդ էջի տեսքը հետևյալն է.

Transfer_invoice4

Գնորդ էջի դաշտերը նույնությամբ կրկնում են Մատակարար էջի դաշտերը, բացառությամբ հետևյալ դաշտերի.

Դաշտ	Նշանակություն
Ա/Ձ-ի պետ. գրանց. վկ. N	Գնորդի պետական գրանցման վկայականի համարը: Այս դաշտերը լրացվում են այն դեպքում, երբ գնորդն անհատ ձեռնարկատեր է:
Անձնագրի համար	Գնորդի անձնագիր համարը: Այս դաշտերը լրացվում են այն դեպքում, երբ գնորդը ֆիզիկական անձ է:

Եթե Ա/Ձ-ի պետ. գրանց. վկ. N դաշտը լրացված է, ապա փաստաթղթի տպվող տեսքերում կպատկերվեն և´ ՀՎՀՀ, և´ Ա/Ձ-ի պետ. գրանց. վկ. N, և´ Անձնագրի համար դաշտերը: Եթե Ա/Ձ-ի պետ. գրանց. վկ. N դաշտը դատարկ է, ապա տպվող տեսքերում կպատկերվի միայն ՀՎՀՀ դաշտը: Եթե Անձնագիր դաշտը լրացված է և ՀՎՀՀ դաշտը դատարկ է, ապա տպվող տեսքում կպատկերվի միայն Անձնագիր դաշտը:

Փոխանցման հաշվին հնարավոր է կցել ֆայլեր (նախահաշիվներ, կատարողական ակտեր և այլն), հղումներ: Ֆայլերի և հղումների կցումը նկարագրված է Կցված ֆայլեր բաժնում:

Փոխանցման հաշվի հիման վրա կարելի է ստեղծել Հաշիվ-Ապրանքագիր փաստաթուղթը: Այդ դեպքում Հաշիվ-Ապրանքագրում լրացվում է Փոխանցման հաշվի համապատասխան դաշտերի տվյալները: Փոխանցման հաշվի հիման վրա Հաշիվ-Ապրանքագիր ստեղծելու համար պետք է Դուրս գրված փոխանցման հաշիվների մատյանից կամ Փաստաթղթերի մատյանից, Փոխանցման հաշվի վրայից մկնիկի աջ կտտոցով բացվող կոնտեքստային ցանկից ընտրել Ստեղծել փաստաթղթի հիման վրա... հրամանը: