Վաճառքներ > Մատյաններ

Մատյանում արտացոլվում են հաշվետու ժամանակաշրջանում համակարգում գրանցված բոլոր Վաճառք (Կտրոն), Վերադարձ գնորդից, Վերադարձ (Կտրոն), Դրամարկղի մուտքի օրդեր և Դրամարկղի ելքի օրդեր փաստաթղթերը:

Այս մատյանը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Մատյանում կընդգրկվեն միայն այդ ժամանակահատվածում գրանցված փաստաթղթերը:
Գործընկեր	Մատյանում կընդգրկվեն միայն նշված գործընկերոջ հետ կապված փաստաթղթերը:
Ապրանքներ և ծառայություններ	Մատյանում կընդգրկվեն միայն նշված ապրանքի կամ ծառայության հետ կապված փաստաթղթերը:
Պահեստ	Մատյանում կընդգրկվեն նշված պահեստի հետ կապված փաստաթղթերը:
Դրամարկղ (ՀԴՄ)	Մատյանում կընդգրկվեն նշված դրամարկղի հետ կապված փաստաթղթերը: Մատյանում ցուցադրվում են այն դրամարկղերի հետ կապված փաստաթղթերը, որոնց տեղեկատուում նշված է ՀԴՄ դրոշակը:
Աշխատակից	Մատյանում կընդգրկվեն միայն նշված աշխատակցի հետ կապված փաստաթղթերը:
Ցույց տալ գումարի բացվածքը	Դրոշակը նշված լինելու դեպքում մատյանում կցուցադրվեն գումարի մարման ձևերի մասին սյուներ:
Ցույց տալ ելքերի գումարները բացասական	Դրոշակը նշված լինելու դեպքում Վերադարձ գնորդից և Վերադարձ (Կտրոն) փաստաթղթերի գումարները կարտացոլվեն բացասական նշանով:
Վիճակ	Փաստաթղթի վիճակը: Նշվում է, թե ինչ վիճակում գտնվող փաստաթղթերն ընդգրկվեն թղթապանակում։ Ընդունում է 0 - Գրանցված կամ սևագիր, 1 - Սևագիր, 2 - Գրանցված, 3 - Հեռացված արժեքները։ Դատարկ լինելու դեպքում կընդգրկվեն բոլոր վիճակներում գտնվող փաստաթղթերը։
Հեղինակ	Մատյանում կընդգրկվեն միայն նշված Հեղինակի փաստաթղթերը: Դաշտը դատարկ լինելու դեպքում կընդգրկվեն բոլոր հեղինակների փաստաթղթերը: Նշում: Եթե Օգտագործողը Ադմինիստրատորի իրավասություն չունի և նրա փաստաթղթերի դրույթներում նշված է Սահմանափակել աշխատանքը այլ օգտագործողներին պատկանող փաստաթղթերի հետ դրոշակը, ապա մատյանի դիալոգ պատուհանում Հեղինակ դաշտը խմբագրվող չէ և մատյանում կցուցադրվեն միայն տվյալ Օգտագործողի կողմից ստեղծված փաստաթղթերը:

Մատյանի սյուները պարունակում են փաստաթղթի հետևյալ դաշտերի տվյալները.

Սյուն	Նշանակություն
Ամսաթիվ	Փաստաթղթի ստեղծման ամսաթիվը:
Փաստաթղթի N	Փաստաթղթի հերթական համարը:
ՀԴՄ կտրոնի N	Փաստաթղթի ՀԴՄ կտրոնի համարը:
Տեսակ	Փաստաթղթի տեսակը:
Արժույթ	Փաստաթղթի արժույթը։ Այս արժեքը բացակայում է որոշ փաստաթղթերի համար, որոնցում արժույթ չի օգտագործվում։
Գումար	Փաստաթղթի Ընդհանուր գումար կամ Գումար դաշտերի արժեքը։
Վիճակ	Փաստաթղթի վիճակը: Փաստաթուղթը կարող է գտնվել Սևագիր, Հեռացված կամ Գրանցված վիճակներում: Ի տարբերություն Գրանցված վիճակի` Հեռացված և Սևագիր վիճակում փաստաթուղթը չի արտացոլվում համակարգի ոչ մի հաշվառման մեջ: Այն ծառայում է միայն փաստաթղթի դաշտերում մուտքագրված արժեքները հիշելու համար: Փաստաթղթերի վիճակը կարելի է փոխել խմբագրման ժամանակ:
Պահեստ	Այս դաշտում լրացվում է փաստաթղթի հետ կապված մուտքի կամ ելքի պահեստը։ Եթե տվյալ փաստաթուղթը առընչություն չունի պահեստի հետ, ապա այս դաշտի արժեքը դատարկ է։
Դրամարկղ	Այս դաշտում լրացվում է տվյալ փաստաթղթում ընտրված դրամարկղը:
Հերթափոխ	Այս դաշտում լրացվում է տվյալ փաստաթղթում ընտրված հերթափոխի համարը:
Տեղեկություն	Այս դաշտում լրացվում է տվյալ փաստաթղթի հետ կապված առավել կարևոր տեղեկություն։
Մեկնաբանություն	Մեկնաբանություն փաստաթղթի վերաբերյալ:
Գործընկեր	Գործընկերոջ կոդը: Եթե տվյալ փաստաթղթի հետ գործընկեր կապված չէ, ապա այս դաշտը դատարկ է մնում:
Գործընկերոջ անվանում	Գործընկերոջ անվանումը: Եթե տվյալ փաստաթղթի հետ գործընկեր կապված չէ, ապա այս դաշտը դատարկ է մնում:
ՀՎՀՀ	Գործընկերոջ ՀՎՀՀ-ն: Եթե տվյալ փաստաթղթի հետ գործընկեր կապված չէ, ապա այս դաշտը դատարկ է մնում:
Աշխատակից	Աշխատակցի կոդը: Եթե տվյալ փաստաթղթի հետ աշխատակից կապված չէ, ապա այս դաշտը դատարկ է մնում:
Անվանում	Աշխատակցի անվանումը: Եթե տվյալ փաստաթղթի հետ աշխատակից կապված չէ, ապա այս դաշտը դատարկ է մնում:
Վերջին օգտագործող	Օգտագործողի անունը: Նշվում է այն օգտագործողի անունը, ով վերջինն է աշխատել (գրանցել կամ խմբագրել) տվյալ փաստաթղթի հետ:
Վերջին փոփոխություն	Փաստաթղթի վերջին խմբագրման ամսաթիվը և ժամը:
Հեղինակ	Նշվում է այն Օգտագործողը, ով ստեղծել է փաստաթուղթը:

Մատյանի ընթացիկ տողի փաստաթղթին վերաբերվող գործողություններն են.

•Ավելացնել. ավելացնել նոր փաստաթուղթ:

•Խմբագրել. խմբագրել փաստաթուղթը

•Դիտել տպելու ձևը. դիտել փաստաթղթի տպվող տեսքը:

•Հեռացնել. հեռացնել փաստաթուղթը:

•Պատճենել. ստեղծվում է նոր նմանատիպ փաստաթուղթ` լրացված ընթացիկ փաստաթղթի տվյալներով:

•Պատմություն. բերվում է հաշվետվություն փաստաթղթի գրանցման և խմբագրման վերաբերյալ: Ցուցադրվում է, թե որ Օգտագործողի կողմից, որ համակարգչից և երբ են կատարվել փոփոխությունները:

•Վերջին կտրոնի կրկնօրինակի տպում. այս հրամանով ՀԴՄ սարքով կարելի է տպել վերջին կտրոնի կրկնօրինակը:

•Կտրոնի ձևանմուշի տպում. այս հրամանով ՀԴՄ սարքով կարելի է տպել ձևանմուշ: Սա կարելի է օգտագործել ՀԴՄ սարքի հետ կապը ստուգելու համար:

Մատյանի վերնագիրը պարունակում է հաշվետու ժամանակահատվածը: Ցանկացած պահի թարմացնել (CTRL+R) սեղմելով` կստանաք նոր, թարմացված մատյանն ըստ այդ ժամանակահատվածի:

ՀԴՄ կտրոններ

ՀԴՄ կտրոններ