Հաշվետվությունը նախատեսված է նշված ամսաթվով կազմակերպությունում առկա ապրանքների մնացորդները ստանալու համար։

Այս հաշվետվությունը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ամսաթիվ	Պարտադիր լրացվող ամսաթիվ տիպի դաշտ է: Հաշվետվության մեջ երևում է ապրանքների առկայությունը տվյալ օրվա դրությամբ։
Պահեստ	Կարելի է նշել մեկ կամ մի քանի պահեստ։ Հաշվետվության մեջ կընդգրկվեն նշված պահեստներում առկա ապրանքները, իսկ դաշտը դատարկ լինելու դեպքում բոլոր պահեստներում առկա ապրանքները։
Խումբ	Եթե դաշտի արժեքը լրացված է, ապա հաշվետվությունում արտացոլվում են միայն տվյալ խմբին պատկանող ապրանքների մնացորդները, հակառակ դեպքում` բոլոր ապրանքների մնացորդները։
Ապրանք	Եթե դաշտի արժեքը լրացված է, ապա հաշվետվությունում արտացոլվում է միայն տվյալ ապրանքի մնացորդները, հակառակ դեպքում` բոլոր ապրանքների մնացորդները։ Եթե Խումբ դաշտի արժեքը լրացված է, ապա ապրանքների ընտրման ցուցակից կարելի է ընտրել միայն տվյալ խմբին պատկանող ապրանքները։
Քանակները ցույց տալ լրացուցիչ չափման միավորով	Դրոշակը նշված լինելու դեպքում հաշվետվությունում ապրանքների առկայությունը բերվում է լրացուցիչ չափման միավորներով։
Ցույց տալ գումարները դրամով (Առանց ԱԱՀ)	Դրոշակը նշված լինելու դեպքում հաշվետվությունում երևում են ապրանքների մեկ միավորի միջինացված ինքնարժեքները և ընդհանուր գումարները` ներկայացված դրամով և առանց ԱԱՀ-ի։
Ցույց տալ գումարները դրամով (Ներառյալ ԱԱՀ)	Դրոշակը նշված լինելու դեպքում հաշվետվությունում երևում են ապրանքների մեկ միավորի միջինացված ինքնարժեքները և ընդհանուր գումարները` ներկայացված դրամով և ներառյալ ԱԱՀ-ն։
Ցույց տալ գումարները USD-ով	Դրոշակը նշված լինելու դեպքում հաշվետվությունում երևում են ապրանքների մեկ միավորի միջինացված ինքնարժեքները և ընդհանուր գումարները` ներկայացված USD-ով։
Ըստ տարբեր խմբաքանակների	Դրոշակը նշված լինելու դեպքում հաշվետվությունը կազմվում է բացված ըստ ապրանքների խմբաքանակների։ Այս դեպքում հաշվետվությունում ավելանում են խմբաքանակի հատկությունները ցույց տվող սյուներ (օգտագործման ժամկետ, երկիր, արտադրող և այլն)։ Այս դրոշակը նշելիս ավտոմատ նշվում է նաև Բացված ըստ պահեստների դրոշակը։ Այս դրոշակը և Ցույց տալ նվազագույնից փոքր քանակները դրոշակները միաժամանակ չեն կարող նշված լինել։
Բացված ըստ պահեստների	Դրոշակը նշված լինելու դեպքում հաշվետվությունում տարբեր պահեստներում գտնվող միևնույն ապրանքը երևում է առանձին տողերով։
Նվազագույն քանակներ	Այստեղ կարելի է նշել հետևյալ` 1 - Ցույց տալ նվազագույնից փոքր քանակները, 2 - Ցույց տալ բոլորը: Ցույց տալ նվազագույնից փոքր քանակները ընտրելու դեպքում հաշվետվությունում երևում են այն ապրանքները, որոնց համար լրացված է Նվազագույն քանակ դաշտը և տվյալ պահին այդ ապրանքի առկայությունը նշված նվազագույն քանակից քիչ է, ինչպես նաև ցուցադրվում են առավելագույն և պատվիրման քանակությունները։ Ցույց տալ բոլորը ընտրելու դեպքում հաշվետվությունում ընդգրկվում են բոլոր ապրանքները և հաշվետվությանն ավելանում են նվազագույն, առավելագույն և պատվիրման քանակները: Նշված տարբերակներից որևէ մեկն ընտրելու դեպքում հաշվետվության կոնտեքստային ցանկում կավելանա Ստեղծել պատվեր մատակարարին հրամանը: Պատվիրման ենթակա քանակները հաշվարկվում են min-max մեթոդի համաձայն. 1. եթե ապրանքի մնացորդը փոքր է նվազագույն (min) քանակից, պատվիրման ենթակա քանակն առաջարկվում է առավելագույն (max) քանակի չափով, 2. եթե ապրանքի մնացորդը գտնվում է նվազագույն (min) և առավելագույն (max) քանակների միջակայքում, ապա պատվիրման ենթակա քանակը որոշվում է հետևյալ կերպ` առավելագույն (max) քանակից հանվում է մնացորդը և գումարվում նվազագույն (min) քանակը:
Ցույց տալ գները ըստ գնի տեսակի	Կարելի է լրացնել կազմակերպությունում գործող որևէ գնի տեսակ, և եթե տվյալ ապրանքն ունի սահմանված այդ տեսակի գին, ապա այն կերևա հաշվետվության մեջ։
Կոդ սյան համար ակտիվացնել հղումները	Դրոշակը նշված լինելու դեպքում հաշվետվության կոնտեքստային ցանկից հնարավոր կլինի բացել ընթացիկ տողի ապրանքի տեղեկատուն:
Ենթագումարներ	Նշված լինելու դեպքում հաշվետվությունը խմբավորվում է ըստ ենթագումարների: Կարող է ընդունել հետևյալ արժեքները. 1 - Պահեստ, 2 - Խումբ, 3 - Ապրանք:

Հաշվետվության ընթացիկ տողի կոնտեքստային ցանկից կարելի է կանչել տվյալ Ապրանքի քարտը։

Ապրանքների մնացորդներ հաշվետվությունից Գների ձևավորում հրամանի միջոցով նշված տողերի համար կարելի է հայտարարել նոր գներ:

Այս հաշվետվությունից կարելի է նաև գրանցել մի քանի տեսակի փաստաթղթեր։ Դրա համար պետք է հաշվետվությունը կանչելիս դիալոգ պատուհանի Պահեստ դաշտում նշել որևէ պահեստ կամ նշել Բացված ըստ պահեստների դրոշակը, որպեսզի հաշվետվության մեջ երևա Պահեստ սյունը։ Այդ դեպքում հաշվետվության կոնտեքստային ցանկում ավելանում է Ստեղծել փաստաթուղթ հրամանը, որի միջոցով կարելի է ստեղծել տարբեր տեսակի փաստաթղթեր:

Հաշվետվությունից կարելի է դրույթների Սարքավորումներ էջում նշված թերմոտպիչով տպել գծիկավոր կոդ (bar code) պարունակող պիտակ։ Դրա համար պետք է կոնտեքստային ցանկից կատարել Տպել պիտակ հրամանը, որը կարելի է կանչել ինչպես ընթացիկ տողի, այնպես էլ նշված տողերի համար։ Հրամանն ընտրելուց հետո պետք է նշել տպվող պիտակների քանակը, ամսաթիվը և գնի տեսակը։

Փնտրել գծ. կոդով հրամանը նախատեսված է հաշվետվությունում ապրանքը գծիկավոր կոդով գտնելու համար: Բացվող պատուհանում լրացվում է գծիկավոր կոդը, Պահպանել նախկին նշումները դրոշակը նշված լինելու դեպքում հերթական ապրանքի գծիկավոր կոդը գտնելիս նշված կմնան նաև նախորդ տողերը: Սկաներով փնտրելու դեպքում կարելի է անմիջապես հաշվետվության պատուհանում կարդալ ապրանքի գծիկավոր կոդը և չօգտվել այս հրամանից:

Ավելացնել սեգմենտին հրամանով ապրանքը կարելի է ավելացնել ապրանքների սեգմենտում:

Պատվերների ձևավորման պարամետրեր (min-max) հրամանով բացվում է համանուն տեղեկատուն` ֆիլտրված տվյալ ապրանքով:

Խմբագրել պատվերների ձևավորման պարամետրեր (min-max) հրամանով կարելի է փոփոխել նվազագույն (min) և առավելագույն (max) քանակները:

Խմբագրել նշվածները հրամանով կարելի է խմբագրել նշված ապրանքների տեղեկատուների դաշտերը:

Ապրանքների մնացորդներ հաշվետվությունից հնարավոր է բացել ընթացիկ տողի ապրանքի տեղեկատուն: Այս հրամանը ակտիվ է, եթե հաշվետվությունը կանչելիս դիալոգ պատուհանում դրվում է Կոդ սյան համար ակտիվացնել հղումները դրոշակը:

b2b.armsoft հարթակի Հրապարակել b2b.armsoft հարթակում հրամանի միջոցով մատակարարմամբ զբաղվող ընկերությունները կարող են իրենց ապրանքացանկը հրապարակել b2b.armsoft հարթակում: