Գնումներ > Մատյաններ > Ստացված հաշիվների մատյան

Մատյանում արտապատկերվում են համակարգ ներմուծված ստացված հարկային հաշիվները:

Այս մատյանը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Մատյանում կընդգրկվեն միայն այդ ժամանակահատվածում գրանցված փաստաթղթերը:
Աղբյուր	Հաշվի ստացման աղբյուրն է` 1-e-Invoicing, 2-Էլ. փոստ:

Մատյանի սյուները պարունակում են փաստաթղթի հետևյալ դաշտերի տվյալները.

Դաշտ	Նշանակություն
Դուրսգրման ամսաթիվ	Հարկային հաշվի դուրսգրման ամսաթիվը:
Մատակարարման ամսաթիվ	Ապրանքների մատակարարման կամ ծառայությունների մատուցման ամսաթիվն է: Այն առաջարկվում է փաստաթղթի հիման վրա Պահեստի մուտքի օրդերի կամ Պահեստի մուտքի օրդեր (Մանրածախի) ստեղծման ժամանակ:
Սերիա և համար	Հարկային մարմնի կողմից ստացված սերիա-համարը:
Գումար	Գումարը` առանց ԱԱՀ-ի:
Գումար ԱԱՀ	ԱԱՀ-ի գումարը:
Ընդհանուր գումար	Գումարը` ներառյալ ԱԱՀ:
Հարկային հաշվի տեսակ	Հարկային հաշվի տեսակն է (Ակցիզային հարկով հարկվող ապրանքների հարկային հաշիվ,Ապրանքերի մատակարարման հարկային հաշիվ,Ծառայությունների մատուցման, աշխատանքների կատարման հարկային հաշիվ), որն առաջարկում է e-Invoicing ծրագիրը:
Ստեղծված փաստաթղթերի քանակը	Ստացված հարկային հաշվի հիման վրա ստեղծված փաստաթղթերի քանակը:

Մատյանի ընթացիկ տողի փաստաթղթին վերաբերվող գործողություններն են.

•Դիտել տպելու ձևը. դիտել փաստաթղթի տպվող տեսքը:

•Խմբագրել. խմբագրել փաստաթուղթը:

•Հեռացնել. հեռացնել փաստաթուղթը:

•Ստեղծել պատճեն. ստեղծվում է նոր նմանատիպ փաստաթուղթ` լրացված ընթացիկ փաստաթղթի տվյալներով:

•Փաստաթղթի պատմություն. բերվում է հաշվետվություն փաստաթղթի գրանցման և խմբագրման վերաբերյալ: Ցուցադրվում է, թե որ Օգտագործողի կողմից և երբ են կատարվել փոփոխությունները:

•Ստեղծել փաստաթղթի հիման վրա. Փաստաթղթի հիման վրա կարելի է ստեղծել Պահեստի մուտքի օրդեր կամ Պահեստի մուտքի օրդեր (Մանրածախ) փաստաթղթերը:

•Ստեղծված փաստաթղթեր. հրամանով կարելի է տեսնել այդ փաստաթղթի հիման վրա ստեղծված փաստաթղթերը:

Ստացված հաշիվ փաստաթղթի պատուհանը բաղկացած է մի քանի էջերից, որոնցից խմբագրման ենթակա է միայն Անվանացուցակ էջը:

Գլխավոր մասի դաշտերը հետևյալն են.

Դաշտ	Նշանակություն
Մատակարարման ամսաթիվ	Պահեստի մուտքի օրդերի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Մատակարարի անվանում	Մատակարարի անվանումը:
ՀՎՀՀ	Մատակարարի հարկ վճարողի հաշվառման համարը:

Առաջին էջում լրացվում են փաստաթղթի ընդհանուր վավերապայմանները.

Accounting.Journals.ReceivedTaxInvoices1

Այս էջում փաստաթղթի վավերապայմանները լրացվում են XML ֆայլից: Լրացվում են հետևյալ դաշտերը.

Դաշտ	Նշանակություն
Դուրս գրման ամսաթիվ	Հաշիվ-Ապրանքագրի ստեղծման ամսաթիվը:
Հարկային հաշվի ձև	Հարկային հաշվի ձևն է (Հարկ վճարողի անունից, Հատուկ և Մատակարարի անունից), որն առաջարկում է e-Invoicing ծրագիրը:
Սերիա և համար	Հարկային մարմնի կողմից ստացված սերիա-համարը:
Մեկնաբանություն	Մեկնաբանություն փաստաթղթի վերաբերյալ:
Պայմանագիր	Պայմանագրի համարը:
Պայմանագրի ամսաթիվը	Պայմանագրի կնքման ամսաթիվը:

Ստացված հարկային հաշիվներ փաստաթղթի պատուհանի երկրորդ էջում լրացվում են առաքողի կամ մատակարարի տվյաները: Այդ դաշտերի արժեքները լրացվում են XML ֆայլի տվյալների հիման վրա: Այս էջի դաշտերը խմբագրման ենթակա չեն: Լրացվում են հետևյալ դաշտերը.

Accounting.Journals.ReceivedTaxInvoices2

Դաշտ	Նշանակություն
Իրավ. հասցե	Կազմակերպության իրավաբանական հասցեն:
Գործ. հասցե	Կազմակերպության գործունեության իրականացման վայրի հասցեն:
Հաշվարկային հաշիվը բանկում	Հաշվարկային հաշվի համարը բանկում:
Բանկ	Մատակարարի բանկը:
Մեկնաբանություն	Մեկնաբանություն մատակարարի վերաբերյալ:

Երրորդ էջի դաշտերը նույնությամբ կրկնում են Մատակարար էջի դաշտերը, բացառությամբ Անձնագրի համար, Միջնորդ, Լիազորագիր և Լիազորագրի ամսաթիվ դաշտերի: Առաջինը լրացվում է այն դեպքում, երբ գնորդ է հանդիսանում անհատ ձեռնարկատերը կամ ֆիզիկական անձը, մնացած երեքը լրացվում են, եթե գործողությունը իրականացվում է միջնորդի օգնությամբ:

Accounting.Journals.ReceivedTaxInvoices3

Փաստաթղթի չորրորդ էջում լրացված բերում է ձեռքբերվող ապրանքների անվանացուցակը (Ցուցակ): Սա փաստաթղթի միակ էջն է, որը կարելի խմբագրել:

Accounting.Journals.ReceivedTaxInvoices4

Ցուցակում Տեղադրել կոդերը հրամանով կարելի է ավտոմատ համապատասխանեցնել ապրանքների (ծառայությունների) կոդերը Ապրանքներ և ծառայություններ տեղեկատուից` հիմք ընդունելով Արտաքին անվանում դաշտի արժեքը: Իսկ այն ապրանքները (ծառայությունները), որոնք չկան տեղեկատուում կարլեի է անմիջապես այս պատուհանից ավելացնել դրանք` Ավելացնել նոր կոդեր հրամանի միջոցով:

Ցուցակում ընթացիկ տողի մուտքի դաշտերը ունեն հետևյալ նշանակությունը.

Դաշտ	Նշանակություն
Տեսակ	Ցույց է տալիս ցուցակում մուտքագրվող կամ խմբագրվող տողը ապրանք է, թե ծառայություն:
Ներքին կոդ	Ապրանքի կամ ծառայության կոդը:
Ներքին անվանում	Ապրանքի կամ ծառայության անվանումը տեղեկատուից:
Ներքին միավոր	Ապրանքի կամ ծառայության չափման միավորը տեղեկատուից:
Արտաքին անվանում	Մատակարարից ստացված հաշվի մեջ Ապրանքի կամ ծառայության անվանումը:
Արտաքին միավոր	Մատակարարից ստացված հաշվի մեջ Ապրանքի կամ ծառայության չափման միավորը:
Քանակ	Ապրանքի կամ ծառայության ծավալը:
Գին / Գին արտարժ.	Ապրանքի կամ ծառայության վաճառքի գինը (առանց ԱԱՀ) ազգային դրամով կամ արտարժույթով: Եթե արժույթն ազգային դրամն է, ապա դաշտի անվանումը Գին է, հակառակ դեպքում` Գին արտարժ.:
Գումար / Գումար արտ.	Ապրանքի կամ ծառայության գումարը (առանց ԱԱՀ) դրամով կամ արտարժույթով: Եթե արժույթն ազգային դրամն է, ապա դաշտի անվանումը Գումար է, հակառակ դեպքում` Գումար արտ.:
ԱԱՀ-ի %	Նշվում է ԱԱՀ-ի դրույքաչափը:
Գումար ԱԱՀ	Ապրանքի կամ ծառայության գումարի ԱԱՀ-ի չափը:
Ընդամենը	Ապրանքի կամ ծառայության ընդհանուր գումարը:

Հարկային հաշվի տեսակն Ակցիզային լինելու դեպքում ավելանում են սյուներ, որոնք ունեն հետևյալ նշանակությունը`

Դաշտ	Նշանակություն
Ընդհանուր ծավալը լիտրերով	Լիտրերով չափվող նյութական արժեքների դեպքում լրացվում է ընդհանուր ծավալը լիտրերով:
Բազմ. օգտ. տարայի արժեքը	Բազմակի օգտագործման տարայի արժեքը:
Ակց. հարկի դրույքաչափը	Նշվում է ակցիզային հարկի դրույքաչափը:
Ակց. հարկի գումարը	Նշվում է ակցիզային հարկի գումարը:

Ստացված հարկային հաշիվներ փաստաթղթի հիման վրա կարելի է ստեղծել Պահեստի մուտքի օրդեր կամ Պահեստի մուտքի օրդեր (Մանրածախ) փաստաթղթերը: Այդ դեպքում Պահեստի մուտքի օրդերում լրացվում է Ստացված հարկային հաշիվ համապատասխան դաշտերի տվյալները: Ստացված հարկային հաշիվ փաստաթղթի հիման վրա համապատասխան փաստաթուղթը ստեղծելու համար պետք է հարկային հաշիվների մատյանում տվյալ Ստացված հարկային հաշվի կոնտեքստային ցանկից ընտրել Ստեղծել փաստաթղթի հիման վրա... հրամանը:

Տես ավելին`

Ինչպե՞ս ներմուծել Էլեկտրոնային եղանակով ստացված հարկային հաշիվները ՀԾ-Առևտուր 6 համակարգ