Հաշվետվությունը նախատեսված է կոնկրետ ժամանակահատվածում Գնորդների ընդհանուր շարժի վերաբերյալ քաղվածքը ստանալու համար: Հաշվետվությունը ստեղծելու համար բերվող երկխոսության պատուհանն ունի հետևյալ դաշտերը.
Դաշտ |
Նշանակություն |
Ժամանակահատված |
Պարտադիր լրացվող Ամսաթիվ տիպի դաշտերի զույգ է: Հաշվետվության մեջ երևում է նշված ժամանակահատվածում նշված գնորդի շրջանառությունը: |
Գնորդ |
Պարտադիր լրացվող դաշտ է: Դաշտին կից ընտրման ցուցակում առաջարկվում են Տեղեկատուների ձևավորում ենթահամակարգի Գնորդներ տեղեկատուում սահմանված արժեքները։ Հաշվետվության մեջ երևում է նշված ժամանակահատվածում նշված գնորդի շրջանառությունը: |
Բաժին |
Կարելի է նշել մեկ բաժին։ Դաշտին կից ընտրման ցուցակում առաջարկվում են Տեղեկատուների ձևավորում ենթահամակարգի Բաժիններ տեղեկատուում սահմանված արժեքները։ Դաշտի արժեքը լրացված լինելու դեպքում հաշվետվությունում արտացոլվում են միայն տվյալ բաժնի(ների), հակառակ դեպքում` բոլոր բաժինների վերաբերյալ գնորդի ընդհանրացված քաղվածքը։ Բաժին դաշտը տեսանելի է, եթե ծրագրի Դրույթների Ընդհանուր էջի Բաժինների հաշվառում ստուգավանդակը նշված է։ |
Մանրամասն |
Ստուգավանդակը նշելու դեպքում Գնորդի Քաղվածքում առանձին տողերի տեսքով կարտացոլվեն ժամանակահատվածի սկզբի և ժամանակահատվածի վերջի ամսաթվի դրությամբ Գնորդի Պարտքը, Կանխավճարի և Վերադարձի մնացորդները, ինչպես նաև տվյալ ժամանակահատվածում իրականացված Մարումները՝ կանխավճարի և(կամ) վերադարձի հաշվին: Ստուգավանդակը չնշելու դեպքում Մնացորդները քաղվածքում կերևան մեկ թվի տեսքով` Պարտք - Կանխավճար - Վերադարձ: |
Ցույց տալ մնացորդն օրվա վերջում |
Ստուգավանդակը նշելու դեպքում Քաղվածքում յուրաքանչյուր օրվա վերջում կնշի տվյալ օրվա դրությամբ Գնորդի մնացորդը: |
Հաշվետվության ընթացիկ տողին վերաբերող գործողություններն են.
•Բացել. բացել/խմբագրել ընթացիկ փաստաթուղթը:
•Դիտել տպելու ձևը. դիտել ընթացիկ փաստաթղթի տպվող տեսքը:
•Հեռացնել․ հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Բացել թղթապանակը․ բացել տվյալ փաստաթղթի թղթապանակը։