Փաստաթուղթը նախատեսված է որևէ Գնորդի կամ Գնորդի խմբին պատկանող գնորդների համար ապրանքի գների գրանցման և խմբագրման համար։
Գրանցված գներն օգտագործվում են փաստաթղթերի մուտքագրման և հաշվետվությունների ձևավորման ժամանակ։ Փաստաթղթեր ձևակերպելիս, եթե տվյալ Գնորդի համար փաստաթղթի ամսաթվի դրությամբ համակարգում առկա է գործող Գնորդի գնացուցակ փաստաթուղթ, ապա համակարգն ավտոմատ լրացնում է տվյալ Գնորդի գնացուցակի գինը, այլ ոչ թե Գնորդ տեղեկատուին կցված Գնացուցակի տեսակով սահմանված գինը։
Գնորդի գնացուցակ փաստաթուղթը հնարավոր է ստեղծել նաև Գնորդների գնացուցակների փոփոխում մատյանից։
Փաստաթուղթը համակարգում տեսանելի է, եթե նշված է Դրույթների Ընդհանուր էջի Գնորդի գնացուցակի օգտագործում ստուգավանդակը:
Փաստաթղթի Գլխավոր մասը պարունակում է հետևյալ դաշտերը.
Դաշտ |
Նշանակություն |
Փաստաթղթի N |
Գնորդների գնացուցակ փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ բաժնում: |
Ամսաթիվ |
Պարտադիր լրացվող ամսաթիվ տիպի դաշտ է: Սահմանվում է Գնորդների գնացուցակ փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը: |
Գործում է մինչև |
Ամսաթիվ տիպի դաշտ է: Սահմանվում է Գնորդների գնացուցակ փաստաթղթի փակման ամսաթիվը: |
Մեկնաբանություն |
Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից։ |
Գնորդների գնացուցակ փաստաթղթի տեսքը հետևյալն է.
Ապրանքներ աղյուսակում լրացվում է գնորդի տեսակը (Գնորդի խումբ կամ Գնորդ տարբերակներից մեկը), գնորդը/խումբը՝ կախված գնորդի տեսակ սյան արժեքից, գնորդի/խմբի անվանումը, ապրանքը, ապրանքի անվանումը, չափման միավորը, գինը: Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:
Գնորդների գնացուցակ թղթապանակի ընթացիկ տողին վերաբերող գործողություններն են․
•Ավելացնել. ավելացնել նոր փաստաթուղթ:
•Բացել. բացել/խմբագրել փաստաթուղթը:
•Դիտել տպելու ձևը. դիտել փաստաթղթի տպվող տեսքը:
•Հեռացնել. հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Պատմություն. բերվում է հաշվետվություն փաստաթղթի գրանցման և խմբագրման վերաբերյալ:
Նշում |
Գնորդների գնացուցակ փաստաթուղթը կարելի է ներմուծել MS Excel-ի CustomersPricelist.xlsm ֆայլի միջոցով, որը գտնվում է ImportTemplates գրադարանում (Օրինակ՝ C:\Program Files (x86)\Armenian Software\AS-Sales Management 7\ImportTemplates): |