Փաստաթուղթը նախատեսված է ապրանքի գների գրանցման և խմբագրման համար։ Յուրաքանչյուր ապրանքի համար տարբեր գնացուցակի տեսակների դեպքում կարելի է սահմանել տարբեր գներ։ Կազմակերպությունում գործող գների տեսակները նկարագրվում են Գնացուցակի տեսակներ տեղեկատուում։
Գրանցված գներն օգտագործվում են փաստաթղթերի մուտքագրման և հաշվետվությունների ձևավորման ժամանակ։ Փաստաթղթերում ապրանքների տվյալների մուտքագրման ժամանակ համակարգն ավտոմատ լրացնում է նշված տեսակի գինը, որը գործում է փաստաթղթի ամսաթվի դրությամբ։
Գնացուցակ փաստաթուղթը հնարավոր է ստեղծել նաև Գների փոփոխում մատյանից։
Փաստաթղթի Գլխավոր մասը պարունակում է հետևյալ դաշտերը.
Դաշտ |
Նշանակություն |
Փաստաթղթի N |
Գնացուցակ փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ բաժնում: |
Գնացուցակի տեսակ |
Գնացուցակ փաստաթղթի Գնացուցակի տեսակը։ Կարող է ընդունել արժեքներ Գնացուցակի տեսակներ տեղեկատուից։ Պարտադիր լրացվող դաշտ է։ |
Ամսաթիվ |
Պարտադիր լրացվող ամսաթիվ տիպի դաշտ է: Սահմանվում է Գնացուցակ փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը: |
Գործում է մինչև |
Ամսաթիվ տիպի դաշտ է: Սահմանվում է Գնացուցակ փաստաթղթի փակման ամսաթիվը: |
Մեկնաբանություն |
Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից։ |
Գնացուցակ փաստաթղթի տեսքը հետևյալն է.
Ապրանքներ աղյուսակում լրացվում է ապրանքի կոդը, անվանումը, չափման միավորը և գինը: Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:
Գնացուցակ թղթապանակի ընթացիկ տողին վերաբերող գործողություններն են․
•Ավելացնել. ավելացնել նոր փաստաթուղթ:
•Բացել. բացել/խմբագրել փաստաթուղթը:
•Դիտել տպելու ձևը. դիտել փաստաթղթի տպվող տեսքը:
•Հեռացնել. հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Պատմություն. բերվում է հաշվետվություն փաստաթղթի գրանցման և խմբագրման վերաբերյալ։
Նշում |
Գնացուցակ փաստաթուղթը կարելի է ներմուծել MS Excel-ի Pricelist.xlsm ֆայլի միջոցով, որը գտնվում է ImportTemplates գրադարանում (Օրինակ՝ C:\Program Files (x86)\Armenian Software\AS-Sales Management 7\ImportTemplates): |