Ուղղորդիչ:  Պահեստ > Հաշվետվություններ > ՆԱ T-հաշիվ

ՆԱ T-հաշիվ հաշվետվությունը նախատեսված է որևԷ նյութական արժեքի հետ առընչվող գործողությունների վերաբերյալ T-հաշիվ ձևով տեղեկատվություն ստանալու համար: Հաշվետվությունը ստեղծելու համար բերվող դիալոգ պատուհանը ունի հետևյալ դաշտերը.

 

T-հաշիվ ձևով արտապատկերվում են ընտրված նյութական արժեքի մնացորդը նշված ժամանակահատվածի սկզբում, այնուհետև` յուրաքանչյուր տողում երևում են այդ նյութական արժեքի դեբետային և կրեդիտային շրջանառությունն ըստ գործողությունների, որոնք գրանցվել են այդ ժամանակահատվածում, իսկ վերջում արտապատկերվում է նյութական արժեքի մնացորդն այդ ժամանակահատվածի վերջում: Տեղեկանքում արտապատկերված են նաև հետևյալ տվյալները. գործառնության ամսաթիվը, թղթակցող գործընկերը կամ պահեստը, նյութական արժեքի գինը, քանակը, վերջինիս դիրքով է որոշվում ընտրված նյութական արժեքը մուտք է արվել, թե ելք: Էկրանի հաջորդ դրվագում արտապատկերված են փաստաթղթի համարը, նյութական արժեքի վաճառքի գինը և գումարային շարժը:

T-հաշիվ հաշվետվության յուրաքանչյուր տողի կոնտեքստային ցանկի համապատասխան հրահանգն ընտրելով` կարելի է խմբագրել, հեռացնել կամ պատճենել այն փաստաթուղթը, որի միջոցով գրանցվել է տվյալ գործողությունը:  

T-հաշիվ հաշվետվությունը կարելի է կանչել նաև Տեղեկանք ՆԱ առկայության մասին և ՆԱ շրջանառության մատյան հաշվետվությունների վրայից բացվող կոնտեքստային ցանկից: Վերջին երկու դեպքերում T-հաշիվ ձևով հաշվետվությունը կարելի է ստեղծել նաև նշված տողերի համար, որի ժամանակ հաշվետվությունը ստեղծելու համար բերվող դիալոգ պատուհանից բացակայում են Նյութական արժեք և Պահեստ դաշտերը, քանի որ այդ դաշտերի արժեքները ստացվում են համապատասխան տողերից: Ցանկացած պահի թարմացնել կոճակը (CTRL+R) սեղմելով` կստանաք նոր, թարմացված T-հաշիվ հաշվետվությունը նույն այն պարամետրերով, որոնք ընտրված էին դիալոգ պատուհանում:

T-հաշիվ հաշվետվությունը կարելի արտահանել Excel` Ժապավենի համապատասխան կոճակը սեղմելով: