Ուղղորդիչ:  Արագամաշ առարկաներ > Փաստաթղթեր > Շահագործվող ԱԱ-ների լուծարում

Շահագործվող ԱԱ-ների լուծարում փաստաթուղթը օգտագործվում է արագամաշ առարկաների շահագործումից դուրսգրման համար: Այս փաստաթուղթը բաղկացած է 2 էջերից` Ընդհանուր և Գործառնություններ:

Գլխավոր մասում լրացվում են հետևյալ դաշտերը.

 

Ընդհանուր էջի տեսքը հետևյալն է.

 

Այս էջում լրացվում է դուրս գրվող արագամաշ առարկաների ցուցակը: Այդ ցուցակը լրացնելուց առաջ, նախօրոք պետք է լրացնել Գտնվելու վայր և Նյութ. պատասխ. անձ դաշտը, քանի որ արագամաշ առարկաների ցուցակը լրացնելիս դրանք անհրաժեշտ են: Արագամաշ առարկաների ցուցակի սյուների նշանակությունը հետևյալն է.

 

 

Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու  և հեռացնելու կոճակներ:

Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում: 

Տողի խմբագրումը կատարվում է տողի վրայից: Նոր տող ավելացնելիս պետք է ընտրել արագամաշ առարկայի կոդը, որից ելնելով համակարգն ավտոմատ լրացնում է Անվանում և Չափման միավոր դաշտը: Այնուհետև պետք է նշել դուրս գրվող արագամաշ առարկայի քանակը: Ըստ այդ քանակի, համակարգը հաշվի առնելով արագամաշ առարկայի հաշվառման կամ ծախսի մեթոդը, որոշում է, թե արագամաշ առարկայի առկա քանակներից ո՞ր հաշվառման գներից ի՞նչ քանակությամբ պետք է դուրս գրվի, և ըստ այդմ էլ գրանցումից հետո ավտոմատ հաշվարկվում է Գումար դաշտը: Տվյալ արագամաշ առարկայի առկայությունից ըստ հաշվառման մեթոդի ընտրված քանակները մանրամասն արտապատկերվում են Խմբաքանակ (Ելքի սպեցիֆիկացիա) պատուհանում: Այս պատուհանի ցուցակի տողերում երևում են ընտրված արագամաշ առարկայի առկայությունը տվյալ պահին` ըստ մուտքի ամսաթվի, հաշվառման գնի, ելքագրվող քանակի, հաշվի և մուտքի փաստաթղթի:

Ընթացիկ տողը խմբագրելիս թույլատրվում է խմբագրել Կոդ, Քանակ և Խմբաքանակ դաշտերը: Ցուցակում նույն արագամաշ առարկան կարելի է գրանցել մեկից ավելի անգամ:

Ցուցակում պահանջվող տողերը գտնելու համար օգտագործվում է Փնտրել հրամանը` սեղմելով CTRL+F: Աշխատանքը Փնտրել պատուհանի հետ նկարագրված է Ֆիլտր բաժնում: Փնտրման արդյունքում գտնված տողը դառնում է ընթացիկ և գունանշվում է:

Գործառնություններ էջի տեսքը հետևյալն է.

Այս էջում ձևակերպվում են փաստաթղթի գործառնությունները: Գործառնություններ էջում նախատեսված են հետևյալ արագ հասանելի կոճակները.

Խմբագրման ռեժիմին անցնելով` լրացված գործառնության տողի ցանկացած դաշտ, բացի Գումար դրամով սյունից, կարելի է խմբագրել, իսկ Գումար դրամով սյունն ավտոմատ հաշվարկվում է Գումար արժույթ և Արժույթ սյուների հիման վրա:

Շահագործվող ԱԱ-ների լուծարում փաստաթուղթը գրանցվում է Հիշել  , Հիշել և փակել  , Հիշել և նոր   կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, Հիշել կոճակը սեղմելիս փաստաթուղթը գրանցվում է և ավտոմատ բացվում խմբագրման համար, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական նոր փաստաթուղթը: Վերջին դեպքում որոշ դաշտեր, ինչպես նաև արագամաշ առարկաների ցուցակը և գործառնությունները, դատարկվում են, իսկ որոշ դաշտեր էլ մնում են անփոփոխ, որոնք հերթական փաստաթղթի համար կարելի է խմբագրել: Սևագիր  կոճակի միջոցով փաստաթուղթը հիշվում է սևագիր վիճակում, այսինքն այն չի արտացոլվում համակարգի ոչ մի հաշվառման մեջ: Դա ծառայում է միայն փաստաթղթի դաշտերում մուտքագրված արժեքները հիշելու, իսկ այնուհետև փաստաթուղթը լրացուցիչ ստուգելուց հետո գրանցելու համար:

 

Տես ավելին`

Գործառնություն գրանցելիս կամ հեռացնելիս կարմրում է հաշվի մնացորդը