Պահեստ > Փաստաթղթեր > Ապակոմպլեկտավորում

Համակարգում թույլատրվում է կոմպլեկտ հանդիսացող ապրանքները բաժանել բաղադրամասերի։ Այդ գործողությունն իրականացվում է Ապակոմպլեկտավորում փաստաթղթի միջոցով։ Բաժանման գործողության արդյունքում պահեստ են մուտքագրվում որոշ քանակությամբ կոմպլեկտի բաղադրամասեր և ելքագրվում են տրված քանակությամբ կոմպլեկտներ։ Փաստաթղթի գրանցման ժամանակ կոմպլեկտը ելքագրվում է ինքնարժեքով։ Բաղադրամասերը մուտքագրվում են արժեքներով, որոնք հաշվարկվում են բաղադրամասերի գնային գործակիցների հարաբերությունների հիման վրա։ Այս գործողությունը կատարելու համար անհրաժեշտ է նախօրոք նկարագրել կոմպլեկտը` նշելով բաղադրամասերի Գնի մաս գործակիցները։ Կոմպլեկտը նկարագրվում է Ապրանքներ և ծառայություններ տեղեկատուի` ընթացիկ տողի կոնտեքստային ցանկից` Կոմպլեկտի բաղադրամասեր հրամանի միջոցով։

Դիտարկենք այս հաշվարկը պարզաբանող մի օրինակ։ Դիցուք կոմպլեկտը բաղկացած է երկու բաղադրամասից։ Բաղադրամասերից մեկի Գնի մաս գործակիցը հավասար է 10-ի, իսկ մյուսինը` 20։ Եթե ապակոմպլեկտավորման ժամանակ կոմպլեկտի ինքնարժեքը հավասար է 4500 դրամի, ապա բաղադրամասերը կմուտքագրվեն պահեստ` համապատասխանաբար 1500=4500x10/(10+20) և 3000=4500x20/(10+20) դրամ գներով (պահպանվում է հարաբերությունը գործակիցների միջև 1։2)։

Ապակոմպլեկտավորում փաստաթուղթը գրանցելիս կարելի է ավելացնել կամ պակասեցնել նախօրոք նկարագրված բաղադրամասերը։

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Ապակոմպլեկտավորում փաստաթղթի գույքագրում փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Ապակոմպլեկտավորում փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Պահեստ ելքի	Պահեստը, որտեղից ելքագրվում է կոմպլեկտը:
Պահեստ մուտքի	Պահեստը, որտեղ մուտքագրվում են կոմպլեկտի բաղադրամասերը։
Գծիկավոր կոդ (F2)	Ապրանքի գծիկավոր կոդը, օգտագործվում է անվանացուցակում նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Փաստաթղթի տեսքը հետևյալն է.

Warehouse_Documents_UnComplectation

Դաշտ	Նշանակություն
Կոմպլեկտ	Կոմպլեկտի կոդը:
Միավոր	Կոմպլեկտի չափման միավորը, որի համար մուտքագրվում է քանակը:
Քանակ	Ելքագրվող ապրանքի (կոմպլեկտի) քանակը:
Խմբաքանակ	Այս դաշտում լրացվում է ելքագրվող կոմպլեկտի խմբաքանակը: Կարող է լինել Ավտոընտրություն, եթե ընտրված չէ խմբաքանակ, կամ Ընտրված է խմբաքանակ, եթե կատարվել է խմբաքանակի ընտրություն:
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։
Հեղինակ	Նշվում է Փաստաթուղթը ստեղծող Օգտագործողը: Դաշտը առկա է և ենթակա է խմբագրման, եթե Օգտագործողի Փաստաթղթերի դրույթներում նշված չէ Սահմանափակել աշխատանքը այլ օգտագործողներին պատկանող փաստաթղթերի հետ դրոշակը:

Կոմպլեկտի բաղադրամասեր ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Լրացնել կոճակը սեղմելիս Կոմպլեկտի բաղադրամասեր ցուցակը լրացվում է, այն կարելի է փոփոխել` ավելացնելով, հեռացնելով կամ խմբագրելով տողերը:

Կոմպլեկտի բաղադրամասեր աղյուսակն ունի հետևյալ սյուները.

Սյուն	Նշանակություն
Կոդ	Ապրանքի կոդն է։
Անվանում	Ապրանքի անվանումն է։
Միավոր	Լրացվում է բաղադրամասի այն չափման միավորը, որով այդ ապրանքը մտնում է կոմպլեկտի մեջ։
Քանակ	Ապրանքի քանակը։ Այս թիվը հավասար է կոմպլեկտի մեջ տվյալ բաղադրամասի քանակի և կոմպլեկտների քանակի արտադրյալին։
Գնի մաս	Լրացվում է կոմպլեկտի մեջ նկարագրված բաղադրամասի Գնի մաս գործակիցը։
Գումարի մաս	Այս դաշտը հավասար է Քանակ և Գնի մաս դաշտերի արտադրյալին։
Հատկություն 1	Նշվում է կոմպլեկտի Հատկություն 1-ի արժեքը, որը պետք է լրացված լինի հատկությունների արժեքներ տեղեկատուում:
Հատկություն 2	Նշվում է կոմպլեկտի Հատկություն 2-ի արժեքը, որը պետք է լրացված լինի հատկությունների արժեքներ տեղեկատուում:

Նշում
Ապակոմպլեկտավորում փաստաթուղթը կարելի է ներմուծել MS Excel-ի MTDecomplectationGroupImport.xlsm ֆայի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Trade\Import):