Պահեստ > Փաստաթղթեր > Կոմպլեկտավորում

Համակարգում իրականացված է ապրանքների համեմատաբար պարզ արտադրություն (հավաքում)։ Այդ գործողությունն իրականացվում է Կոմպլեկտավորում փաստաթղթի միջոցով։ Հավաքման գործողության արդյունքում պահեստ են մուտքագրվում տրված քանակությամբ ապրանքներ (կոմպլեկտ) և ելքագրվում են որոշ քանակությամբ ապրանքներ (կոմպլեկտի բաղադրամասեր)։ Փաստաթղթի գրանցման ժամանակ բաղադրամասերը ելքագրվում են ինքնարժեքով։ Կոմպլեկտը մուտքագրվում է արժեքով, որը հավասար է բաղադրամասերի ինքնարժեքների հանրագումարը բաժանած մուտքագրվող կոմպլեկտների քանակին։ Այս գործողությունը կատարելու համար անհրաժեշտ է նախօրոք նկարագրել կոմպլեկտը։ Կոմպլեկտը նկարագրվում է Ապրանքներ և ծառայություններ տեղեկատուի ընթացիկ տողի կոնտեքստային ցանկից` Կոմպլեկտի բաղադրամասեր հրամանի միջոցով։ Կոմպլեկտավորում փաստաթուղթը գրանցելիս կարելի է ավելացնել կամ պակասեցնել նախօրոք նկարագրված բաղադրամասերը։

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Կոմպլեկտավորում փաստաթղթի գույքագրում փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Կոմպլեկտավորում փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Պահեստ ելքի	Պահեստը, որտեղից ելքագրվում են կոմպլեկտի բաղադրամասեր հանդիսացող ապրանքները։
Պահեստ մուտքի	Պահեստը, որտեղ մուտքագրվում է կոմպլեկտը։
Գծիկավոր կոդ (F2)	Ապրանքի գծիկավոր կոդը, օգտագործվում է անվանացուցակում նոր տող գրանցելու համար: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Փաստաթղթի տեսքը հետևյալն է.

Warehouse_Documents_Complectation

Դաշտ	Նշանակություն
Կոմպլեկտ	Ապրանքը, որն անհրաժեշտ է կոմպլեկտավորել (հավաքել): Ընտրման ցուցակում առաջարկվում են միայն կոմպլեկտ հանդիսացող ապրանքները, այսինքն` այն ապրանքները, որոնց համար նկարագրված են կոմպլեկտի բաղադրամասեր:
Միավոր	Կոմպլեկտի չափման միավորը, որի համար մուտքագրվում է քանակը:
Քանակ	Կոմպլեկտավորվող (հավաքվող) ապրանքի (կոմպլեկտի) քանակը:
Օգտ. ժամկետ	Նշվում է Կոմպլեկտի օգտագործման ժամկետը:
Երկիր	Նշվում է ապրանքն արտադրող երկիրը, որը պետք է լրացված լինի Երկրներ տեղեկատուում:
Արտադրող	Նշվում է ապրանքի արտադրողը, որը պետք է լրացված լինի Արտադրողներ տեղեկատուում:
Հատկություն 1	Նշվում է կոմպլեկտի Հատկություն 1-ի արժեքը, որը պետք է լրացված լինի հատկությունների արժեքներ տեղեկատուում:
Հատկություն 2	Նշվում է կոմպլեկտի Հատկություն 2-ի արժեքը, որը պետք է լրացված լինի հատկությունների արժեքներ տեղեկատուում:
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Արտահայտություններ տեղեկատուից։
Հեղինակ	Նշվում է Փաստաթուղթը ստեղծող Օգտագործողը: Դաշտը առկա է և ենթակա է խմբագրման, եթե Օգտագործողի Փաստաթղթերի դրույթներում նշված չէ Սահմանափակել աշխատանքը այլ օգտագործողներին պատկանող փաստաթղթերի հետ դրոշակը:

Պատուհանի մյուս դաշտերը լրացվում են Խմբաքանակի հատկությունները` ըստ անհրաժեշտության:

Կոմպլեկտի բաղադրամասեր ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:
Լրացնել կոճակը նախատեսված է ցուցակում կոմպլեկտի բաղադրամասերը լրացնելու համար:
Կոմպլեկտի բաղադրամասեր աղյուսակն ունի հետևյալ սյուները.

Սյուն	Նշանակություն
Կոդ	Ապրանքի կոդն է։
Անվանում	Ապրանքի անվանումն է։
Միավոր	Լրացվում է տվյալ ապրանքի հիմնական չափման միավորը։
Քանակ	Ապրանքի քանակը։ Այս թիվը հավասար է կոմպլեկտի մեջ տվյալ բաղադրամասի քանակի և կոմպլեկտների քանակի արտադրյալին։
Գումար	Ապրանքի գումարը: Այս դաշտի արժեքը հավասար է տվյալ բաղադրամասի գնի և Քանակ դաշտում նշված քանակի արտադրյալին: Ցուցակը լրացնելիս այս դաշտում երևում է 0, եթե խմբաքանակը նշված է Ավտոընտրություն: Գումարներն արձանագրվում են ցուցակում փաստաթուղթը գրանցելուց հետո:
Խմբաքանակ	Այս դաշտում լրացվում է ելքագրվող ապրանքի խմբաքանակը: Կարող է լինել Ավտոընտրություն, եթե ընտրված չէ խմբաքանակ, կամ Ընտրված է խմբաքանակ, եթե կատարվել է խմբաքանակի ընտրություն:

Նշում
Կոմպլեկտավորում փաստաթուղթը կարելի է ներմուծել MS Excel-ի ComplectationGroupImport.xlsm ֆայի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Trade\Import):