Ապրանքի յուրաքանչյուր չափման միավորի համար կարելի է ունենալ մեկից ավելի գծիկավոր կոդեր: Օրինակ` միևնույն գրիչի տարբեր գույներն ունեն տարբեր Գծիկավոր կոդեր:

Այս տեղեկատուում արտացոլվում են ապրանքների բոլոր չափման միավորների համար սահմանված բոլոր գծիկավոր կոդերը:

Գծիկավոր կոդեր տեղեկատուն ունի հետևյալ դաշտերը.

Դաշտ	Նշանակություն
Ապրանք կամ ծառայություն	Ապրանքի կամ ծառայության կոդը։ Պարտադիր լրացվող դաշտ է:
Չափման միավոր	Չափման միավորի անվանումը: Պարտադիր լրացվող դաշտ է:
Գծիկավոր կոդ	Գծիկավոր կոդը: Կարելի է լրացնել սկաների միջոցով: Հնարավոր է նաև ավտոմատ գծիկավոր կոդ վերագրել` օգտվելով դաշտին կից կոճակից: Վերագրվող գծիկավոր կոդերի պարամետրերը նկարագրվում են Դրույթների Հատով հաշվառվող ապրանքների պարամետրեր բաժնում:

Տեղեկատուում նշված տողը կարելի է խմբագրել, հեռացնել կամ դրա հիման վրա ստեղծել պատճեն։

Տեղեկատուի կոնտեքստային ցանկից կարելի է.

•Տպել պիտակ հրամանի միջոցով նշված տողերի համար կարելի է Սարքավորումներ էջում նշված թերմոտպիչով տպել գծիկավոր կոդ (bar code) պարունակող պիտակ։

•Վերագրել նոր գծիկավոր կոդ հրամանից օգտվելով` կարելի է փոխել նշված տողերի գծիկավոր կոդերը:

•Խմբագրել ապրանքը կամ ծառայությունը հրամանով կարելի է բացել ընթացիկ գծիկավոր կոդով ապրանքի տեղեկատուի խմբագրման պատուհան:

•Արտահանել էլ. կշեռքի ֆորմատով հրամանի միջոցով ստեղծել Էլ. կշեռք ներմուծվող XML ֆայլ, որը պարունակում է տեղեկատվություն տվյալ ապրանքի վերաբերյալ: Այս հրամանը կարելի է կանչել նաև նշված տողերի համար:

•Արտահանել տերմինալի ֆորմատով հրամանի միջոցով ստեղծել տերմինալ ներմուծվող XML ֆայլ, որը պարունակում է տեղեկատվություն տվյալ ապրանքի վերաբերյալ: Այս հրամանը կարելի է կանչել նաև նշված տողերի համար: